Hageo 1:6 - Tayta Diosninchi Isquirbichishan

⁶ Gamcunaga aypallatami murupacunqui; ichanga wallcallatami shuntanqui. Micushpayquipis jinallami yargaycanqui. Upushpayquipis jinallami yacunarcaycanqui. Sumaj pitucurpis manami goñurinquichu. Arupacuptiqui pägashushayquipis manacajnöllami ushacäcun.

Hageo 1:6 Referans Kwoze

Hageo 1:9

Gamcunaga achcata ashirpis wallcallatami tarinqui. Wasiquicunaman churacushayquitapis Nogaga juc pücayllawanmi apacushaj. Chaynöga ¿imanirtaj rurashaj? Chaynöga rurashaj tiyanä Wasi pasaypa juchuchisha captinmi. Chaynöta ricaycarpis gamcunaga yarpachacurcaycanqui quiquiquipa cajcunallapämi.

Oseas 4:10

Nogata sirbiyta gongaycäramashanpitami micurpis mana sacsangachu. Pï-maywan cacuptinpis wamrancuna mana cangapänachu.

Hageo 2:16

¿imanötaj caran? Pipis ishcay chunca (20) säcu micuyta shuntayta yarpaj. Cosëchachöga shuntaj chunca säcullatana. Pichga chunca (50) arröba bïnuta jorguyta yarpaj. Bïnuta rurashpanga jorgoj ishcay chunca (20) arröballatana.

Oseas 8:7

«Paycunaga wayratami murusha, löcu wayratana shuntangapis. Rïguncuna manami wayonganachu. Mana wayuptin jarinapis manami canganachu. Ichiclla cajllantapis juc-lä jäpa runacunami micucarcärenga.

Malaquías 2:2

Gamcuna noga nishäta mana ruraptiquega, llapan shonguyquipa mana rispitamaptiquega maldisyunädu canayquipämi camacächishaj. Gamcunaga manami llapan shonguyquipachu rispitarcaycämanqui. Chaypitami cüra cashpayqui bindisyunta chasquishayquitapis maldisyunman ticrachishaj.

Isaías 5:10

Quimsa ictarya übaspita bïnu llojshengapaj juc tacsha urpullawanmi. Chunca custal rïgu muruta mururpis poguptin shuntangapaj juc custal-llatanami.»

Zacarías 8:10

Ñaupataga runa arushanpita manami pägata chasquishachu, ni animalcunatapis micuyta garashachu. Chiquinacuy captin caminanticunapis manami sigüruchu purisha. Chayno runacuna chiquinacunanpaj nogami camacächirä.

Zacarías 5:4

Munayniyoj Tayta Diosmi nin: ‹Nogami camacächishaj cay maldisyonga pï suwacojmanpis chayananpaj, chayno jutëcho jurashpan llullacojcunamanpis chayananpaj. Chay maldisyonga wasinpa tirantincunatapis, simintuncunatapis ushacächengami› nir.»

Jeremías 44:18

Syëlupa Mamanpaj insinsuta rupachiyta, bïnu ofrendata jichapayta cachaycärishä junajpita-pacha ichanga manana imäpis cashanachu. Runacunapis waquinnëga guërrawan yargaywan wañusha.»

Jeremías 14:4

Mana tamyaptin fiyupa usyawan allpapis rachicäcusha. Chaymi runacunapis fiyupa llaquicur pengacushpan umancunata chapacarcärin.

Salmos 107:34

Alli chacracunatapis agushman ticrachin chaycho tiyajcuna mana allita ruraptin.

Job 20:28

Tayta Dios rabyawan castigashan örami yacu ñitir chay runapa wasinta usharenga.

Job 20:22

Fiyupa rïcu cashpanga mas llaquishami goyanga. Fiyucunami chay runata ima-aycantapis ushapanga.

1 Reyes 17:12

Chaura biyüda niran: «Tayta Diosniquipa jutinchömi jurä: Cananga manami ni ima tantatapis charächu. Nogapa mancächöga juc aptayllami jarinäpis caycan. Ancanäpaj asëtipis puyñöcho ichicllami caycan. Nogaga shuntaycashcä yantata wallcalla caycajllatapis canan yanucunäpämi, wamrä ishcanë ichicllatapis micucarcärinäpaj. Micucarcärerga yargayllawanmi wañucushaj.»

2 Samuel 21:1

David ray caycashan wichan fiyupa muchuy caran quimsa wata intëru. Chaymi Davidga Tayta Diosta tapucuran. Tayta Diosna niran: «Fiyupa muchuy cananpäga Saulmi, famillyancunami juchayoj. Paycunami Gabaón runacunata wañuchisha.»

Levítico 26:26

Micuyniquicunata pasaypami illgächishaj. Jarinata pishipacur chunca warmi shuntacaycur juc pachallachöna tantata ruranquipaj. Ichic-ichicllanami yawarcärinquipäpis. Manami sacsanquipäpischu.

Levítico 26:20

Yangallanami chacrachöpis arur ñacanqui. Chacrapis manami imatapis wayonganachu. Lanta yöracunapis manami wayonganachu.

Nehemías 5:2

Waquenga nircaycaran: «Nogacunapaga achcami wamräcuna warmipis ollgupis. Cawanäpaj rïguta munä.»

Jeremías 12:13

Acrashä runacunaga rïguta muruycärir cashallatami shuntasha. Chay-jina ñacar arushanpis yangallami casha. Noga fiyupa rabyacurcushäpitami cosëchanga pirdisha.»

Hageo 1:5

Noga munayniyoj Tayta Diosmi në: «Imano cawaycashayquitapis sumaj yarpachacuy.

Hageo 1:7

«Noga munayniyoj Tayta Diosmi në: «Imano cawaycashayquitapis sumaj yarpachacuy.

Hageo 1:10

Chaypitami gamcunamanga mana tamyamunchu. Micuyniquicunapis mana wayunchu.

Hageo 2:17

Ñacar murushayquicunatapis nogami illgächishcä micuyta ushaj curucunawan, runtu tamyawan. Chaypis gamcunaga manami nogaman yäracamushcanquichu. Chayno cashayquitaga noga Tayta Diosmi në.

Deuteronomio 28:17

Tanta ruracuna batyayquipis, micuy shuntacuna canastayquipis wayralla tumaycänanpämi maldisyun chayangapaj.

Proverbios 11:24

Pitapis macyaycöga imallatapis mas-mastami tarin. Pitapis mana macyaycoj cajcunami ichanga muchupacayman chayan.