Habacuc 3:4 - Tayta Diosninchi Isquirbichishan

⁴ Achicyaypa achicyaycajpa rurinchömi aywaycämun. Maquincunapitanami achicyaypa achicyar llojshiycan. Chay achicyashanchömi pacaraycan fiyupa munayniyoj cashanga.

Habacuc 3:4 Referans Kwoze

Mateo 17:2

Chaychömi disïpuluncuna ricapaycaptin Jesús juc-nirajman ticraran. Jesuspa cäranga intinöraj fiyupa achic-achicyaycaj ricacuran. Röpanpis achic-achicyaycaj yuraj ricacuran.

Job 26:14

Chayga ichicllata rurashan cajllami caycanpis. Raspilla wiyashallanchïmi caycanpis. ¿Piraj tantiyanman munayniyojpa räyun junrurumur imata nishantapis?»

Éxodo 14:20

Chaura chay ichiraj pucutayga caycaran Egiptucunapawan Israelcunapa chaupincho. Chay öra Egiptucunapäga pacha fiyupa chacacäcuran; Israelcunapäna achicyaparan. Chaynöpami Egiptucunaga ricayta mana camäpacur Israelcunata mana tariparanchu.

Apocalipsis 22:5

Chaychöga pachapis manami chacanganachu. Tayta Dios achicyapaptin intitapis, ima achquitapis manami nistanganachu. Tayta Dioswan y Cashni uyshawanmi paycunaga imaycamapis mandanga.

1 Timoteo 6:16

Payga imaycamapis cawajmi caycan. Payga ñawitapis fiyupa pengachej achquichömi caycan. Paytaga pipis manami ricashachu ni ricaytapis manami camäpacunchu. ¡May-chaychöpis llapan runacuna payta alabaycullächun! ¡Paypa maquincho llapan runacunapis caycullächun! ¡Amén!

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Salmos 104:2

Gamga achquiwan pitucurcusha carmi ñawitapis pengacachej achquicho caycanqui. Tëlata mashtajnömi syëlutapis mashtarishcanqui.

Nehemías 9:12

Israelcunata junajpaga pusharayqui pucutay ichiraycajwan, chacaypana nina ratataycar ichiraycajwan maypa aywananpäpis achquipashpayqui.

Éxodo 13:21

Israelcunata pushashpan Tayta Diosga junajpa aywaran ichiraycaj pucutaycho, chacaypana achquipänanpaj ichiraycaj ninacho. Chaynöpami chacaypa junajpapis Israelcunaga aywaran.

Apocalipsis 21:23

Chay siudäta quiquin Tayta Dios y Cashni uysha achicyapaptinmi intipis ni quillapis mana canganachu.

Salmos 18:12

Fiyupa achicyaycaj illguymi ñaupanpita llojshiran. Pucutaypitana tamyamuran runtu tamyawan ratataycaj shansha.

Ezequiel 1:27

Chegllanno caycashanpita janaman ricarä achic-achicyaycachaycajta. Chay chegllanpita uramanna ricarä nina ratataycajtano. Intëru lädunpana fiyupa achicyaypa achicyaycaran.

Ezequiel 43:2

Chaypita ricarä Israelcunapa Tayta Diosninpa achicyaynin inti yagamunan caj-läpita aywaycämojta. Suynashanga fiyupa wiyacaran chayasha mayu gaparajnöraj. Chaura cay pachaga fiyupa achicyacurcuran.