Habacuc 2:5 - Tayta Diosninchi Isquirbichishan

⁵ Caldea runacunaga alli chölu-tucoj runacunami. Paycunaga imatapis mana yarpachacuypami ruran. Mana jamaypami llutancunata ruran. Munayniyoj cashpanmi paycunaga juc nasyunman juc nasyunman aywan charicarcärinanpaj. Paycunaga wañuynöpis manami ushacanchu.

Habacuc 2:5 Referans Kwoze

Proverbios 27:20

Wañuypis, pantiyun uchcupis manami yamanchu chaychica runa pampacuptinpis. Chaynömi runapis ima ricashancunatapis munapayta mana yamanchu.

Proverbios 20:1

Machacurcorga runacuna alli chölu-tucunmi. Upyacarcärerga quiquin-purami rimanacun. Machashaga manami pipis yarpayninchöchu.

Isaías 21:5

Babiloniachöga mësa maynami churaraycan. Jananman mantiltapis maynami mashtasha. Micurcaycan, upurcaycannami. ¡Jatariy mandajcuna! ¡Pillyar chapacuna escüduyquicunata llushwachay!

Isaías 16:6

Musyanchïnami Moab runacuna alli-tucushanta, waquinpita mas munayniyoj-tucushanta, pitapis mana rispitaj cashanta, baduläqui cashanta.

Isaías 5:8

Ay imanöraj canqui juc-lächo juc-lächo wasicunata rantiycajcuna, chacracunatapis masta-masta shuntaycajcuna. Chayno rurarmi juccunapäga imatapis mana cachaycunquinachu. Nircorga tiyacaycärinqui chay nasyuncho gamcunalla caycajnöpis.

Isaías 2:17

Alli-tucojcunawan ollgojcunaga pasaypa manacajman churashami cangapaj. Chay junäga Tayta Diosllami fiyupa munayniyoj cashpan rispitasha canga.

Eclesiastés 5:10

Guellayta cuyäga mastami charayta munan. Rïcucunapis manami «aypallata charä» ninchu. Chaypis yangallami caycan.

Salmos 138:6

May janaj pachacho cashpanpis Tayta Diosga yanapanmi umildi runacunata. Alli-tucojcunataga carullapitanami rejsin.

2 Reyes 14:10

Edom runacunataga rasunpami binsishcanqui. Chayta binsiycurmi alli-tucuycanqui. Alli-tucuypis ari. Ichanga wasillayquicho cacuy. ¿Imanirtaj quiquillayqui ashiycanqui mana alliman chayayta, Judá runacunapis mana alliman chayananpäga?»

Santiago 4:6

Tayta Diosninchëga fiyupami cuyapämanchi. Chaymi palabranchöpis cayno niycan: «Tayta Diosninchi manami yanapanchu alli-tucojcunataga. Umildicunatami ichanga cuyapar yanapan.»

1 Tesalonicenses 4:11

Piwanpis mana rimanacuyllapa caway-llapa. Runa imano cawacushantapis ricapar ama puriychu. Chaypa ruquenga yachachishänölla ima aruyllachöpis aruy.

Habacuc 2:4

Alli-tucoj cajtaga manami yanapäshächu. Alli runami ichanga yäracamashanpita cawanga.

Jeremías 51:39

Fiyupa acaycho caycashan örami Noga upuchishaj fiyupa machächicojta. Chaura machacäcongapaj. Machacäcurnaga manami musyangapänachu imano carcaycashantapis. Chaymi paycunaga puñucäcongapaj imaycamapis manana ricchamoj. Noga Tayta Diosmi chayno në.

Jeremías 50:29

«¡Lëchawan illapay yachajcunata llapanta shuntay Babiloniaman magaj yaycupaycärinanpaj! ¡Siudä cantunpa tiyacaycäriy pipis mana gueshpinanpaj! ¡Rurashanmanno ayñita cutichiy! ¡Imanömi jucta ruraran chayno paycunatapis ruray! Paycunaga Israelcunapa Santo Tayta Diosnin caycaptëmi mana rispitamashpan rabyachimasha.

Jeremías 25:9

cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.

Proverbios 21:24

Ollgojta, alli-tucojtaga «shimisapa» nirmi rejsin. Chayno runaga yachaj-tucojmi.

Isaías 5:14

Fistacunallacho goyajcunata y llutancunata parlar cawacojcunataga micucoj animalnömi chay runacunata y mandajnincunatapis llapanta ultacurcunanpaj sepultüra shuyaraycan.

Isaías 14:6

Paycunaga juc-lä nasyun runacunata fiyupami ñacachej. Mana cachaypami wirur-ushaj. Mana cuyapaypami gaticachaj.

Habacuc 1:15

Caldeacunataga pescäduta charejtanömi churashcanqui. Paycunaga ansuylawannöpis, redawannöpis nogacunata chariycäman. Nircorga juc pachallaman shuntaycur fiyupa cushicun.

Habacuc 1:17

Runa pescäduta charishano ¿jinallachuraj Caldea runacunaga charircaycämäshun? ¿Chaynöllachuraj mana cuyapaypa runacunata wañuycächenga?