Habacuc 2:13 - Tayta Diosninchi Isquirbichishan

¹³ Chay-jina ñacar arushayquitapis munayniyoj Tayta Diosga manacajllamanmi ticrachengapaj. Llapan arushayquicunatapis nina ruparmi ushanga.

Habacuc 2:13 Referans Kwoze

Jeremías 51:58

Munayniyoj Tayta Diosmi nin: «Babilonia siudäpa intëru cantunpa anchu pergan caycajtapis ushajpämi juchurachenga. Jatun puncuncunatapis llapantami ruparachenga. Llapan nasyun runacuna arur ñacashanpis yangallami canga. Chay-jina uticar arushantapis ninami rupar ushacurconga.»

Isaías 50:11

Cuydädu, achquicunayquipaj quiquiquicunalla ninata sindejcuna; chay ninawan achquicusha purejcuna. Chayno cawaptiquega Tayta Dios castigashunquipämi. Fiyupa llaquicur ñacaychömi goyanquipaj.

Malaquías 1:4

Esaú casta Edom runacunaga caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj Tayta Diosmi ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹Tayta Dios para-simri rabyapashan nasyun› nir.

Isaías 55:2

¿Imanirtaj guellayniquita ushanqui mana micunachöga? ¿Imanirtaj arur gänashayquitapis ushanqui manacajcunachöga? Nogata wiyamay. Wiyacamashpayquega alli micuytami tarinquipaj. Fiyupa alli mishquej micuytami micunquipaj.

Proverbios 21:30

Tayta Diospa ñaupanchöga runa may-jina yachaj cashanpis yangami. Allita yarpashanpis, ni alli yarpayniyoj cashanpis manacajllami.

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.

Jeremías 51:64

Jitarpur ninqui: ‹Cay jitarpushä röllu tallpucajnömi Babiloniapis illganga. Nircur Tayta Dios castigananpaj caycashanpitaga manami yapay imaypis cashanmanno cutenganachu› nir.» Caycamallami caycan Jeremías rimashancunaga.

2 Samuel 15:31

«Ahitofelmi Absalonpa shimita gojnin» nejta mayar Davidga Tayta Diosta mañacuran Ahitofel yarpashan mana camacänanpaj.