Habacuc 1:4 - Tayta Diosninchi Isquirbichishan

⁴ Laytaga pipis manami cumlinnachu. Pitapis manami alliga arriglannachu. Fiyu cajmi alli runata gaticachan. Chaynöpami mana allina arriglanpis.

Habacuc 1:4 Referans Kwoze

Salmos 119:126

Tayta Dios jusganayquipaj caj diya chayamushanami. Mana wiyacojcunaga yachachicuyniquita manami cumlishachu.

Job 21:7

¿Imanirtaj fiyu runacunaga mas unaycamaraj cawan? ¿Imanirtaj auquinyayparaj wañun? ¿Imanirtaj fiyupa rïcu caycashanchöraj wañun?

Jeremías 12:1

Tayta Dios, gamga llapantami musyanqui. Rasun cajtami rimanqui. Chayno captinpis tapucushayqui. ¿Imanirtaj fiyu runacunapäga yarpashanpis alli llojshipan? ¿Imanirtaj llullacuypa mana allita ruraj runacunaga alli goyan?

Ezequiel 9:9

Tayta Diosnami nimaran: «Israelcunawan Judäcunaga alläpanami juchata rurasha. Cay nasyunchöga mana allita rurajcunallami juntasha caycan. Cay siudächöpis manami allita rurannachu. Chay runacunaga caynömi nircaycan: ‹Tayta Diosga manami ricamanchïnachu. Payga caypita aywacushanami› nir.

Amós 5:12

Noga musyaycämi maychicata mana allicunata rurashayquitapis. Musyaycämi juchata rurashayquicunata. Juchaynaj alli runacunata ñacarcaycächinqui. Pägashushayqui saynitapis pacayllapa chasquiycanqui. Autoridäcunapa despächunchöpis pobricunapa dimanduntaga mana bälichinquichu.

Oseas 10:4

Chay raycunaga parlashpanpis llullacuyllatami parlan. Jurashpanpis manacajllapämi juran. Chaypitami amatar pillyallana, mana alli goyayllana caycan chacracunacho wañuchicoj jacha wiñamojnöpis.

Isaías 5:20

Ay imanöraj canqui mana alli cajta «alli» nejcuna, alli cajtana «mana alli» nejcuna, achicyajta «chacay» nejcuna, chacaytana «achicyaj» nejcuna; ashgaj cajta «mishquej» nejcuna, mishquej cajtana «ashgaj» nejcuna.

Deuteronomio 16:19

Paycunaga pitapis mana jananpayllapa llapanta sumaj arriglachun. Rïcutapis pobritapis saynita mana chasquiyllapa arriglachun. Saynita chasquerga yachaj runacunapis sumaj arriglananpa ruquin chasquishan runapa faburninmi jatarenga. Saynita chasquerga alli runacuna willapashancunatapis manami chasquengapänachu.

Éxodo 23:6

«Dimandacamuptenga pobritapis alli arriglanqui.

Éxodo 23:2

«Waquin runacuna mana allita ruraptinpis paycunanöga ama ruranquichu. Autoridäpa ñaupancho achcaj jucnöpa-jucnöpa niptinpis gamga rasun cajllata parlanqui.

Romanos 3:31

Chaura Jesucristuman yäracur salbasha caycarga ¿Moisés isquirbishan laycunata manacajmanchuraj churaycanchi? Manami. Chaypa ruquenga Jesucristuman yäracur yachachishancunata wiyacurmi chay laycunata cumliycanchi.

Hechos 7:59

Sajmarcaycaptin Estebanga mañacur niran: «Tayta Jesús, almäta shuntacullay.»

Hechos 7:52

Unay castanchïcunapis Tayta Diospa profëtancunata chiquir magaran. ‹Tayta Dios acrashan Cristo shamongami› nir willacuptinpis wañuchiran. Tayta Dios acrashan Cristo chayamuptinnaga contran jatarir paytapis wañuchishcanqui.

Marcos 7:9

Mastapis Jesús niran: «Quiquiquicunapa custumriquita ruranayquipämi gamcunaga gongaycärishcanqui Diospa mandamintuncunata.

Salmos 94:3

Tayta Dios, ¿imaycamaraj cushicurcaycanga fiyucunaga?

Salmos 59:4

Nogaga allillatami rurashcä. Imatapis mana ruraycaptëmi wañuchimänanpaj juracuycan. ¡Apuray! ¡Yanapämay! ¡Masqui ricäramay imano caycashätapis!

Salmos 59:2

Fiyu runacunapita salbaycamay ari. Wañuchicojcunapita gueshpiycachimay.

Amós 5:7

Ay wawallau, gamcunaga laycunata mana allimanmi ticrachinqui. Nircurpis manacajmanmi churanqui.

Jeremías 26:8

Tayta Dios nishanta willayta ushaycuptin cüracunapis, profëtacunapis, llapan runacunapis Jeremiasta prësu charicarcärir cayno niran: «¡Cananga wañunquimi!

Jeremías 12:6

Quiquiquipa wauguiquicunawan famillyayquicunami chiquicurcushurayqui. Ollguyparämi washayquitapis rimarcaycan. Alli shiminpa parlapäshuptiquipis paycunamanga ama yäracuychu.

Salmos 22:16

Cañicoj allgucunanömi fiyucunaga intëröpa curalacaycamasha. Maquëta chaquëtapis uchcurisha.

Salmos 11:3

Llapanpis mana allillana captenga ¿imatanaraj ruranga juchaynaj runaga? nir.»

1 Reyes 21:13

Ishcay llulla testïgucunatapis pusharan. Paycunana llapan runacunapa ñaupancho Nabotpa contran rimaran. «Rasunpami gamga rimashcanqui Tayta Diospa, raypa contran» nir cäraran Nabot-ta. Chayno cäraycuptin siudäpita jorguycur sajmaycällar wañuycärachiran.

Salmos 22:12

Chiquimajcunaga wishtacoj törucunano tumaparcaycäman. Chaycunaga carcaycan Basancho tiyaj callpasapa törucunanömi.

Isaías 59:12

Noganchëga Tayta Diosta fiyupami rabyachishcanchi. Juchanchïcunami chayno cashanchïta musyachimanchi. Jucha rurashanchïcunataga yarparaycanchïmi.

Jeremías 8:7

Äbicunapis musyanmi imay wichan yapay cutimunanpaj cashanta, imay wichan juc-läman witinan cashantapis. Gamcunami ichanga laynëcuna imano niycashantapis mana musyanquichu.