Habacuc 1:12 - Tayta Diosninchi Isquirbichishan

¹² Tayta Dios gamga Santo Diosmi canqui. Imaycamapis cawaj cashpayquimi nogacunata wañunäpita salbaycämanqui. Imapitapis chapämaj gagano caycaj Tayta Diosnë, gammi Caldea runacunataga yanapashcanqui munashayquino yarpaycashayquita rurananpaj.

Habacuc 1:12 Referans Kwoze

Deuteronomio 32:4

Paymi imapitapis chapämajninchi. Pay rurashancunaga fiyupa allimi. Imatapis allillatami ruran. Payga manami imaypis llullacunchu. Payga llapantapis allimi rican. ¡Alli cajtami ruran; rasun cajllatami riman!

Salmos 90:2

Puntacunapis manaraj cashanpita-pacha, cay pacha manaraj cashanpita-pacha, unaypita-pacha imaycamapis gamllami canqui Tayta Diosga.

Deuteronomio 33:27

Imaypis cawaj Tayta Diosmi munayninwan gamcunataga chapäshunqui. Paymi chiquishojcunatapis ñaupayquipita gargusha. Chayno gargushpan ushacächinayquipämi nishunqui.

Jeremías 46:28

Jacobpita mirar aywaj sirbimajcuna ama manchacuychu. Nogami gamcunawan caycä. Gamcunata jitarishächo tiyaycashayqui nasyun runacunataga llapantami illgächishaj. Gamcunatami ichanga mana illgächishayquipächu. Chaypa ruquenga juchayqui-tupullami castigashayqui. Castigänillataga manami cachaycushayquipächu. Noga Tayta Diosmi chayno në.»

Jeremías 30:11

Nogaga gamwanmi caycä imapitapis salbanäpaj. Maychöpis jitarishächo caycashayqui nasyun runacunataga llapantami wañuchishaj. Gamcunatami ichanga mana wañuchishayquipächu. Chaypa ruquenga rurashayquimanno castigayllami castigashayqui. Jina castigänillataga manami cachaycushayquipächu.

Salmos 93:2

Tayta Dios, gallarinanpita-pachami jamanayquita sumaj camacächirayqui. ¡Gamga imaypis caycashcanquimi!

Hebreos 13:8

Jesucristoga imaypis chaynöllami caycan. Manami rucacanchu. Unay wichanpis, canan wichanpis, shamoj watacunapis cashannöllami caycan.

1 Timoteo 6:16

Payga imaycamapis cawajmi caycan. Payga ñawitapis fiyupa pengachej achquichömi caycan. Paytaga pipis manami ricashachu ni ricaytapis manami camäpacunchu. ¡May-chaychöpis llapan runacuna payta alabaycullächun! ¡Paypa maquincho llapan runacunapis caycullächun! ¡Amén!

1 Timoteo 1:17

¡Chaymi Tayta Diosninchïta imaypis alabashun! ¡Paymi llapanpäpis munayniyoj, imaycamapis cawaj, mana ricacaj! ¡Amén!

Hechos 3:14

Juchaynaj cajta ‹cachariy› ninayquipa ruquin wañuchicoj cajtami cacharachishcanqui.

Malaquías 3:6

«Nogami cä Tayta Diosga. Manami ni imanillarpis rucacashcächu. Chaymi gamcuna Jacobpita mirajcunapis mana ushajpäga ushacashcanquichu.

Habacuc 3:2

Tayta Dios, intërupa rejsisha cashayquitami musyashcä. Tayta Dios, imata imano rurashayquitapis wiyarmi fiyupa almirä. Unaycuna rurashayquino ruray ari canan nogacuna caycashä wichanpis. Chaynöpanami nogacunapis rurashayquita musyashaj. Rabyashpayquipis cuyapäcoj cashayquita yarpaycuy ari.

Miqueas 5:2

Ichanga Judächo caj marcacunapita mas tacsha Belén Efrata marca, gamchömi Israelcunapa raynin yurengapaj. Payga yurenga mas unay famillya aywarajpitami.

Ezequiel 30:25

Babiloniapa rayninpa ricran callpayoj cananpämi yanapäshaj. Faraonpa ricrantanami callpaynajta rurashaj. Babiloniapa rayninta sablëta aptapaptë, nircur Egipto runacunata wañuchiptin musyacangapaj noga Tayta Dios cashä.

Lamentaciones 5:19

Gammi ichanga Tayta Dios imaycamapis mandaycanquipaj. Syëlucho caycaj jamanayquipitami para-simri mandaycanquipaj.

Isaías 43:15

Nogami Santo Tayta Diosniqui cä. Nogami Israel nasyunta camacächishcä. Nogami rayniqui cä.

Isaías 40:28

Ichanga gamcuna ¿manachu musyanqui? ¿Manachu wiyashcanqui? Imaycamapis cawaj Tayta Dios mundu intëruta camäga manami yamacanchu, manami uticanpischu. Pay yarpashanga mana atipaypämi.

Apocalipsis 1:8

Unaypita-pacha cawaj, cananpis caycaj y shamunanpaj caycaj Tayta Diosmi nin: «Nogaga gallaycunanpita ushanancamami caycä» nir.

Isaías 49:7

Israelcunapa Salbacoj Santo Tayta Diosninmi sirbejninta nin: «Gamga juc nasyun runacunapita chiquishami, manacajman churashami cashcanqui. Fiyu mandajcunapa uywayninmi cashcanqui. Cananpitami ichanga raycunapis waquin mandajcunapis ñaupayquiman gongurpaconga. Chaynöga canga Israelcunapa Santo Tayta Diosniqui gamta acrasha captëmi, aunishäta cumlej captëmi.»

Isaías 37:26

Gamga ¿manachu musyarayqui noga Tayta Dios chaycunata llapanta camacächishäta? Unaypitanami chayno cananpaj camacächirä. Chaymi cananga cumlishcä. Chaynöpami gamga curalasha siudäcunatapis illgächir cachaycunqui ragällanta, muntuy-muntuy goturaycajta.

Salmos 118:17

Manami wañushärächu. Cawashärämi Tayta Dios rurashancunata willacunäpaj.

Salmos 18:1

Tayta Dios, gammi callpätapis gomashcanqui. ¡Nogaga gamta fiyupami cuyä!

Salmos 17:13

¡Tayta Dios, yanapämayna ari! ¡Fiyu runacunataga ruwacachiy! Fiyu runacunapita salbaycamay sabliquiwan.

2 Reyes 19:25

Ichanga ¿manachu musyarayqui noga Tayta Dios llapanta camacächishäta? Unaypita-pachanami chayno cananpaj camacächirä. Cananga chaytami cumlichishcä. Chaynöpami gamga curalasha siudäcunatapis illgächir ragällanta, muntuy-muntuy goturaycajta cachaycunqui.

1 Samuel 2:2

¡Tayta Dios gamllami juchaynäga canqui! ¡Manami pipis yanapäcunchu gamnöga, Tayta! ¡Manami gampita jucga canchu!

Apocalipsis 1:11

nimajta: «Ribilar ricachishäcunata llapanta isquirbircur apachiy ganchis marcacunacho caycaj ermänucunaman: Efesuman, Esmirnaman, Pergamoman, Tiatiraman, Sardisman, Filadelfiaman, Laodiceaman.»

Jeremías 5:18

Tayta Dios nimaran: «Chaypis chay wichan manami ushajpäga wañuchishäpächu.

Jeremías 4:27

Tayta Diosmi cayno nin: «Cay pachacho cajtaga llapantami illgächishaj. Ichanga manami ushajpäga illgächishärächu.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Génesis 21:33

Chay Beersebacho Abrahamga juc «tamarisco» jutiyoj yörata lantaran. Nircur imaycamapis cawaj Tayta Diosta aduraran.

Salmos 102:24

Nogaga në: «Tayta Dios, amaraj apacamayrächu. Mösullaraj caycaptëga amaraj pushacamayrächu.» Gamga canqui mana nunca wañojmi.

Isaías 31:1

¡Ay imanöraj canqui yanapänanpaj Egiptucunaman ruwacoj aywajcuna; Egipto runacunapa cawalluncunaman yäracojcuna; aypalla carrëtancuna cashanman yäracojcuna; cawalluta muntacurcur pillyajcunaman yäracojcuna! Paycunaga yarpayllapis manami yarpärinchu Israelcunapa Santo Tayta Diosninman. Paymanga manami yäracunpischu.

Isaías 37:23

¿Pitataj ashllishcanquega? ¿Pitataj gayapashcanquega? ¿Pitataj gayarashcanqui alli-tucushpayquega? ¡Israelpa Santo Diosninpa contranmi rimashcanqui!

Habacuc 3:6

Pay ichiycuptenga intëru cay pachami sicsicyan. Pay ricapäriptenga nasyuncunapis fiyupami mancharin. Imaycamapis caycaj jircacunapis juchucäcunmi. Imaycamapis caycaj puntacunapis gotucäcunmi. Tayta Diospa yachachicuynincunami ichanga imaypis mana ushacanchu.

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Salmos 74:12

Unaypitapis gamllami nogacunapaga Raynë canqui. Tayta Dios, gamga cay pachacho achca cutimi allicho llojshishcanqui.

Salmos 90:1

Tayta Dios, unaypita-pachapis gamllami pacacunä cashcanqui.

Salmos 149:2

Israelcuna cushicur Tayta Diosta alabay. Gamcunataga Paymi camashurayqui. Sión runacuna cushicuy Tayta Dios rayniqui captin.