Génesis 8:22 - Tayta Diosninchi Isquirbichishan

²² «Mundu manaraj ushacashanyäga caycangami micuycunata murupacuypis shuntapacuypis. Cangami shanaypis gasaypis. Cangami tamyapis usyapis. Cangami junajpis chacaypis.»

Génesis 8:22 Referans Kwoze

Santiago 5:7

Ermänucuna, gamcuna ichanga ñacarpis Jesucristo cutimunanta mana yamacaypa shuyaray. Chacra arojcunapis micuynin alli wayunanta munar tamyarcunantami shuyan murupacunanpaj. Alli wayushan micuynincunata shuntananpäpis usyarcunanta shuyan.

Jeremías 5:24

Manami yarpachacushcanquichu. Ni manami parlacushcanquipischu: ‹Tayta Diosninchïta rispitar manchacushun. Paymi micuyninchïcuna alli gueshpinanpaj tamyachimun rimir tamyata guepa tamyatapis. Micuyninchïcunata shuntananchïpäpis usyachipämanchi alli shuntapacunapaj› nir.

Jeremías 31:35

Tayta Diosmi churaran intita, junajpa achicyananpaj. Quillatawan goyllarcunatana churaran chacaypa achicyananpaj. Paymi camacächin lamarpis pullchajyar gaparänanpaj. Paypa jutenga munayniyoj Tayta Diosmi. Paymi nin:

Éxodo 34:21

«Semänacho sojta junaj arunquicuna. Warannin caj junajchönami ichanga jamanquicuna, murupacuy wichancho carpis cosëcha wichancho carpis.

Génesis 45:6

Muchuy gallarishanga ishcay watanami. Pichga watarämi chaynölla muchuy canga. Chay watacunaga murupacurpis manami ima micuytapis shuntashunpächu.