Génesis 6:11 - Tayta Diosninchi Isquirbichishan

¹¹ Dios ricaran cay pachachöga fiyupa jucha ruraywan wañuchinacuyllana caycajta.

Génesis 6:11 Referans Kwoze

Ezequiel 8:17

Chaura Tayta Dios nimaran: «Runa, ¿ricanquichu? Fiyupa melanaypaj mana allicunata ruraycashpanpis Judá runacunaga mana yamacaypa mastarämi rurarcaycan. Cay nasyunchöga intëruchömi mana allita ruraycan, wañuchinacuycan. Yaparir-yaparirmi fiyupa rabyachiman. Melanaypajcunata rurashancunapa asyaynincunapis sengämanraj chayaycämun.

Habacuc 2:8

Gamcunaga achca nasyun runacunatami ima-aycantapis guechushcanqui. Cananga ima-aycayquitapis paycunanami cutichicongapaj. Llapan mana allita rurashayquipitami wañuchishayquipitami ayñita cutichishunquipaj.

Romanos 3:19

Tayta Diosninchïpa palabrancho chayno niptinmi musyanchi Israelcunapis juchayoj cashanta. Chaymi llapan runacunata Tayta Diosninchi jusgaptin imano chapacuytapis mana puydengapächu.

Romanos 2:13

Chayno jusgar Tayta Diosninchëga runata alli rican manami layta yachacushallanpitachu. Chaypa ruquenga chay layta cumlejcunallatami Tayta Diosninchi alli ricanga.

Ezequiel 28:16

Achca nigusyuta arurmi mana alli ruraycunallaman, jucha rurayllamanna ticrashcanqui. Chaypitami ñaupäpita gargushcä; «Diospa jircan» nishayquicunapitapis jitarishcä. Querubín anjil täpaycäshojmi achicyaycachaycaj rumicunapa ñaupancho puriycajta jorgushurayqui.

Isaías 60:18

Marcayquichöga wañuchinacur gaparächinacushan manami wiyacanganachu. Nasyunniquichöga ushacächinacuypis manami cangapänachu. Chaypa ruquenga curral pergayquicunatami ‹Salbacoj› nir jutichapanquipaj. Sawan puncuyquicunatana ‹Alabansa› nir jutichapanquipaj.

Lucas 1:6

Paycunaga imaypis Tayta Dios mandashanta cumlirmi goyaj. Chaymi paycunapäga pipis washanta mana rimajchu.

Habacuc 2:17

Líbano jircacho yöracunata ushashayquipitami ayñi quiquillayquiman cutimongapaj. Chaycho tiyaj animalcunata wañuchishayquipitami fiyupa mancharinquipaj. Llapan chaycunaga chayashunquipaj runacunata wañuchishayquipitawan siudäcunacho tiyajcunata fiyupa mana allita rurashayquipitami.

Habacuc 1:2

Tayta Dios, ¿imaycamaraj gayacaycämushaj yanapämänayquipaj? Gayacamuptëpis gamga manami wiyamanquichu. Fiyupa mana alli ruraycuna caycho captin ¿imaycamaraj mañacaycämushaj? Chaypis gamga manami shamunquichu nogacunata salbamänayquipaj.

Jeremías 6:7

Pucyupita yacu llojshimojnömi Jerusalenpitaga mana allicuna intëruman mashtacaycan. Chay siudäpitaga imaypis wiyacaycämun mana alli ruraycunallami, pillyallami. Chaymi imaypis ricaycä nanaywan gaparpaycajllata, rachir-ushashallata.

Salmos 140:11

Washa-rimacunaga ama cachunchu cay pachachöga. Mana allita rurashanga fiyu runata quiquinta gatirächun wañuchinancama.

Salmos 55:9

Tayta Dios, fiyucuna yarpashantaga pirdirachiy. Rimaynincunatapis amana tantiyanacuchunchu. Siudächöga caycan pillyallami, rimanacuyllami.

Salmos 11:5

Tayta Diosga ricaycanmi juchaynajtapis juchasapatapis. Fiyupami chiquin fiyu runacunatawan wañuchicojcunataga.

Génesis 13:13

Sodomachöga llapanpis fiyu runacunalla tiyaran. Tayta Diosta rabyachishpan fiyupa juchallatana ruraran.

Génesis 10:9

Nimrodga Tayta Dios yanapaptinmi yachacuycuran jirca animalcunata chariyta. Chaypitami rimaypis can: «Tayta Dios yanapaptin Nimrod cashanno animal chariyta yachan» nir.

2 Crónicas 34:27

llaquicushayquita, caycho tiyajcunapaj, cay parti illgächisha cananpaj, mana allicho cananpaj niycashäta wiyar nogaman yäracamushayquipita, röpayquita rachirishayquipita, ricaycaptë wagashayquitapis wiyashcämi. Noga Tayta Diosmi në:

Génesis 7:1

Chaypita Noëta Tayta Dios niran: «Cay pachacho caj llapan runacunapita gamllami goyaycanqui noga munashäta rurar. Chaypitami gamga llapan famillyayquiwan yaycunqui büqui rurashayquiman.

Génesis 6:10

Noëpaga wamrancuna caran quimsa. Jutincuna caran: Sem, Cam, Jafet.

Éxodo 32:7

Chaymi Tayta Diosga Moisesta niran: «Uraman juclla cutiy. Egiptupita jorgamushayqui runacunaga jucha ruraymannami churacasha.

Deuteronomio 31:29

Musyänami wañucuptëga llapayqui Israelcuna jucha rurayllacho goyänayquipaj cashanta. Mananami ruranquipänachu imano cawanayquipaj willapashäcunatapis. Llutancunata rurar Tayta Diosta fiyupa rabyachishayquipitami fiyupa ñacanquipaj.»

Jueces 2:19

Mandaj jueznin wañuptenga yapayna mana allicunata ruraran. Taytancuna rurashanpitapis mas piyur mana allitana ruraran. Mana bälej dioscunata adurarcaycaran. Manana cachaycäriranchu mana alli custumrincunata. Mana wanacurannachu.