Génesis 5:6 - Tayta Diosninchi Isquirbichishan

⁶ Set pachac pichgan (105) watayoj caycaptin wamran Enós yuriran.

Génesis 5:6 Referans Kwoze

Génesis 4:26

Setpapis wamran caran. Wamran yuriptin jutinta churaparan «Enós» nir. Enospitarämi runacunaga Tayta Diosta adurayta gallaycäriran.

Lucas 3:38

Cainanmi caran Enospa wamran. Enosmi caran Setpa wamran. Setmi caran Adanpa wamran. Y payta Tayta Diosninchi ruraran.

Génesis 5:5

Chaura Adanga cawaran isgun pachac quimsa chunca (930) watayoj cananyaj. Chay watayoj caycar-raj wañuran.

Génesis 5:7

Chaypita Set cawaran pusaj pachac ganchisnin (807) wataraj. Paypapis warmi ollgu wamrancuna caran.

Génesis 4:25

Adanga warminwan yapay cacuran. Warmin yapay gueshyaj ricacur gueshyacuran ollgu wamrata. Nircur niran: «Abelpa ruquin cananpämi Dios munasha wamrayoj canäta. Chaymi wamräpa jutinta churapäshaj ‹Set› nir, Abelta Caín wañuchishanpa ruquin captin.»