Génesis 5:29 - Tayta Diosninchi Isquirbichishan

²⁹ Wamran yuriptin Lamec niran «Cay pachata Tayta Dios maldisyunasha captinpis cay wamrami jamachimäshun arurpis alläpa mana ñacananchïpaj» nir. Chaypitami chay wamranpa jutinta churaparan Noé nir.

Génesis 5:29 Referans Kwoze

2 Pedro 2:5

Tayta Diosninchi manami perdunaranchu Noé cawanan wichan juchasapa runacunatapis. Diosninchi munashanno cawananpaj Noé willapaptinpis chay runacunaga manami wiyacuranchu. Chaymi llapan runacunata Tayta Diosninchëga dilubyuwan ushacächiran. Noëtawan ganchisllatami salbaran.

Hebreos 11:7

Noëpis Tayta Diosman yäracurmi tamyata manaraj rejsirpis chaqui allpallacho büquita ruraran. Chayno ruraran cay pachacho dilubyu captin wamrancuna y llumchuynincunapis mana ushacänanpaj. Chaynöpis Noé yäracuyninpami runacunata willaparan jucha rurashancunata mana cacharerga dilubyuwan shengaypa ushacänanpaj cashanta. Nishanno runacuna ushacaptinpis yäracuyninpami Noëga salbacuran.

Mateo 24:37

«Destinädu Runa cutimunä junäga caycanga unay Noé cawashan wichannömi.

Ezequiel 14:20

Chaycho Noé, Daniel, Job tiyaycarpis manami salbanmanchu warmi ni ollgu wamrancunatapis. Quiquincunallami salbacunman alli runacuna cashanpita. Noga Tayta Diosmi chayno në.

Ezequiel 14:14

Chay nasyuncho Noé, Daniel, Job tiyashpanpis paycuna quimsallanmi salbacunman alli runa cayninpa. Noga Tayta Diosmi chayno në.

Isaías 54:9

«Noé cashan wichanmi jurarä yapayga allpata imaypis yacuwan manana jundichinäpaj. Chaynömi gamtapis jurashpä në gampäga imaypis manana rabyanäpaj. Mananami castïgutapis munachishayquinachu.

Génesis 9:24

Machashanpita paucarcur Noé musyaran shullca wamran imano portacushantapis.

1 Pedro 3:20

Chay almacunaga Noé cashan wichan Tayta Diosta manami wiyacuranchu. Chaypis arpinticunanpaj Tayta Diosga shuyararan Noé büquita rurayta ushanancamami. Büqui rurayta usharcuptin büquiman pusaj runallami yaycuran. Paycunallami yacu janancho wampuypa salbacuran dilubyupita.

Lucas 3:36

Salami caran Cainanpa wamran. Cainanmi caran Arfaxadpa wamran. Arfaxadmi caran Sempa wamran. Semmi caran Noëpa wamran. Noëmi caran Lamecpa wamran.

Génesis 7:23

Noëwan büquiman yaycojcunallami cawaycarga quëdaran. Chaypita cäga llapanmi ushacaran: runacunapis, animalcunapis, pärej äbicunapis, pampapa garachaypa purej cajcunapis.

Romanos 8:20

Tayta Diosninchëga llapan camashancunatami maldisyunädu cananpaj niran, ichanga manami mana alli cashanpitachu. Maldisyunädu carpis

Génesis 5:28

Lamec pachac pusaj chunca ishcay (182) watayoj caycaptin wamran yuriran.

Génesis 5:30

Wamran Noé yurishanpita Lamec cawaran pichga pachac isgun chunca pichgan (595) wataraj. Paypapis warmi ollgu wamrancuna caran.