Génesis 47:9 - Tayta Diosninchi Isquirbichishan

⁹ Chaura Jacobga niran: «Pachac quimsa chuncan (130) watayojnami caycä tayta. Juc-lächo juc-lächo purir wallcallatami cawashcä; ñacallarmi goyashcä. Ichanga chachäcuna cawashan wataman manami chayärächu.»

Génesis 47:9 Referans Kwoze

Salmos 39:12

«Tayta Dios, wiyaycamay ari mañacaycämushäta. Wagaycaptëga ama ricapäcamaychu. Gampäga noga cä jäpa runanöllami. Unay caj awilöcunanöpis manapis aycällatami wañucushaj.

Génesis 35:28

Pachac pusaj chuncan (180) watayoj caycashancho Isaacga wañuran.

Salmos 39:5

Nogataga cawaycächimanqui wallca diyallami. Nogapa cawaynëga gampaj manami aycäpischu. Pï-maypis cawan jämayta cachaynöllami. Selah

Job 14:1

«Runaga wallca watallami cawan. Fiyupa ñacallarmi goyan.

Josué 24:29

Chaypita manapis aycällatanami Nunpa wamran Josuëga wañucuran. Payga Tayta Diosta sirbejmi caran. Josué wañucuran pachac chuncan (110) watayoj caycashancho.

Deuteronomio 34:7

Moisés wañuran pachac ishcay chuncan (120) watayoj caycashanchömi. Wañunancamapis paypa ñawenga manami chacaranchu. Manami gueshyaranpischu.

Éxodo 7:7

Faraonwan parlashan öra Moisesga caycaran pusaj chunca (80) watayoj, Aaronna pusaj chunca quimsan (83) watayoj.

Éxodo 6:4

Chaymi paycunawanpis conträtuta rurarä Canaán partita paycunapita mirajcunata goycunäpaj. Chaychöga puricachajllami tiyarcaycaran.

Génesis 50:26

Egiptucho José wañuran pachac chuncan (110) watayoj caycashancho. Wañuptin Josëpa cuerpuntapis mëdicucuna jampiran aychan mana gotucänanpaj. Jampircärir cajunman churaycäriran.

1 Pedro 2:11

Ermänucuna, cay pachachöga gorpanöllami carcaycanqui. Chaymi cuyay-munaypaj caway-llapa. Llutan yarpashayquicunataga ama ruraychu ari shonguyqui may-jina munaptinpis.

Santiago 4:14

Gamcuna manami musyanquichu waracuna imaman chayanayquitapis. Runaga ushacajllami. Goshtaynöllami yurircur manapis aycällatana illgacäcun.

Salmos 119:54

Cay pachachöga gorpallami tiyä. Layniquicuna alli cashantami willacushaj.

Salmos 119:19

Cay pachachöga gorpallami caycä. Nogataga mandamintuyquicunata yachaycachimay ari.

Génesis 47:28

Egiptuchöga Jacob tiyaran chunca ganchisnin (17) wataraj. Chaura pay caran pachac chuscu chunca ganchisnin (147) watayoj.

Génesis 11:11

Wamran Arfaxad yurishanpita Semga cawaran pichga pachac (500) wataraj. Wamrancuna caranraj warmipis ollgupis.

Hebreos 13:14

Noganchëga cay pachacho gorpanölla car mana ushacaj marcatami shuyaraycanchi.

1 Crónicas 29:15

Gampa ñaupayquicho nogacuna cä caminanti jäpa runanöllami. Chaynöllami casha unay caj awilöcunapis. Nogacunaga cay pachacho cawä rätullami. Manami pipapis bïdanga rantishachu.

Génesis 5:27

Matusalén cawaran isgun pachac sojta chunca isgun (969) watayoj cananyaj. Chay watayoj caycar-raj wañuran.

2 Corintios 5:6

Chaymi llapan shongunchïpa yäracunchi. Ichanga musyanchïmi cay cuerpunchïwan caycashanchïcamaga syëlucho Tayta Dios caycashanpita carullachöraj caycashanchïta.

Génesis 47:8

Faraonga tapuran: «¿Ayca watayojnataj canqui?» nir.

Salmos 39:13

Amana ricapämaynachu. Ichic cacharcamay ari cay pachacho cawashäcamallapis cushisha goyapärinäpaj.»