Génesis 43:14 - Tayta Diosninchi Isquirbichishan

¹⁴ Llapanpaj munayniyoj Tayta Dios gamcunata chay runawan cuyapaycachishunqui jucaj wauguiquitapis cachaycunanpaj, Benjamintapis mana imatapis rurananpaj. Llapan wamräcunata ogranä captenga ¿imanäshätaj ari?»

Génesis 43:14 Referans Kwoze

Ester 4:16

«Gamga cay Susa siudächo caycaj Israel runacunata shuntay. Nircur chay runacunawan quimsa junaj y quimsa pagas ayunay yarpaycashäno cananpaj. Nogapis uywaynëcunawan ayunashaj. Nircur laycho nishanno mana captinpis ray cajman aywashaj. Wañuchimaptenga jina wañuchishachari cashaj.»

Génesis 17:1

Abram isgun chunca isgun (99) watayoj caycaptin Tayta Dios yuriparcur niran: «Nogami cä munayniyoj Dios. Noga munashänölla goyay. Mana allicunata ama ruraychu.

Hechos 21:14

Chaura aunichiyta mana camäpacur «Tayta Dios munaptenga jina chaynöpis cangachari» niräcuna.

Nehemías 1:11

Tayta Dios amatarmi ruwacö mañacamushäta wiyamänayquipaj. Chayno wiyaycuy ari sirbishojcuna mañacamushushayquitapis. Llapanëpis gamta rispitayllatami munaycä. Chaynöpis gamta ruwacamö yanapämänayquipaj. Gam camacächiy ari tayta nogata ray cuyapämänanpaj.» Chay wichan nogaga caycarä ray Artajerjes upunanpaj bïnu apapajninmi.

Proverbios 16:7

Tayta Dios munashanno runa cawar alli goyaptenga chiquipajcunawanpis allina goyänanpämi camacächin.

Salmos 119:41

Tayta Dios aunimashayquino musyachimay cuyacoj, salbacoj cashayquita.

Salmos 100:5

Tayta Diosga fiyupa allimi. Payga imaycamapis cuyacojmi. Imaypis payga allillatami ruranga.

Génesis 22:14

Chaypitami Abrahamga chay puntata jutichaparan «Tayta Dios tarichicunan» nir. Chaypitami cananyaj rimay can cayno: «Puntachörämi Tayta Dios tarichicun» nir.

2 Juan 1:3

Chayno captinmi Tayta Diosninchïta y Wamran Jesucristutapis mañacuycä cuyapäshunayquipaj, llapan juchayquicunata perdunashunayquipaj y alli cawayta goycushunayquipäpis.

Tito 1:4

Tito, gamga Jesucristuman yäracushayquipitami wamräno canqui. Tayta Diosninchïpis, Jesucristupis cuyapäshushpayqui yanapayculläshunqui. Alli cawayta goyculläshunqui ari.

1 Timoteo 1:16

May-jina juchasapa captëpis waquin ricacunanpämi cuyapämar perdunamasha. Cananga waquin runacunapis tantiyacurcaycan paycunatapis perdunar salbananpaj cashantami.

Hechos 7:10

Paytaga ñacaycunapita jorguran. Yachaj cananpaj yanaparan. Yachaj captinmi Egiptupa faraonnenga Josëta churaran palasyuncho caj runacunapa mandajnin cananpaj, nasyuntapis mandäshinanpaj.

Lucas 1:50

Pay munashanno cawajcunata Diosninchëga imaycamapis cuyapangami.

Isaías 49:13

¡Syëlu, cushicuypita gaparay! Tayta Diosga acrashan runacunata shogashami. ¡Allpa, fiyupa cushicuy! Acrashan runacuna llaquicuycaptin Tayta Diosga cuyapashami. ¡Jircacuna, cushisha caycashayqui musyacänanpaj gaparpay!

Proverbios 21:1

Tayta Diospa ñaupancho rayga caycan sicyapa yacu aywajnömi. Tayta Diosmi munashanpa pushan.

Proverbios 1:1

Israelpa raynin Davidpa wamran ray Salomón rimashanmi cay rimaycunaga.

Esdras 7:27

Chaura cartata liguircur Esdrasga Tayta Diosta alabaran: «Unay awilöcuna sirbishan Tayta Dios fiyupa alabasha caycullächun. Paymi raypa shongunta shacyächisha Templun Jerusalencho caycajta rispitananpaj.

Génesis 42:36

Chaypita Jacobga wamrancunata niran: «Gamcunaga nogata cachaycämanqui wamraynajllatanami. Cananga noganchïwan mana cannachu Josëpis ni Simeonpis. Cananga Benjamintana guechumaj-aywanqui. Imapis nogapäga manami allinachu.»

Génesis 42:24

Josëga paycunapita juc-läman aywarcur wagaran. Wagashanpita cutiycur paycunapita juc-läman jorguran Simeonta. Nircur waquin wauguincuna ricapaycaptin wascanwan liyachiran.

Génesis 39:21

Tayta Dios Josëwan carmi imachöpis yanaparan. Chaynöpami carsilcho cuydaj runapis payta alli ricaran.

Génesis 35:11

Mastapis Tayta Dios cayno niran: «Nogaga munayniyoj Diosmi cä. Gampitaga aypallaman mirachun. Gampita mirajcunaga cangapaj jatun nasyun cananpämi. Chaynöpis achca nasyunpaj aypajmi cangapaj. Gampita mirajcuna waquenga cangapaj raycunami.

Génesis 28:3

Llapanpaj munayniyoj Tayta Dios bindisyunta goycushunqui. Bindisyunta goycushunqui wamrayquicunapis aypallaman mirananpaj, gampita mirajcuna achca nasyuncuna cananpaj.

Salmos 85:7

Tayta Dios, nogacunata cuyaycämashayquita musyaycachimay, salbaycamay.

Juan 19:22

Chayno niptin Pilato niran: «Isquirbishätaga manami rucachïnachu.»

Génesis 43:13

Wauguiquita pushacarcärir juclla ayway ari chay runa cajman.

Salmos 106:46

Chaymi camacächiran paycunata maquincho chararaycajcunapis allina ricananpaj.

Génesis 44:12

Chaura sirbintiga ashiyta gallaycuran mayur cajpa custalninpita shullca cajpa custalnincama. Ashiycashancho bäsutaga Benjaminpa custalnincho tariran.