Génesis 43:11 - Tayta Diosninchi Isquirbichishan

¹¹ Chayno niptin papänin niran: «Cananga ¿imanäshunnataj ari? Chaynönachari pushanqui. Chay runata goycunayquipaj apanqui cay particho mas munay cajninta: balsamuta, abëjapa mishquinta, perfümita, mïrrata, nuezcunata, almendracunatapis.

Génesis 43:11 Referans Kwoze

Génesis 37:25

Wiñarpärir micur jamacaycäriran. Chaypita ricaran juc röpa Ismael runacuna aywaycämojta. Paycunaga aywaycämuran achca camëlluncunawan nigusyun cargasha. Galaadpita aparcaycaran perfümita, balsamuta, mïrrata. Chaycunataga Egiptumanmi ranticoj apaycaran.

Jeremías 8:22

Galaadchöga ¿manachuraj ima jampillapis can? Chaychöga ¿manachuraj pillapis jampicoj can? ¿Imanir-raj marca-masëcuna mana allchacanchu?

Ezequiel 27:17

Gamcunapitami rantej Judá, Israel runacunapis. Paycuna pägashoj-cashunqui Minit particho wayoj rïgucunata, pastilcunata, abëjapa mishquincunata, asëtita y balsamuta.

Proverbios 18:16

Imallatapis buluntäninpa goycuptenga pï-maypis allimi jamachin. Mayur runacunapis allimi rican.

1 Samuel 9:7

Chaura Saúl niran: «Aywashun ari. Ichanga chay runapaj ¿imatataj apashun? Noganchïpaga ushacashanami mircapanchïpis. Diospa willacojninta goycunapäga imallanchïpis manami cannachu.»

Hechos 21:14

Chaura aunichiyta mana camäpacur «Tayta Dios munaptenga jina chaynöpis cangachari» niräcuna.

Ezequiel 27:15

Rodaspita shamoj runacunapis gampita rantej. Lamar cantunpa tiyajcunataga achca nasyuncunatami ranticoj-canqui. Paycuna pägashoj-cashunqui marfilta, ébano guerucunata.

Cantares 8:14

Cuyaynë, cörrimuy ari. Lluychuno cörrimuy. Lluychupa wawannöraj alli asyaycaj jircacuna jananpapis cörrimuy ari.

Cantares 4:14

nardo, azafrán, cuyayllapaj asyaj läbo-olor, canëla; tucuy casta insinsu yöracuna.

Cantares 4:10

Cuyaynë, majallä, cuyamashayquega shongöcamarämi chayaycun. Cuyamashayquega mishquej bïnupitapis mas allimi caycan. Perfümiwan pichucushayquipis llapan perfümicunapita mas cuyayllapämi asyan.

Proverbios 21:14

Fiyupa rabyasha caycajtapis alli shongunpa goycushpanga rabyantapis päsacächinmi.

Proverbios 19:6

Achcajmi rïcupa maquintaga rispitar muchan. Tarichicojtapis llapanmi ashin amïgun cananpaj.

Proverbios 17:18

Mana tantiyaj upacunaga pitapis garantiyanmi. ¿Imanirtaj jucpa jagancunata pägapacunquiman?

Salmos 76:11

Aunishanchïcunataga Tayta Diosninchïta cumlishun. Ñaupancho caycajcuna, gamcunapis almiraypaj caycaj Tayta Diospaj garayniquicunata apamuy.

Salmos 72:10

¡Paymanga Tarsischo tiyaj raycuna, lamar chaupin tishgucho tiyajcuna impuestuta pägachun! ¡Garaynincunata goycuchun Sabächo caycaj raycuna, Sebacho caycaj raycuna!

Salmos 68:29

Jerusalencho Templuyquimanmi raycuna garaynincunata apamonga.

Ester 4:16

«Gamga cay Susa siudächo caycaj Israel runacunata shuntay. Nircur chay runacunawan quimsa junaj y quimsa pagas ayunay yarpaycashäno cananpaj. Nogapis uywaynëcunawan ayunashaj. Nircur laycho nishanno mana captinpis ray cajman aywashaj. Wañuchimaptenga jina wañuchishachari cashaj.»

2 Reyes 20:12

Chay wichan Baladanpa wamran Merodac-baladán Babiloniapa raynenga mayaran Ezequías fiyupa gueshyaycashanta. Chaura cachancunawan cartacunata apachiran. Garaynintapis apachiran.

2 Reyes 16:8

Chaynöpis Acazga Asiriapa rayninman goycunanpaj apachiran Tayta Diospa Templuncho caycaj gorita, guellayta, palasyucho caycajtapis llapan tarishan bälejcunata.

2 Reyes 8:8

Chaura rayga yanapajnin Hazaelta niran: «Goycunayquipaj imatapis apacurcur ayway Diospa profëtanman. Payta ruwacunqui Tayta Diosta tapucunanpaj. Mä cay gueshyapita allchacäshächush.»

1 Reyes 15:19

«Gamwan alli parlacushun, unay papäninchïcuna rurashanno. Nogami apaycächimö gorita guellayta goycunäpaj. Israelpa raynin Baasawan parlashayquitaga cutiricuyna. Chauraga Israelcunaga nogata manami rimapämanganachu.»

1 Reyes 10:25

Chaymi llapan apapaj cada wata imatapis goycunanpaj guellaypita, goripita, röpacunata, armacunata, perfümicunata, cawallucunata, mülacunata.

1 Reyes 10:15

Chay jananmanmi runacuna pägashan impuestutapis chasquej. Chay impuestuta pägaj nigusyanticuna, Arabia nasyunpa raynincuna, Israel nasyunpa gobernadornincuna.

1 Reyes 4:21

Salomonmi mas mandaj caran Éufrates mayupita Filistea nasyuncama, Egipto nasyunwan tincoj lindacama. Chaymi llapan pägaj impuestuta. Salomón cawashancamaga paypa munaynillanchöna caran.

1 Samuel 25:27

Chaymi ruwacö tayta. Garayniqui apamushäta aypunacuchun llapan yan'guiquicuna.

Deuteronomio 33:14

Micuynincunapis timpuncho wiñamuptin alli poguypa poguchichun.

Génesis 43:14

Llapanpaj munayniyoj Tayta Dios gamcunata chay runawan cuyapaycachishunqui jucaj wauguiquitapis cachaycunanpaj, Benjamintapis mana imatapis rurananpaj. Llapan wamräcunata ogranä captenga ¿imanäshätaj ari?»

Génesis 33:10

Chayno niptin Jacobga yapay niran: «Goycushätaga chasquimay ari nogawan rasunpa alli caycashayquita musyanäpaj. Gamwanga alliwanmi tincushcanchïpis. Chaymi gamwan tincuycorga quiquin Diosta ricaycushanöraj fiyupa cushisha caycä.

Levítico 20:24

Chay runacuna tiyashan nasyuncunata nogaga aunishcänami gamcunata goycunäpaj. Quiquëmi tiyachishayqui lëchipis, mishquipis yacunöraj achca cashan nasyuncho. Llapanpis aypallami canga. «Nogami Tayta Diosniqui cä. Achca nasyun captinpis gamcunallatami acracushcä.

Génesis 43:10

Auniptiquega maynami ishcay cutipis aywäcunaman cutimöcunaman caran.»

Génesis 43:15

Jacobpa wamrancunaga Egiptuman chayachir mandajta goycunanpaj cajcunata camaricuran. Nircorga guellaytapis masta apacurcur, wauguin Benjaminta pushacurcur Egiptuman llapan aywaran. José cajman chayaycäriptin

Génesis 43:25

Parlajta wiyar musyaycaranna chaycho José micunanpaj cashanta. Chaymi Josëta goycunanpaj apashanta camariran. Nircurna shuyarcaycaran José mirindaj chayananta.

Génesis 43:26

Wasinman José chayaycuptenga fiyupa rispitashpan umpuran urcunpis pampaman töpanancama. Nircorga goycunanpaj apashancunata goycäriran.

Ezequiel 27:22

Sabächo, Raamacho tiyaj nigusyanticunaga gampitami rantej. Paycuna pägashoj-cashunqui mas allinnin caj perfümicunata, cuestaj cuyayllapaj rumicunata, goritapis.

Éxodo 3:8

Chaymi urämushcä acrashä runacunata Egiptucunapa munayninpita jorgunäpaj. Chay nasyunpita jorgurcurmi pushashaj alli jatun may-may partiman. Chaychöga ima-aycapis allimi wayun. Lëchipis, mishquipis yacunörämi aypalla caycan. Chay partichöga tiyarcaycan: Cananeo runacuna, Het runacuna, Amorreo runacuna, Ferez runacuna, Hev runacuna, Jebús runacunapis.