Génesis 40:21 - Tayta Diosninchi Isquirbichishan

²¹ Bïnuta faraonman apapajtaga cutichiran ñaupata arushanman. Chauraga faraonman yapay bïnuta apaparan.

Génesis 40:21 Referans Kwoze

Génesis 40:13

Faraonmi cananpita quimsa junajta cay carsilpita gamta jorgushunquipaj. Nircurmi cashgan churashunquipaj ñaupata arushayquiman. Chaura ñaupatanömi yapay faraonman bïnuta apapanquipaj.

Nehemías 2:1

Ishcay chunca (20) watana Artajerjes ray caycaptin, Nisán quillacho juc junaj ray upunanpaj bïnuta macyaycarä. Chay öra rayga ricamaran llaquisha caycajta.

Génesis 40:2

Chaymi faraonga fiyupa rabyaran chay ishcan mandajcunapaj.

Génesis 41:13

Chaypitaga llapanpis caran pay willamashannölla. Noga cutirä arushäman. Tanta rurajtana warcuchirayqui.»

Nehemías 1:11

Tayta Dios amatarmi ruwacö mañacamushäta wiyamänayquipaj. Chayno wiyaycuy ari sirbishojcuna mañacamushushayquitapis. Llapanëpis gamta rispitayllatami munaycä. Chaynöpis gamta ruwacamö yanapämänayquipaj. Gam camacächiy ari tayta nogata ray cuyapämänanpaj.» Chay wichan nogaga caycarä ray Artajerjes upunanpaj bïnu apapajninmi.

Salmos 105:19

José rimashan cumlinancama carsilcho wichgarächiran. José willashan rasunpa cashanta chay junaj Tayta Dios musyachiran.