Génesis 35:18 - Tayta Diosninchi Isquirbichishan

¹⁸ Chaymi Raquelga pasaypa wañuycashanchöna niran: «Benoni jutin canga» nir. Jacobmi ichanga «Benjamín» nir jutichaparan.

Génesis 35:18 Referans Kwoze

Hechos 7:59

Sajmarcaycaptin Estebanga mañacur niran: «Tayta Jesús, almäta shuntacullay.»

Lucas 23:46

Chay öra Jesús sinchipa niran: «¡Papä, gampa maquiquimanmi almäta cachaycö!» Chayno nircur wañucäcuran.

1 Crónicas 4:9

Jabesga wauguincunapita mas rejsisha runami caran. Mamanmi «Fiyupa nanaywanmi gueshyacushcä» nir jutinta «Jabes» nir churaparan.

Lucas 12:20

Chayno yarpachacuycaptinshi Tayta Dios niran: ‹¡Yarpayniynaj upa runa! ¡Canan chacaymi wañunquipaj! Llapan ñacar churashayquega ¿pipäraj quëdanga?› nir.

Lamentaciones 2:12

Pishi wamracunami mamanta nircaycaran: «Fiyupami yargaycä mama.» Chayno nircur siudäpa cällincunacho wañoj. Mamanpa mellgaynincunacho wañucäcoj.

Salmos 80:17

Munashayquino cawaj runata ichanga yanapaycuy. Acrashayqui runataga sumaj yanapaycuy.

Salmos 16:10

Wañojcuna pamparashanchöga ama cachaycamanquichu. ¡Sepultürachöpis ama cachaycunquichu acrashayquitaga!

Éxodo 12:7

Pishtashan uywata micunanpaj caj wasi puncupa ishcan marcuncunatawan numralnintapis pichonga chay pishtashan uywapa yawarninwan.

Génesis 43:14

Llapanpaj munayniyoj Tayta Dios gamcunata chay runawan cuyapaycachishunqui jucaj wauguiquitapis cachaycunanpaj, Benjamintapis mana imatapis rurananpaj. Llapan wamräcunata ogranä captenga ¿imanäshätaj ari?»

Génesis 42:38

Chaura Jacobga niran: «Gamcunawanga wamrä manami aywangachu. Wauguin Josëpis wañushana. Pay japallannami quëdasha. Aywaycashancho imapis päsaptenga gamcunami juchayoj canquipaj noga llaquicuyllawan wañunäpaj.»

Génesis 42:4

Papänin Jacob mana munaranchu Josëpa shullcan Benjamín wauguincunawan aywanantaga. Yarparan imapis päsananta.

Génesis 30:1

Raquelga quiquin wawata mana tarir ñañan Leata chiquiran. Chaymi runan Jacobta niran: «Nogachöpis wamrayqui cachun. Wawata mana tarerga wañucurishämi.»

Génesis 35:17

Fiyupa ñacaycaptin partëra niran: «Ama llaquicuychu. Cay wamrayquipis ollgumi yurisha.»

Génesis 35:19

Raquelga chaynömi wañuran. Chaura Efrata marcaman näni aywajpa ñaupanman pampaycäriran. Chay marcapami cananga jutin Belén.

Génesis 35:24

Raquelcho caj caran José, Benjamín.

Génesis 49:27

«Benjamín, gamga canqui atojnömi. Imatapis charircur tuta tutallami micunqui. Tardipana llapan puchöpacushayquitapis aypurinqui.»