Génesis 32:11 - Tayta Diosninchi Isquirbichishan

¹¹ Wauguë Esaüpita salbaycamay ari. Aypalla runacunawan yaycaycamur warmicunatapis wamrantinta wañuchinanpitami manchacö.

Génesis 32:11 Referans Kwoze

Proverbios 18:19

Sumaj curalasha siudäpa pergancunata juchuchiypis fäsirämi canman wauguin jagayächishan runata shogananpitaga. Rimanacuyga caycan mana pipis yaycunanpaj rancasha caycaj puncunömi.

Mateo 6:13

Jucha rurayman Satanás chayachimänanpitapis chapaycallämay ari. Masbin nogacunata yanapaycallämay juchaman mana chayayllapa cawanäcunapaj. [Gampa maquiquichömi ima-aycapis caycan. Chaymi imaycamapis alabasha caycullay Tayta. Amén.]

Oseas 10:14

Chaypitami cananga nasyunniquicho guërrallana canga. Siudäniquicunapis llapanmi ushacanga. Bet-arbel particho pillya cashan öra ray Salmán illgächishanno, warmicunata wamracunata wañuchishanno llapanta wañuchenga.

Daniel 3:17

Nina rataycaj wayllasha jurnuman gaycamaptinpis nogacuna adurashä Diosnëga salbamanmanmi. Gam fiyupa mana allita ruramayta munaycashayquipitapis salbamanmanmi.

Salmos 142:6

Wiyaycamay ari gaparaypa mañacamushäta. Balurnë manami cannachu. Gaticachämajcunapitaga pacaycamay ari. Paycunaga nogapita mas callpayojmi.

Salmos 119:134

Runacuna ñacachimänanpita salbaycamay. Nogaga willapämashayquicunata cumliytami munä.

Salmos 43:1

Tayta Dios alli arriglamay ari. Mana rispitashoj runacunachöga faburnë caycuy ari. Fiyu runacunapita llulla runacunapitaga salbamay.

Salmos 31:2

Wiyaycamay ari. Apurä salbaycamay ari. Gam caycullay chapämaj gaga. Salbaycamay ari.

Salmos 25:20

Paycunapitaga salbaycamay ari. Ama camacaycachiychu pengaycho canätaga. Gamman yäracaycämuptëga ama camacaycachiychu wañuchimänanta.

Salmos 16:1

Tayta Dios, gammanmi yäracamö. ¡Chapaycamay ari!

1 Samuel 24:15

Chaymi Tayta Diosninchi ishcanchïtapis jusgamäshun. Mä mayganchïshi juchayoj canchi. ¡Wañuchimänayquipita pay salbamächun!»

1 Samuel 12:10

Chayrämi paycunaga juchancunapita arpinticuran. Tayta Diosta cachaycärir mana bälej Baal dios-niraj, Astoret diosa-niraj ïdulucunata sirbiycashanpita arpinticur Tayta Diosta ruwacuran chiquejcunapita salbananpaj. ‹Salbamaptiqui gamllatami adurashayqui› niran.

Génesis 27:41

Papänin bindisyunta goshan junajpita-pachami Esaüga Jacobta fiyupa chiquipacurcuran. Chaymi Esaú cayno yarparan: «Alläpaga papänë mananami cawanganachu. Papänë wañucuptinnaga wauguë Jacobta wañuycachishämi» nir.

Deuteronomio 22:6

«Puriycashayquicho äbipa gueshwanta yöracho u pampacho tarerga runtullaraj captinpis ni pushapa captinpis mamantintaga ama apacunquichu.

Génesis 27:42

Esaú chayno yarpaycashanta Rebeca mayaran. Mayaycurmi wamran Jacobta gayarcachir niran: «Wauguiqui Esaüga wañuchishunayquipämi yarpaycan.

Génesis 32:3

Jacobga uywaynincunata cacharan Seircho caycaj Edom partiman. Cachacuran wauguin aywaycashanta Esaüta willananpaj.

Génesis 32:7

Chayno cachancuna willaycuptin Jacobga fiyupa manchacäcuran. Pasaypa yarpachacuyman churacaran. Chaymi paywan caycaj runacunata, uywancunatapis ishcay röpaman raquiran.

Génesis 33:4

Chayno aywaycajta ricärir wauguin Esaüga cörriran tincunanpaj. Chayaycur macallacurcur mucharan. Nircur ishcan wagaran.

Génesis 24:27

cayno nir: «Patrunnë Abrahampa Tayta Diosnenga alabasha cachun. Patrunnëtaga allimi yanapan. Chaymi castanmanpis chayachimasha.»

2 Samuel 7:18

Chaura ray Davidga Tayta Diospa ñaupanman yaycurcur niran: «Tayta Dios, nogaga manacajllami cä. Famillyäcunapis manacajllami. ¿Imanöpataj caycama chayachimanqui?