Génesis 26:22 - Tayta Diosninchi Isquirbichishan

²² Chaura Isaacga chay tiyaycashanpita caruman aywacuran. Chaychöna yapay pösuta uchcuchiran. Chay pösupaj mana piwanpis rimanacuptinna jutinta churaparan Rehobot nishpan. Chaymi niran: «Cananga Tayta Dios cayman churamashcanchi allilla goyäcur mirananchïpämi.»

Génesis 26:22 Referans Kwoze

Éxodo 1:7

Ichanga Israelcuna fiyupa aypallamanna miraran. Paycunaga chay partipa intëruchöna aypacasha caycaran. Chaymi manchariypäna caran.

Génesis 17:6

Gampita mirajcunaga aypalla cananpämi camacächishaj. Chayno mirashpanmi cangapaj achca nasyunpaj aypaj. Gampita mirajcuna waquenga cangapaj raycunami.

Salmos 118:5

Llaquicuycashä örami Tayta Diosta mañacurä. Paynami wiyamashpan ñacaycho caycajta jorgamaran.

Génesis 41:52

Jucaj wamran yuriptinnami «Amatar ñacashä nasyunchömi Dios munasha wamrayoj canäta» nishpan jutinta churaparan Efraín nir.

Salmos 18:19

Paymi allicho jorgamaran. Cuyamashpanmi salbamaran.

Salmos 4:1

Conträcunapita chapämaj Tayta Diosnë, ¡mañacamuptë yanapaycamay ari! Llaquicuycaptë gamga shacyächimarayquimi. ¡Cananpis cuyapämashpayqui wiyaycamay ari mañacamushäta!

Génesis 28:3

Llapanpaj munayniyoj Tayta Dios bindisyunta goycushunqui. Bindisyunta goycushunqui wamrayquicunapis aypallaman mirananpaj, gampita mirajcuna achca nasyuncuna cananpaj.

Génesis 26:21

Chaypitapis yapay Isaacpa uywaynincunaga juc pösuta uchcuran. Chaychöpis yapay rimanacuran. Chaymi chay pösupa jutintapis Isaacga churaparan «Chiquinacuy» nishpan.

Isaías 54:2

«Witichinalla tolduyquita jatunyächiy. Tiyaycashayqui tolduyquitaga mashtar sumaj chutay. Tolduyquita chariraj wascacunata jatunyächiy; istägacunatapis sumaj jawiy.

Isaías 54:3

Gamcunaga achcayar wac-läman cay-lämanpis aypallamanmi mashtacanquipaj. Gampita mirajcunaga achca nasyuncunatami guechur charicarcärengapaj. Canan chunyaj caycaj siudäcunachöpis paycunaga juntami tiyangapaj.

Salmos 119:32

Shongöta cushicachiptiquimi mandamintuyquicunataga cushisha cumlë.