Génesis 25:26 - Tayta Diosninchi Isquirbichishan

²⁶ Esaüpa chaqui-talunninta charicusha guepantana yuriran wauguin. Chayno yurishanpitami jutinta churaparan Jacob nir. Rebeca gueshyacuptin Isaac caycaran sojta chunca (60) watayoj.

Génesis 25:26 Referans Kwoze

Génesis 27:36

Chaymi Esaüga niran: «Rasuntachari ‹Jacob› nirpis jutichaparan. Cananwanga ishcay cutinami engañaman. Rimëroga mayur cay derëchöta guechumasha. Cananga nogata bindisyunta gomänayquipaj cajtana guechumasha. ¿Manachu ichicllapis quëdasharaj nogatapis bindisyunta gomänayquipaj?» nir.

Oseas 12:3

Jacobga yurillarnami wauguinpa chaqui talunninta charisha yuriran. Rucu runa cashpannaga Dioswan pillyaran.

Hechos 7:8

Chayno Tayta Dios conträtu rurashan mana gongacänanpaj Abrahamta señalacachiran. Abrahampis wamran Isaacta señalaran pusaj junajyoj caycaptin. Isaacpis wamran Jacobta señalaran. Jacobpis chunca ishcay wamrancunata señalaran. Paycunami Israelcunapa unay caj awiluncuna caran.

Génesis 25:20

Rebecawan majachacashan öra Isaacga caycaran chuscu chunca (40) watayoj. Betuelpa wamranmi caran Rebecaga. Y Labanpana pañin caran. Paycunaga Aram runacunami caran. Padan-aram partichömi tiyaran.

Génesis 35:28

Pachac pusaj chuncan (180) watayoj caycashancho Isaacga wañuran.

Josué 24:4

Isaacpanami wamrancuna caran Jacobwan Esaú. Esaüpita mirajcunatami goycurä aypalla puntayoj Seir partita. Jacobnami llapan wamrancunawan aywacuran Egiptuman.

1 Crónicas 1:34

Abraham caran Isaacpa papänin. Isaacpa wamrancuna caran: Esaüwan Israel.

Génesis 21:5

Wamran Isaac yuriptin Abrahamga caycaran pachac (100) watayojna.

Números 20:14

Cadespita Moisesga cachacunata cachacuran Edom nasyunpa rayninman. Cayno willachiran: «Castayqui Israelcunami caycä. Gamga musyaycanquinami nogacuna fiyupa ñacar goyashäta.

Deuteronomio 23:8

Gamcunacho tiyaj Edom runacunapa, Egipto runacunapa willcancunami ichanga Tayta Diosta adurananpaj shuntacashanman yaycongana.

Oseas 12:4

Anjilwan pillyar binsiran. Nircur Jacobga wagashpan cuyapänanpaj ruwacuran. Tayta Dios Betelcho tarishpan chaycho parlaran.

Malaquías 1:2

Tayta Diosmi nin: «Nogaga gamcunata cuyämi». Gamcunanami ichanga ninqui: «¿Imanöpataj musyäcunaman cuyamashayquita?» nir. Chayno gamcuna niptiquimi Tayta Dios nin: «¿Manachu chay wauguilla caran Jacobwan Esaüga? Chaypis nogaga Jacobtami cuyarä.