Génesis 21:7 - Tayta Diosninchi Isquirbichishan

⁷ Noga wawayoj canätaga ni imanillarpis pipis yarpanmanrächu caran. Abraham auquin caycaptinpis paypa wamrantami gueshyacushcä» nir.

Génesis 21:7 Referans Kwoze

Isaías 66:8

¿Pillaga wiyashachuraj imayllapis chayno cashanta? ¿Pillaga ricashachuraj imayllapis chayno päsashanta? ¿Juc junajllacho miranmanchuraj juc nasyunpaj aypajpaj? ¿Juc yuriyllacho yuririnmanchuraj juc nasyunpaj aypaj? Chaynömi Sionga nanay charircushan öra wamrancunata gueshyacurisha.

2 Tesalonicenses 1:10

Jesucristuman yäracojcunami ichanga cushicushpan Taytanchi Jesucristuta adurangapaj. Chaynömi gamcunapis paypa ñaupanman chayar cushisha aduranquipaj. Chayno canga Jesucristupa alli willacuyninta willacushäta wiyacushayquipitami.

Efesios 3:10

Chaynöpami cananga Jesucristuman yäracojcuna cayninpa dyablucunapis anjilcunapis tantiyaconga Tayta Diosninchi llapanpaj yarpaysapa cashanta.

Números 23:23

Jacob castacunata maldisyunashapis manami chayanchu. Chay Israelcunata brüjushapis manami chayanchu. Cananpitaga Israelcunata niypaj: ‹Tayta Diosga gamcunapaj achca milagrutami rurasha.›

Salmos 86:10

¡Gam japallayquimi Diosga canqui! Gamllami canqui munayniyoj, milagrucunata rurajpis.

Salmos 86:8

Tayta Dios, manami gamnöga canchu. Gam rurashayquitano ruräga manami pipis canchu.

Isaías 49:21

Chaura gamga yarpaynillayquicho ninquipaj: ‹Nogapaga wamräcuna manami cashachu. Ni wawa tariytapis manami yachashcächu. Chauraga ¿maypitataj cay wamräcuna yurimusha? Nogaga jitarisha, shuyni quiquillämi tiyashcä. ¿Pitaj uywasha paycunataga? Japallätami cachaycamaran. Paycunaga ¿maypitataj shamusha?› nir.»

Génesis 17:17

Niptin Abrahamga Diosta rispitashpan gongurpacur umpuran urcun pampaman töpanancama. Asicushpan shongullancho niran: «Auquin pachac (100) watayojna caycaptëga ¿imanöpanataj warmë gueshyaj ricaconga? Sarapis isgun chunca (90) watayojna caycan. Chacwanna caycaptenga ¿imanöpanataj wamran canga?» nir.

Génesis 18:13

Chaymi Abrahamta Tayta Dios niran: «¿Imanirtaj asicusha Saraga ‹Chacwanna caycarga ¿rasunpachuraj wawata tarishaj?› nir?

Génesis 21:8

Isaac jatullanna captin maman wasguiran. Wasguishan junaj Abrahamga cushicuywan jatun fistata ruraran.

Jeremías 20:15

¡Maldisyunädu cachun papänëta cushicachir «ollgumi wamrayqui yurisha» nir willäga!

1 Reyes 3:21

Ricchapacamur chuchunäpäga wañusha wamralla caycasha. Tuta pacha achicyarcuptin ricaptëga manami wamrächu casha.»

1 Reyes 11:20

Tahpenespa ñañanga Hadadpa wamranta gueshyacuran ollguta. Jutinta churaparan «Genubat» nir. Genubat-taga Tahpenes uywacuran palasyucho quiquinpa wamrancunatawan iwal.