Génesis 2:7 - Tayta Diosninchi Isquirbichishan

⁷ Chaypitana Tayta Diosga runata ruraran allpapita. Nircur senganpa pücaran cawayta gallaycunanpaj. Chaura runa cawaytana gallaycuran.

Génesis 2:7 Referans Kwoze

1 Corintios 15:45

Tayta Diosninchïpa palabranchöpis nin: «Rimir caj Adán jutiyoj runaga cawaj runallaman ticrasha.» Guepa caj Adanmi ichanga cawachicoj espirituman ticrasha.

Job 33:4

Chayno canäpämi munayniyoj Tayta Dios ruramasha. Nircur cawayta gomasha.

Eclesiastés 12:7

Chaypitaga allpapita rurasha cuerpuyquega yapay ticranga allpamanna imaypis cashanno cananpaj. Almallayquinami cutenga Tayta Dios cajman. Paymi goshurayquipis.

Isaías 64:8

Imano casha captëpis Tayta Dios gammi canqui nogacunapa papänëga. Nogacunaga cä mitullapitami. Gamnami canqui manca ruraj. ¡Llapanëpis cä gam ruramashallayquimi!

Hechos 17:25

Paymi cawananchïpaj jämaytapis gomanchi. Cawananchïpaj nistashanchïcunatapis camaripämanchi. Manami noganchïchu payta imatapis camaripänanchi. Chaypa ruquenga paymi llapantapis camaripämanchi.

1 Corintios 15:47

Rimir caj runaga allpapitami caran. Guepa caj runa Jesucristumi ichanga syëlupita caran.

Génesis 3:19

Micunayquipäpis cangapaj südashayquiyaj aruptiquirämi. Chayno aruycällarmi wañunquipaj allpaman ticranayquicama. Allpapitami rurasha cashcanquipis. Chaymi cashgan allpaman cutinquipaj.»

Job 27:3

Cawaycänäpaj pay callpata gomashancamaga

Génesis 7:22

Allpa janancho tiyaj jämayniyoj cäga llapanmi shengaypa ushacaran.

Zacarías 12:1

Cay willacuyga caycan Israelcuna imano cananpäpis Tayta Dios willacachimashanmi. Syëluta camacächej, cay pachatapis sumaj tacyachej y runata cawayta goj Tayta Diosmi cayno nin:

Salmos 103:14

Payga musyanmi imapita rurasha caycashanchïtapis. Musyanmi allpallapita cashanchïtapis.

Salmos 100:3

Paylla Tayta Dios cashanta musyay-llapa. Paymi ruramashcanchi. Noganchïpis paypami canchi. ¡Pay acrashanmi canchi, tajta pampancho uyshancuna caycajnöpis!

Romanos 9:20

Gamga ¿pitaj canqui Tayta Diosninchi imata rurashantapis o mana rurashantapis ninayquipaj? Allpa mancapis rurajninta manami ninmanchu: «¿Imanirtaj chaynöga ruramarayqui?» nir.

Isaías 2:22

Runacunamanga amana yäracuynachu. Runaga manami aycäpis bälinchu. Runaga cawanpis jämayta cacharcuynöllami.

Génesis 3:23

Chayno nirmi runataga Edén wertapita garguran. Nircur chacramanna arunanpaj churaran, allpapita rurasha cashanman.

Hebreos 12:9

Noganchïtapis llutancunata rurashaga mamanchi taytanchi piñacurmi uywamashcanchi sumaj wiyacoj cananchïpaj. Chayno piñacaycämashapis jagayänanchïpa ruquenga wiyacushcanchïmi. Chayno caycaptenga ¿imanirtaj mana wiyacushwanchu ñaupanman apamänanchïpaj Tayta Diosninchi piñacaycämashaga?

Números 16:22

Chaura paycunaga gongurpacur urcunpis pampaman töpananyaj cumurcur niran: «Ay Tayta Dios, gammi llapan runatapis cawayta gonqui. ¿Juc runalla juchata rurashanpitachuraj llapan runacunapaj rabyacurcunqui?»

Proverbios 20:27

Tayta Diosmi espiritunta runaman churasha. Chaynöpami runaga yarpashancuna alli mana alli cashantapis musyan.

Job 33:6

Gampis nogapis Diospa ñaupanchöga iwalmi caycanchi. Nogapis mitullapitami caycä.

2 Corintios 5:1

Musyanchïmi cay pachacho ushacashapis mana ushacaj mushoj cuerputa Tayta Diosninchïpita chasquinanchïpaj cashanta. Cay pachachöga ushacaj chucllanöllami cuerpunchi caycan. Syëluchömi ichanga mushoj cuerpunchi alli rurasha wasinöna canga. Chay cäga manami runa rurashanchu.

2 Corintios 4:7

Chay achquino caycaj alli willacuynintaga allpa mancanölla caycaptëpis nogacunamanmi churasha. Chaymi runacuna musyanga alli willacuy willacushäga Tayta Diospita cashanta, mana nogacunallapita cashanta.

Juan 20:22

Chayno nirmi paycuna cajman pücashpan niran: «Espíritu Santuta chasquicuy-llapa.

Job 4:19

¡masrächari runataga «juchayoj» nenga! Runaga caycan manacajllami, ñuchu allpa janancho mitupita wasita jatarachishanöllami. Puyuno llapiriyllapämi caycanpis.

Números 27:16

«Tayta Dios gammi canqui pï-maytapis cawachej. Cananga juc mandajta churay acrashayqui runacunata maypapis pushananpaj. Chaura manami uyshëruynaj uyshano mashtacashaga purengachu.»

Eclesiastés 3:7

Canmi rachir-ushana timpu; jiranan timpupis. Canmi upälla cacunan timpu; parlanan timpupis.

1 Timoteo 2:13

Musyashanchïnöpis Tayta Diosninchëga Adantami rimëru ruraran. Nircur-rämi Evata ruraran.

Génesis 2:6

Chay wichan yacuga pacha rurinpita pashtaycämuran intëru allpata ushmananpaj.

Lamentaciones 4:20

Tayta Dios acrashan raytapis prësumi charisha. Paymi noganchïtaga cawaycächimaranchi. Chay raypämi nogacuna nej cä: «Paypa munayninchömi tiyashun nasyuncunapa chaupincho» nir.

Ezequiel 37:5

Tayta Diosmi gamcunata cayno nishunqui: Gamcunamanmi yaycuchishaj caway-jämayta. Chaura gamcunaga yapaymi cawarinquipaj.

Génesis 1:27

Chay nishannöllami runata Tayta Dios ruraran. Quiquin-nirajtami camaran. Ollgutapis warmitapis camaran.

Ezequiel 37:6

Ancuyquicunata yurichishaj. Aychatapis wiñachimushaj. Garayquicunata yurichishaj. Nircorga gamcunaman yaycuchishaj caway-jämayta. Gamcunanami yapay cawayta gallaycunquipaj. Chaura gamcunaga musyanquipämi noga Tayta Dios cashäta.› »