Génesis 2:1 - Tayta Diosninchi Isquirbichishan

¹ Chaynöpami Tayta Dios camayta usharan cay pachata, cay pachacho cajcunatapis, syëlutapis syëlucho cajcunatapis.

Génesis 2:1 Referans Kwoze

Salmos 33:6

Tayta Dios niptinmi syëlupis ruracaran. Mandarcuptillanmi yuriran intipis quillapis estrëllacunapis.

Éxodo 31:17

«Nogaga syëlutawan allpata sojta junajcho camarcur warannin junajcho jamarä. Chaymi chay junäga imaycamapis juc señal canga.»

Éxodo 20:11

Tayta Diosga sojta junajchömi cay pachata rurayta usharan cay pachacho cajcunatapis, syëluta syëlucho cajcunatapis, lamarta lamarcho cajcunatapis. Ganchis caj junajchöga Tayta Dios jamarannami. Chaymi chay junajpäga niran payta rispitanan junaj cananpaj.

Génesis 1:1

Gallarinancho manaraj imapis captin Tayta Dios camaran syëlutawan cay pachata.

Isaías 45:18

Tayta Diosmi syëluta camäga. Paymi cay pachatapis camasha. Paymi sumaj tacyachisha. Payga camasha manami chunyaj cananpächu. Chaypa ruquenga camasha chaycho cawajcuna tiyananpämi. Llapan chaycunata camacächej Tayta Diosmi cayno nin: «Nogallami Tayta Diosga cä. Manami mas juc dios canchu.

Isaías 42:5

Syëluta camarcur intërupa mashtacächejmi, cay pachata camajmi, cay pachacho ima ayca cajcunatapis camajmi, runacunata cawachej, jämayta goj Tayta Diosmi sirbejninta cayno nin:

2 Reyes 19:15

Nircur cayno mañacuran: «Israelpa Tayta Diosnin, gamga mandanayquipaj jamaraycanqui querubín anjilcunapa chaupinchömi. Japallayquimi cay munducho tiyajcunapa Diosnin canqui. Gammi camarayqui syëluta cay pachatapis.

Isaías 45:12

Nogami camashcä allpata, chaycho tiyajcunatapis. Syëlutapis maquëwanmi mashtashcä. Syëlucho estrëllacuna yurinanpäpis nogami nishcä.

Salmos 146:6

Tayta Diosmi camasha syëluta, cay pachata, lamartapis, chaycunacho caycajtapis. Payga aunishancunata cumlinmi.

Zacarías 12:1

Cay willacuyga caycan Israelcuna imano cananpäpis Tayta Dios willacachimashanmi. Syëluta camacächej, cay pachatapis sumaj tacyachej y runata cawayta goj Tayta Diosmi cayno nin:

Salmos 33:9

Paypa shimillanwanmi llapanpis ruracasha. Rimarcushallanpitami llapanpis casha.

Nehemías 9:6

«Gamllami Tayta Diosga canqui. Gammi camashcanqui syëluta, syëlucho llapan caycajcunata. Gammi camashcanqui cay pachata, cay pachacho cajcunata, lamarta, lamar rurincho cajcunatapis. Gammi llapan ima-aycatapis cawaycächinqui. Chaypitami janaj pachacho caycajcunapis adurashunqui.

2 Crónicas 2:12

Mastapis Hiram niran: «Fiyupa rispitasha cachun Israelcunapa Tayta Diosnenga. Paymi cay pachata janaj pachatapis camasha. Paymi ray Davidtapis bindisyunta goran wamran fiyupa yarpaysapa cananpaj, Tayta Diospaj Templuta aruchinanpaj, quiquin tiyananpaj palasyuta arunanpäpis.

Hebreos 4:3

Noganchi riguejcunami ichanga Tayta Dios alli jamayta tarichimänanchïpaj cajman chayashunpaj. Mana riguejcunataga Tayta Dios niran: «Jamayta tarichinäpaj aunishäman manami yaycuchishächu» nir. Chayno niran manami alli jamayta mana camarisha carchu. Alli jamaytaga camariran cay pachata camallarnami.

Hechos 4:24

Willaptin paycunaga juc yarpaylla Tayta Diosta mañacuran: «Tayta Diosnë, gammi syëluta, cay pachata, lamarta y ima-aycatapis camarayqui.

Jeremías 10:16

Tayta Diosninchïmi ichanga juc-niraj. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis Munayniyoj Tayta Diosmi.

Jeremías 10:12

Tayta Diosmi munayninwan cay pachata camasha. Fiyupa yachaj cayninwan cay munduta tacyachisha. Yarpaysapa cayninwan syëlutapis camacächisha.

Isaías 65:17

«Sumaj wiyamay. Nogami camaj aywä syëluta y cay pachatapis mushojta. Unay cajcunaga gongacashami canga. Chaytaga manami pipis yarpangapänachu.

Isaías 48:13

Maquëwanmi allpata sumaj camacächishcä. Maquëwanmi syëluta mashtacächirä. Jutinta rimarcuptëmi chaycunaga llapanpis ruracäcuran.

Deuteronomio 4:19

Intita, quillata, goyllarcunata, syëlucho waquin cajcunata ricashpayqui ama yarpachacunquichu ‹tagaycunata aduräman› nishpayqui. Janajcho caycajcunataga Tayta Dios camasha llapan runacunata achicyapänanpämi.

Génesis 2:4

Caychömi isquirbiraycan syëlutawan cay pachata Tayta Dios camashanpaj. Syëluta cay pachata camanan wichanga

Génesis 1:10

Chaqui cajtami «allpa» niran. Shuntacasha caj yacutanami «lamar» niran. Chayno camarcur Dios ricaran llapanpis alli cashanta.

Deuteronomio 17:3

Capas adurarcaycanman gongurpacuycanman juc dioscunaman. Capas aduraycanman intita, quillata, goyllarcunatapis.

Jeremías 8:2

Nircur pampaman mashtarenga. Chaura manami pipis shuntangapächu pampananpaj. Chay tullucunaga uywacunapa iscannömi mashtaräconga. Chaura intipis, quillapis, goyllar achicyashanpis chayanga. Chay wañojcunaga chaycunatami aduraran, tapucuranpis.

Isaías 55:9

Imanömi syëlupis caycan allpapita mas janajcho, chaynömi yarpashäcunapis, ima rurashäcunapis gamcunapäga tantiyayta mana atipaypaj caycan.

Job 12:9

¿Pillaga caycanrächuraj Tayta Dioslla llapantapis munayninwan rurashanta manaraj musyaj?

Hechos 7:42

Chayno ruraptin Tayta Diosga witicuriran. Intita, quillata, goyllarcunata adurananpaj camacächiran. Chaymi profëtacuna isquirbishanchöpis cayno niycan: « ‹Israelcuna, chuscu chunca watantin chunyaj chaqui jircapa pushamuptë ¿imaytaj nogapaj uywacunata pishtarayqui u chaqui micuycunata gomarayqui?

Lucas 2:13

Chayno niycaptillan illajpita aypalla anjilcuna yuriran chay anjilpa ñaupancho. Tayta Diosta alabashpan niran:

Isaías 34:4

Syëlupis llapan chaycho caycajcunapis papil cauchucajnömi pitucäconga. Estrëllacunapis manana achicyar chaquisha öjanömi shicwacamonga.

Salmos 104:2

Gamga achquiwan pitucurcusha carmi ñawitapis pengacachej achquicho caycanqui. Tëlata mashtajnömi syëlutapis mashtarishcanqui.