Génesis 10:9 - Tayta Diosninchi Isquirbichishan

⁹ Nimrodga Tayta Dios yanapaptinmi yachacuycuran jirca animalcunata chariyta. Chaypitami rimaypis can: «Tayta Dios yanapaptin Nimrod cashanno animal chariyta yachan» nir.

Génesis 10:9 Referans Kwoze

Salmos 52:7

«Masqui ricay, Tayta Diosman mana yäracoj runata, rïcu cayllanman yäracushpan mana allita rurajta.»

2 Crónicas 28:22

Fiyupa ñacaycarpis ray Acazga manami Tayta Diosta rispitaranchu.

Génesis 27:30

Isaacga wamran Jacobta bindisyunta goyta usharanna. Papänin cajpita Jacob llojshirishallantana Esaüpis chayaramuran jirca animal charej aywashanpita.

Génesis 25:27

Chaypita wamrancunaga jatunyaranna. Jatun carna Esaüga jircapa puriyta mäñacuran, jirca animalcunata chariyta. Jacobmi ichanga toldullancho allilla goyäcoj caran.

Génesis 13:13

Sodomachöga llapanpis fiyu runacunalla tiyaran. Tayta Diosta rabyachishpan fiyupa juchallatana ruraran.

Génesis 6:11

Dios ricaran cay pachachöga fiyupa jucha ruraywan wañuchinacuyllana caycajta.

Génesis 6:4

Chay wichan runacunapa warmi wamrancunawan Diospa wamrancuna majachacaptinmi cay pachachöga yurimuran jatusaj runacuna. Paycunaga caran callpasapa, rejsisha runacuna.

Miqueas 7:2

Chaynömi cay munduchöga manana cannachu allita rurajcuna, ni Tayta Dios nishanta rurajcunapis. Imay örapis wañuchinacuyllatami ashircaycan. Jucnin-jucninpis llullapänacun mana alliman chayachinacunanpaj.

Ezequiel 13:18

Chay llulla profetïsacunata ninqui: ‹Caynömi Tayta Dios nin: Ay imanöraj canqui runata engañar purejcuna. Gamcunami sintillucunata awarcaycanqui runacuna mäjicata rurar maquinman watacunanpaj. Jacucunatapis awarcaycanqui runacuna mäjicata rurar shucutacunanpaj. Chayno rurarcaycanqui acrashä runacunata engañashpayquimi. ¿Chayno acrashä runacunata engañayllapachu cawayta ashiycanqui?

Jeremías 16:16

«Nogami cachamushaj achcaj contrancunata. Chaycunami Israel runacunataga pescäduta charej-jina charenga. Chaycunami casadurcuna charejnöpis Israelcunataga jorgamonga jircacunapita, puntacunapita, machaycunapita, gagapa shillincunapitapis.

Génesis 10:8

Nimrodpis Cuspa wamranmi caran. Nimrodmi cay pachachöga munayniyoj runa caran.

Génesis 10:10

Pay mandashan mas jatun caj siudäcunaga caran Sinar particho: Babel, Erec, Acad, Calne.

Isaías 18:2

Gamcunaga ututupita rurasha büquicunawanmi Nilo mayunpa cachata cacharcaycanqui. Cacha aywaycajcuna fiyupa cörrishpayqui ayway jatuncaray llushwaypa-llushwaycaj runacunaman, may-chay nasyun runacunapis manchacushan runacunaman. Chay runacunaga fiyupa callpasapami, jinyumi. Nasyunninpis aypalla mayucunapa chaupillanchömi.