Génesis 1:5 - Tayta Diosninchi Isquirbichishan

⁵ Achicyaj cajta «junaj» niran. Chacay cajtana «pagas» niran. Chaytami camaran rimir junajcho.

Génesis 1:5 Referans Kwoze

Salmos 74:16

Gampa munayniquichömi caycan junajpis chacaypis. Gammi camacächishcanqui quillata, intitapis.

Isaías 45:7

Nogami camacächë junaj cananpaj, chacay cananpäpis. Nogami camacächë alli goyay cananpaj, disigrasya chayananpäpis. Llapan chaycunataga noga Tayta Diosmi camacächë.

1 Tesalonicenses 5:5

Gamcunaga llapaniquimi achquichöno puriycanqui Tayta Jesucristupa maquincho cawashpayqui. Llapan ricaymi allillata rurar cawarcaycanqui. Manami chacajchönachu llutanta rurar purircaycanqui.

Salmos 104:20

Inti yagacurcuptenga chacacäcunmi. Chauraga munti animalcunapis llojshipäcamunna.

Génesis 8:22

«Mundu manaraj ushacashanyäga caycangami micuycunata murupacuypis shuntapacuypis. Cangami shanaypis gasaypis. Cangami tamyapis usyapis. Cangami junajpis chacaypis.»

Salmos 19:2

Diyapis waran-waranmi musyachimanchi. Pagaspis waran-waranmi tantiyachimanchi.

Jeremías 33:20

«Noga Tayta Diosmi në: Nogami nirä chacaypis junajpis cananpaj. Chayno nishäta manami ‹Chaynöga ama cachunchu› nëmanchu. Chay nishänömi chacaypis junajpis imaycamapis caycanga.

Efesios 5:13

Ichanga achqui achicyaptin imapis cashan musyacanmi. Chaynömi Jesucristupa willacuynin achquino car chay ruraycashancuna jucha cashanta mayacächin.

1 Corintios 3:13

Ichanga fisyu junajnami llapan rurashanpita Tayta Diosninchi jusgangapaj. Cada-ünun rurashan alli cashan musyacänanpaj ninawanrämi camanga.

Génesis 1:8

Asulyaraycämojta Tayta Dios jutichaparan «syëlu» nir. Chaytami camaran ishcay caj junajcho.

Génesis 1:31

Llapan rurashancuna amatar alli cashanta ricar Dios cushicuran. Chaycunatami camaran sojta caj junajcho.

Génesis 1:23

Chaycunatami camaran pichga caj junajcho.

Génesis 1:19

Chaycunatami camaran chuscu caj junajcho.

Génesis 1:13

Chaycunatami camaran quimsa caj junajcho.

Números 20:29

Aarón wañushanta musyaycur Israelcunaga juc quillacama llaquicur lüturan.

Salmos 65:8

Cay pachacho tiyajcuna may carucho carpis almiraypajta rurashayquita ricar fiyupami almirasha. Pachapa jucaj cuchunpita jucaj cuchuncamami runacunaga cushicurcaycan.