Génesis 1:29 - Tayta Diosninchi Isquirbichishan

²⁹ Nircur paycunata niran: «Gamcunatami llapan cay muruchaj caj lanta jachacunata goycö, chayno frütata wayoj yöracunatapis. Chaycunaga llapanmi canga micunayquicunapaj.

Génesis 1:29 Referans Kwoze

Génesis 9:3

Nogaga gamcunatami micunayquipaj goycö llapan animalcunata, micuycunata, berdüra lantacunata.

Salmos 24:1

Tayta Diosllapami cay munduga, chaycho caycajcunapis llapan cawaycajcunapis.

Hechos 17:28

Tayta Diospa maquinchömi cawanchi, purinchi. Chaymi yachaj marca-masiquipis niran: ‹Llapanchïpis pay camashallanmi canchi› nir.

Hechos 14:17

Ichanga manami cachaycamashcanchïchu. Payga imaypis cuyapaycämanchïmi. Chaymi tamyachimun micuyta alli shuntanapaj. Alli cawaytapis tarichimanchi cushisha cawanapaj.»

Salmos 147:9

Animalcuna micuyta tarinanpäpis camacächin. Äbicunapa wawan yargar wagaptinpis micuyta tarichin.

Salmos 136:25

Paymi micuyta tarichin cawaj cajcunataga llapanta. Pay cuyacoj cashanga imaycamapis chaynöllami.

Mateo 6:11

Canan junajpäpis micuyta tariycachillämay ari.

Job 36:31

Chaycunawanmi runacunatapis castigan. Tamyawanpis aypalla micuycunatapis shuntachin.

Génesis 2:16

Chayman churar runata cayno willaparan: «Cay wertacho caycaj yöracunapa wayuynincunaga llapanpis micunayquipämi.

1 Timoteo 6:17

Rïcu cajcunata ninqui rïcu carpis mana alli-tucunanpaj ni ima-aycanmanpis mana yäracunanpaj. Chay riquësanpis ni ima-aycanpis ushacajllami. Chaypa ruquenga yäracuchun Tayta Diosllaman. Paymi ima-aycatapis noganchïpaj cananpaj gomanchi, chaynöpana cushisha cawananchïpaj.

Oseas 2:8

«Ichanga pay manami cuentata gocuyta munashachu rïguta, bïnuta, asëtitapis noga tarichishäta. Nogami guellayta goritapis aypallata tarichirä. Chaycunapitami Baal dios-niraj ïdulucunata ruracarcärisha.

Isaías 33:16

Chayno cawaj cajmi alli pachacho cawanga. Chay runaga goyanga gagacho rurasha caycaj pacacunachönömi. Chay runapaga micuyninpis yacupis manami pishengachu.

Salmos 146:7

Ñacaycajcunataga yanapanmi. Yargaypita caycajcunatanami micuyta tarichin. Prësu caycajcunatapis Tayta Diosga jorgunmi.

Salmos 115:16

Quiquin Tayta Diospami syëluga. Cay pachatanami runacunata goycusha.

Salmos 111:5

Payta rispitajcunataga micuyta tarichinmi. Conträtuta rurar alli parlacushanta payga imaypis yarparaycanmi.

1 Timoteo 4:3

Chay runacunaga michan majachacänantapis, waquin micuyta micunantapis. Chay micuycunataga Tayta Dios camaran agradësicurcur micunanchïpämi.

Génesis 6:21

Micuyta churanqui aypallata quiquiquicunapäpis animalcunapäpis. Chaytami büquicho llapayqui micunquipaj.»