Génesis 1:16 - Tayta Diosninchi Isquirbichishan

¹⁶ Nircur camaran intitawan quillata; inti junajpa achicyänanpaj, quillana chacaypa achicyänanpaj. Chaynömi goyllarcunatapis camaran.

Génesis 1:16 Referans Kwoze

Deuteronomio 4:19

Intita, quillata, goyllarcunata, syëlucho waquin cajcunata ricashpayqui ama yarpachacunquichu ‹tagaycunata aduräman› nishpayqui. Janajcho caycajcunataga Tayta Dios camasha llapan runacunata achicyapänanpämi.

Salmos 8:3

Syëluta, goyllarta, quillata camashayquita ricashpä

Isaías 40:26

Syëluman ñuquircushpayqui masqui ricchacuriy: ¿Pitaj llapan chaycunata rurasha? Chaycunataga rurasha llapan estrëllacunata juc juclla camacächejmi, llapantapis jutinpa-jutinpa rejsejmi. Payga fiyupa munayniyojmi, fiyupa callpayojmi. Rurashancunaga manami jucnayllapis pishinchu.

Salmos 148:5

Ruracänanpaj juc shimi niptinmi llapan ruracaran. Chaypita Tayta Diosta alabay-llapa.

Salmos 74:16

Gampa munayniquichömi caycan junajpis chacaypis. Gammi camacächishcanqui quillata, intitapis.

Salmos 148:3

Alabay inti, quilla. Alabay-llapa achicyaj goyllarcuna.

Job 38:7

pacha yur'gaycaptin shanariypa shanarir goyllarcuna cantaycaptin, syëlucho sirbimajcuna fiyupa cushicurcaycaptin?

1 Corintios 15:41

Intipis, quillapis, goyllarcunapis juc-niraj juc-nirajmi achicyan. Estrëllacunapis juc-niraj juc-nirajmi achicyan.

Mateo 27:45

Chaypitaga las-dösipita-pacha tardi mallway intiyaj pacha chacacäcuran.

Habacuc 3:11

Fiyupa manchariypaj achicyaypa achicyaycaj lëchayquita ricashpan, achicyaypa achicyaycaj sabliquita ricashpan intiwan quillapis yagashanpita manami yagamunnachu.

Isaías 45:7

Nogami camacächë junaj cananpaj, chacay cananpäpis. Nogami camacächë alli goyay cananpaj, disigrasya chayananpäpis. Llapan chaycunataga noga Tayta Diosmi camacächë.

Isaías 13:10

Intipis yagarcamullarnami chacacäconga. Quillapis mananami achicyanganachu. Goyllarcunapis manami achicyanganachu. Janaj pachaga pasaypa yanauyaycajmi ricacongapaj.

Salmos 19:6

Intiga syëlupa jucaj cuchunpa yagamur jucaj cuchunpana yagan. Shanaynenga llapanmanmi chayan.

Apocalipsis 21:23

Chay siudäta quiquin Tayta Dios y Cashni uysha achicyapaptinmi intipis ni quillapis mana canganachu.

Isaías 24:23

Munayniyoj Tayta Diosga Sioncho jamacunanman jamayconga acrashancunapa mandajnincuna ricapaycaptin. Nircur Jerusalenchömi achicyacurconga. Chauraga intipis quillapis manami achicyanganachu.

Job 31:26

Inti shanshaypa shanshar achicyaptin ricärir rispitasha captëga, quillatapis achicyaycajta almirasha ricapasha captëga,

Mateo 24:29

«Fiyupa ñacaycuna päsariptillanmi intipis chacacäconga. Quillapis mana achicyamonganachu. Goyllarcunapis shicwacamonga. Janaj pachapis fiyupami sicsicyanga.

Jeremías 31:35

Tayta Diosmi churaran intita, junajpa achicyananpaj. Quillatawan goyllarcunatana churaran chacaypa achicyananpaj. Paymi camacächin lamarpis pullchajyar gaparänanpaj. Paypa jutenga munayniyoj Tayta Diosmi. Paymi nin: