Ezequiel 7:12 - Tayta Diosninchi Isquirbichishan

¹² Örapis, junajpis chayamushanami. Ranticojpis ni rantejpis ama cushicuchunnachu. Fiyupa rabyashpämi castigashaj Israelcuna alli-tucushanpita.

Ezequiel 7:12 Referans Kwoze

Ezequiel 7:10

«¡Ushacänayquipaj junaj janayquichönami! ¡Chay junaj chayamushanami! Mana allita rurayllanami, alli-tucuyllanami may-chaychöpis caycan.

Proverbios 20:14

Rantinanpäga «cayga manami allichu» ninmi. Rantircurmi ichanga «allita rantishcä» nir cushicun.

Sofonías 1:14

Tayta Dios jusganan junaj chayamunanpäga wallcanami pishin. Chay junäga rätumi chayaraycamoj-aywan. Chay junäga canga fiyupa manchariypämi. Chaura mana manchacojnin cajpis gaparangami.

Isaías 21:12

Chaura ricachacojna nin: «Pachaga waranganami. Ichanga chacaypis yapay chayamonganami. Masta musyayta munarga yapay cutimunqui.»

Jeremías 7:20

Chaymi fiyupa rabyasha caycashä päsananpaj caycho tiyarcaycaj runacunata castigaj-aywä. Castïgu chayanga llapan uywancunaman, llapan yöracunaman, llapan micuynincunamanpis. Chaynöpami rabyashäga cangapaj nina ratarir mana upejno.»

Ezequiel 12:23

Cananga mana wiyacoj runacunata niy: ‹Caynömi Tayta Dios nin: Nogami camacächishaj Israelcho chay rimayta yapayga manana parlananpaj. Nircur willanqui profëtäcunawan suyñuyninchöno ricachishäcuna cumlinanpaj wallcallana pishiycashanta.

Ezequiel 30:3

Chay castïgu junäga rasunpami chayaycämunna. Wallcanami pishin Tayta Dios castigashunayquipaj caycaj junajpäga. Chay junäga pachapis chacacäcongarämi. Nasyuncunapäga fiyupa manchariypämi cangapaj.

Joel 1:15

¡Ay imanöraj canga chay junaj! Tayta Dios jusganan junäga chayaycämunnami. Chay junäga canga fiyupa manchariypämi munayniyoj Tayta Dios castigaptin.