Ezequiel 32:4 - Tayta Diosninchi Isquirbichishan

⁴ Chaqui pampaman garachasha apashayqui. Chaychönami pampacho jitaraycajta cachaycushayqui. Camacächishaj llapan pärej äbicuna janayquiman ratamunanpaj, micucoj jirca animalcunapis aychayquita micur yamacänanpaj.

Ezequiel 32:4 Referans Kwoze

Isaías 18:6

Chay witichishancunaga jircachömi mashtaraycar quëdanga. Usya wichanga aycha micoj äbicunami micuconga. Tamya wichannami chucaru jirca animalcuna micuconga.

Ezequiel 29:5

Mayuyquicho caycaj pescäducunatawan iwalmi jitarishayquipaj chunyaj chaqui jircaman. Jäcoj pampamanmi chayanquipaj. Chaypitaga pampashunayquipaj manami pipis shuntashunquipänachu. Noga camacächishäpaj jirca animalcuna, aychata micoj äbicuna micushunayquipaj.

Joel 3:19

Egiptoga pasaypa ushacashami quëdangapaj. Edomnami chunyajman ticrangapaj. Chaynöga cangapaj Judá runacunata magashanpitami, mana juchan caycaptin nasyunnincho Judá runacunata wañuchishanpitami.

Jeremías 25:33

Tayta Dios castigaptin wañojcunaga chay junaj intëru jircachömi mashtaräconga. Wañojcunapäga manami pipis wagangachu. Pampananpäpis manami pipis shuntangachu. Uywacunapa iscannömi jinan pampacho mashtarpäconga.

Jeremías 8:2

Nircur pampaman mashtarenga. Chaura manami pipis shuntangapächu pampananpaj. Chay tullucunaga uywacunapa iscannömi mashtaräconga. Chaura intipis, quillapis, goyllar achicyashanpis chayanga. Chay wañojcunaga chaycunatami aduraran, tapucuranpis.

Isaías 66:24

«Chayno shamushpanmi ricangapaj Nogapa conträ jatarejcunataga wañusha carcaycajta. Chay runacunata micoj curucunaga mana wañojmi. Rupaj ninapis mana imaypis upejmi. ¡Chayga llapan runacunapäpis fiyupa melanaypämi canga!»

Isaías 14:19

Gamtami ichanga mana pampashurayquichu. Pampacho jitaraycarmi ayayqui quëdasha. Ganratanömi lluchcacur ushashurayqui. Nircorga guërracho wañusha quëdajcunatanömi ragraman garpurishurayqui.

Salmos 74:14

Waräcuy Leviatanpa umantapis llapirishcanquimi. Wañuycacherga chunyajcho tiyaj animalcunatami garashcanqui.

Salmos 63:10

Paycunaga wañonga sabliwan tucsiypami. Chaytanami atojcunapis miconga.

Ezequiel 35:8

Nogami camacächishaj gamchöga intëru jircacunacho, puytush lömacunacho, ragra guechwacunacho, mayu cantuncunacho, guërracho pillyajcuna mashtaypa mashtar wañusha jitarpänanpaj.