Ezequiel 26:12 - Tayta Diosninchi Isquirbichishan

¹² Ima-ayca charashayquitapis guechushunquipämi. Ranticunayquipaj caycächishayquitapis suwapäshunquipämi. Pergayquicunatanami juchurgärachenga. Fiyupa cuyayllapaj palasyuyquicunatapis juchurgärachengami. Lamarmanmi jitarenga rumicunata, guerucunata, muntuy-muntuy goturaycar quëdajtapis.

Ezequiel 26:12 Referans Kwoze

Isaías 23:8

Nircur chaychöga raytana churaj. Chay siudäpa nigusyantincunaga rispitädu runacunallami caran. Chaymi llapanpis rispitashpan tiyachej. ¿Pitaj nisha Tiro chayno castigacänanpäga?

Amós 5:11

Gamcunaga pobricunata manacajmanmi churarcaycanqui. Rïgupitapis impuestuta pägashunayquipämi nircaycanqui. Chayno cashayquipitami mana tiyanquipächu llagllasha rumicunapita wasicunata rurashayquichöpis. Chayno, manami upunquipächu bïnutapis lantashayqui übas wayushantaga.

2 Crónicas 32:27

Ezequiaspaga ima-aycanpis aypallami caran. Pï-maypis alli rispitaran. Aypallata chararan gorita, guellayta, perlascunata, perfümicunata, escüducunata, ima-ayca fiyupa cuestajcunatapis.

Zacarías 7:14

Chaypitami shucucuy wayra machip-machir apajnöpis wacpa caypa mashtacächishcä mana rejsishan nasyuncunaman. Paycuna aywacuptin nasyunga ricacuran pasaypa chunyajna. Chaychöga pipis manami tiyarannachu. ¡Cuyayllapaj nasyuntami paycunaga chunyajman ticrachiran!»

Nahúm 2:9

¡Guellayta apacuy-llapa! ¡Gorita apacuy-llapa! ¡Ninivecunapa riquësancunaga yupaytapis mana atipaypämi caycan!

Oseas 13:15

Jacha waytaraycajno Israelcuna captinpis Tayta Diosmi chunyaj chaqui jircapita fiyu wayrata wayrächimonga. Chay wayrami chaquirachenga. Wallcaycällarmi yacu aywajcuna, pucyuncunapis chaquicäconga. Chiquejcunanami ima-aycancunatapis guechur apaconga.

Daniel 11:8

Chayno rurashpanmi diosnincuna-nirajta jundiypa rurashanta apacurcur Egipto nasyunman cuticonga. Goripita guellaypita ima-aycan caycajcunatapis apacongapaj. Chaypita unaycamami ishcan nasyuncuna mana rimapänacuyllapa cacongapaj.

Ezequiel 28:8

Ruri uchcumanmi gaycurishunquipaj. Lamarpa mas jundunninchömi rätu wañurinquipaj.

Ezequiel 26:5

Redata chaquichicuna lamar chaupincho caycajnömi ricaconga. Noga Tayta Diosmi chayno në. Tiro siudäpataga ima-aycantapis juc nasyun runacunami guechurir apaconga.

Jeremías 25:34

¡Uyshëruno caj mandajcuna gaparpay; nanaywan atay! ¡Yachachishpayqui pusharajcuna llaquicuywan pampacho gochpay! Chaynöga ruray wañuchishunayquipaj öra chayamushana captinmi. Gamcunataga werannin uyshata pishtajnömi wañuchishunquipaj.

Isaías 32:12

Micuy alli wayunan chacracunapaj, übas alli wayunan chacracunapaj llaquicushpayqui pëchuyquita cutacuy.

Isaías 23:11

Tayta Diosmi lamar jananpa maquinta jogarisha. Intëru nasyuncunatami sicsicyachisha. Canaán nasyunpa pacacuna siudänincunata illgächinanpämi nisha.

2 Crónicas 36:10

Chay wata shamojcho tamya quillacuna päsariptin Joaquintawan Tayta Diospa Templunpita jorgushan alli cösacunata ray Nabucodonosor apachiran Babiloniaman. Nircur Jerusalencho tiyajcunapawan Judäpa raynin cananpäga churaran Joaquinpa famillyan Sedequiastana.

Jeremías 52:14

Yan'gaycaj Babilonia suldärucunaga Jerusalenpa curralnincunata ushajpaj juchurgärachiran.