Ezequiel 2:4 - Tayta Diosninchi Isquirbichishan

⁴ Gamtaga cachaycä mana tantiyaj, yarpayniynaj runacunamanmi. Paycunataga ‹Caynömi Tayta Dios nin› ninqui.

Ezequiel 2:4 Referans Kwoze

Ezequiel 3:7

Israel runacunami ichanga willapashayquita wiyashpanpis mana wiyacuyta munangapächu. Paycunaga manami noga willapashäta wiyacuyta munanchu. Llapan Israelcunami pasaypa chucru uma, rumi shongu.

Jeremías 6:15

¿Fiyupa melanäcushä cajta rurashanpita quiquincunaga pengacushachuraj? Manami ni imanillarpis pengacushachu. Manami musyannachu imano pengacuna cashantapis. Chayno cashanpitami castigaptëraj mayanga. Chayrämi mana alliman chayangaga.» Tayta Diosmi chayno nisha.

Jeremías 5:3

Tayta Dios gamga munanqui alli runacunatami. Cay runacunaga castigaptiquipis manami wiyacushachu. Fiyupa mana alliman chayachiptiquipis manami yarpachacushachu. Paycunapaga shongunpis caycan ruminömi. Chaymi arpinticuytapis mana munashachu.

Isaías 48:4

Nogaga musyarämi rumi shongu cashayquita, cuncayquipis fyërruno chucru cashanta, urcuyquipis runsino cashanta.

Salmos 95:8

«Ama caychu Meriba particho rurashayquicunano mana wiyacöga. Ama caychu chunyaj Masah particho

Mateo 10:16

«Gamcunataga cachaycä uyshacunata atojman gaycojnömi. Chauraga culebranöpis alcäbulla puricunqui. Uyway palumano umildilla cacunquipis.

Jeremías 8:12

¿Fiyupa melanäcushä cajta rurarcur paycunaga pengacushachuraj? Manami ni imanillarpis pengacushachu. Manami musyannachu imano pengacuna cashantapis. Chayno cashanpitami castigaptëraj mayanga. Chayrämi mana alliman chayanga. Noga Tayta Diosmi chayno në.

Jeremías 3:3

Chayno cashayquipitami tamya quilla wichanpis, ni jachacuna waytanan wichanpis manana tamyamushanachu. Mañösa warmi pengacuyta mana yachashannömi carcaycanqui. ¡Pengacunquiman!

Proverbios 21:29

Fiyu runaga runacuna ricanallanpämi alli-tucun. Alli runami ichanga rasunpa allillata ruran.

2 Crónicas 36:13

Ray Nabucodonosorpa contranpis ricacuran payta sirbinanpaj Tayta Diospa jutincho jurachisha caycaptin. Fiyupa juchata rurashpan Israelcunapa Tayta Diosninmanpis manana yäracurannachu.

2 Crónicas 30:8

Chaymi wiyacuy. Ñaupa awiluyquicunano ama caynachu. Chaypa ruquenga Tayta Dios munashannöna cawashun yapay alli ricamänanchïpaj. Llapaniqui shamuy Templuman. Templutaga acrasha para-simrimi. Tayta Diosta sirbiy. Paypis gamcunapaj rabyasha caycashanpita allchacangami.

1 Reyes 22:14

Chayno niptin profëta Micaías niran: «¡Nogaga Tayta Diospa jutinchömi jurä: Tayta Dios nimashallantami rimashäga!»

Deuteronomio 31:27

Nogaga musyänami mana wiyacoj, mana tantiyacoj runacuna cashayquita. Cawaycaptillänami fiyupa Tayta Diosta rabyachishcanqui ¡Wañucuptënaga imatanaraj ruranquipis!

Deuteronomio 10:16

«Cananpitaga sumaj wiyacunqui Tayta Dios nishancunata. Amana caychu mana wiyacoj rumi shongoga.

Jeremías 1:7

Chayno niptëpis Tayta Diosga nimaran: «Ama ‹wamrallarämi cä› niychu. Gamga maymanpis noga mandashämanmi aywanquipaj. Noga nishätami willacunquipäpis.

Jeremías 36:21

Willaycuptin rayga Jehudïta cacharan Elisamapa despächunman cachaycushan röllu isquirbiraycajta apamunanpaj. Rölluta apacurcur cutir Jehudí liguiran chaycho caycaj mandajcunapawan raypa ñaupancho.

Amós 7:15

Chayno uywäcunata ricar goyaycajtami Tayta Diosga cayno nimasha: ‹Ayway. Acrashä Israel runacunata nogapa jutëcho willapay› nir.

Zacarías 7:12

Shonguncunatapis chucrucarcachiran asul rumi chucru cashanmannöraj. Chaynöga ruraran noga espiritöwan yachachishäcunata, laynëcunata willapashäta mana wiyacunanpämi. Chaycunataga willacachirä unay caj profëtäcunawanmi. «Chayno cashanpitami nogaga rabyacurcurä.

Ezequiel 3:4

Chaymi nimaran: «Runa, noga imata ninäpaj caycashätapis Israel runacunaman aywaycur gam willanqui.

Ezequiel 3:11

Nircur ayway marca-masiquicuna prësu shamusha caycajman. Willapashayquita wiyacunan captinpis, mana wiyacunan captinpis ‹Caynömi Tayta Dios nin› ninqui.»

Ezequiel 3:27

Imatapis gamta niyta munashpä ichanga parlanayquipaj yapay camacächishaj. Chauraga yapay ninquipaj: ‹Caynömi Tayta Dios nin› nir. Wiyacuyta munaj cäga wiyacongami. Wiyacuyta mana munaj cäga manami wiyacongachu. Chay runacunaga pasaypa mana wiyacojmi.