Éxodo 9:14 - Tayta Diosninchi Isquirbichishan

¹⁴ Cananga mas fiyupanami castigashaj faraonta, autoridänincunata, llapan Egiptucunatapis. Chayrämi musyanga nogano juc dios mana cashanta.

Éxodo 9:14 Referans Kwoze

Éxodo 8:10

Chaura faraonga «Wara junaj» niran. Niptin Moisés niran: «Nishayquinömi canga. Chaynöpami musyanquipaj nogacunapa Tayta Diosnëno juc dios mana cashanta.

Apocalipsis 22:18

Cay librucho isquirbiraycashanta wiyajcuna sumaj tantiyacuy. Pipis cay isquirbirashancunaman yarpaynincunata yapaptenga Tayta Dios paycunata fiyupami castiganga. Cay librucho runacuna ñacananpaj cashanta isquirbiraycashannömi chay runacuna ñacanga.

Apocalipsis 18:8

Chayno cashanpitami juc junajllacho fiyupa ñacaycuna payman chayanga. Wañuypis, ñacaypis, yargaypis illajpitami chayanga. Nircurnami rupar fiyupa ushacanga. Paytaga llapanpaj munayniyoj Tayta Diosmi castigangapaj.»

Miqueas 6:13

Chaypitami cananga gamcunata castigayta gallaycushayqui, juchayquicunapitapis illgächiyta.

Jeremías 19:8

Cay siudätami chunyajman ticrachishaj. Fiyupa manchariypämanmi ticrachishaj. Pipis chaypa päsajcunaga ushajpaj ushacasha caycajta ricaycur manchariywan chiyacasha ricarpanga.

Jeremías 10:6

Tayta Dios, gamnöga manami pipis canchu. Gamga munayniyojmi canqui.

Isaías 46:9

Unaypita-pacha imano päsashantapis yarpay. Nogallami Diosga cä. Manami mas juc Dios canchu. Nogaman tincöga manami juc dios canchu.

Salmos 86:8

Tayta Dios, manami gamnöga canchu. Gam rurashayquitano ruräga manami pipis canchu.

1 Crónicas 17:20

Tayta Dios, gamga fiyupa munayniyojmi canqui. Gamnöga manami pipis canchu. Gampita mas juc diosga mananami canchu. Manami wiyashcäcunapischu juc dioscuna cashantaga.

1 Reyes 8:38

wiyaycunqui ari pï mañacamushuptiquipis. Llapan Israelcuna mañacushuptiquipis wiyaycunqui ari. Pasaypa mana allicho caycashanta tantiyacurir cay Templuman ricärir mañacamuptenga wiyaycunqui ari. Gam wiyaycunqui ari syëlupita-pacha. Juchancunatapis perdunaycunqui. Gamllami musyanqui runacuna yarpashantaga. Chaymi paycunataga cada-ünunta imanöpis rurashanman-tupu tarichinqui.

2 Samuel 7:22

«¡Tayta Dios, gamga fiyupa munayniyojmi canqui! Gamnöga manami pipis canchu. Gampita mas juc diosga manami canchu. Manami wiyashcäcunapischu juc dioscuna cashantaga.

1 Samuel 4:8

¡Ushacäshunchari! ¿Piraj salbamäshun fiyupa munayniyoj Diospa maquinpita? ¡Paymi tucuy gueshyawan llapan Egipto runacunatapis chunyajcho illgächiran!

Levítico 26:28

nogapis contrayquimi cashaj. Rabyashpämi juchayquicunapita ganchis cuti mas fiyuparaj castigashayqui.

Levítico 26:21

«Chayno ruraycaptëpis sïguir conträ captiquega, nishäcunata mana wiyacuptiquega juchayqui cashanmannömi ganchis cuti mas fiyuparaj castigashayqui.

Levítico 26:18

«Chayno ruraycaptëpis mana wiyacamaptiquega juchayquicunapita ganchis cuti mas fiyuparämi castigashayqui.

Éxodo 9:15

Munashpäga faraonta, llapan Egiptucunatapis fiyu gueshyawan castigämanmi caran. Chaura canan ushacashanami caycanman caran.

Éxodo 15:11

«Tayta Dios, maygan dioscunapis gammanga manami tincunchu. Gamno santuga manami juc canchu. Gamno munayniyöga manami juc canchu. Gamga fiyupa almiraypajcunatami rurashcanqui.

Deuteronomio 3:24

‹Tayta Dios, nogataga llapanpaj munayniyoj cashayquitami tantiyaycächimanqui. Gampita mas juc Diosga manami canchu syëlucho ni cay pachachöpis. Gam rurashayquino almiraypajcunata manami pipis ruranmanchu.

Deuteronomio 4:35

Chayno jorgushushayquita ricarmi musyanqui Tayta Dios japallan rasunpa Dios cashanta. Paypita mas juc diosga manami canchu.

Isaías 45:5

Nogami Tayta Dios cä. Nogapita mas juc diosga manami canchu. Manapis rejsiycämaptiquimi gamtaga yanapäshayqui.

Jeremías 10:7

Gamga nasyuncunapa rayninmi canqui. Gamtaga llapanmi manchacushunqui. Gamtaga pï-maypis manchacushunayquimi camacan. Cay munducho caj raycunapis, ni yachajcunapis manami gamnöga canchu.

Daniel 5:21

Runa-masincunawan goyaycajta garguriran. Alli yarpaynin caycashancho uywapa yarpaynin-nirajman ticracuriran. Chucaru bürrucunawanna goyaran. Wäcacunanömi guewata micuran. Intërunta shullay ushmaran. Janaj pachacho caycaj Tayta Dios llapan runacunapaj munayniyoj cashanta, pay pitapis munashan cajta mandaj cananpaj churashanta reconösinancamami chaynölla goyaran.

Éxodo 8:6

Chaura Aaronga tucrunta jogariran. Nircur macyararan intëru Egipto yacucunaman. Chaura säpucunaga intëru nasyunman juntajpaj yuricuriran.