Éxodo 4:21 - Tayta Diosninchi Isquirbichishan

²¹ Tayta Diosga Moisesta niran: «Egiptuman chayashpayquega faraonpa ñaupancho ruranqui ruranayquipaj nishä almiraypajcunata. Nogami munaynëwan camacächishaj faraón rumi shonguno contra ricacunanpaj. Chaymi Israelcuna aywacunantaga mana munangapächu.

Éxodo 4:21 Referans Kwoze

Romanos 9:18

Chaynömi Tayta Diosninchëga waquin runacunata cuyapan y waquin runacunapatanami shongunta chucruyächin payta mana wiyacunanpaj.

Isaías 63:17

Tayta Dios, ¿imanirtaj camacächishcanqui munashayquita ruraycashäpita gongaycärinäpäga? ¿Imanirtaj manana rispitanäpaj shongöcunatapis jucnöman ticrachishcanqui? Acrashayqui runacuna caycaptëga, sirbishojniqui runacuna caycaptëga cuyapämashpayqui yanapaycamay ari.

Josué 11:20

Chay runacunata manaraj ushajpaj wañuchiptinmi chaycho tiyaj runacunapa shonguncunata Tayta Dios chucruyächiran Israel runacunapa contran jatarir pillyananpaj. Chaymi Moisesta Tayta Dios nishannölla chay runacunata mana cuyapaypa ushajpaj wañuchiran.

Juan 12:40

Chay runacunapa yarpayninta ticrachisha mana tantiyajman. Rinrincunatapis chaparcusha mana wiyananpaj. Ñawintapis chaparcusha mana ricananpaj. Chaynöpami mana ricar, mana wiyar mana tantiyangachu. Chaynöpami mana arpinticongachu. Chayno captenga nogapis manami allchacächishächu.

Éxodo 14:8

Tayta Diosmi camacächiran faraón rumi shonguno contra ricacunanpaj. Chaymi Israelcunapa guepanta gatir aywaran Tayta Dios fiyupa munayninwan yanapaptin aywacusha caycaptinpis.

Éxodo 9:35

Moisesta Tayta Dios willashannömi Israelcuna aywacunanta mana munar mas piyur-raj rumi shonguno contra ricacuran.

Éxodo 9:12

Chaypis Tayta Diosmi camacächiran faraón rumi shonguno contra ricacunanpaj. Chaynöpami Aaronwan Moisés nishantaga mana cäsuranchu. Tayta Dios willashannömi caran.

Éxodo 7:13

Chaypis Tayta Dios nishannöllami faraón mas piyur-raj rumi shonguno contra ricacuran. Chaymi Aarontawan Moisestaga mana cäsurannachu.

Éxodo 3:20

Nogami Egiptucunataga imano munayniyoj cashätapis musyachishaj, almiraypajcunata rurashaj. Chayrämi chay rayga ‹Aywacuy› nishunquipaj.

Éxodo 10:20

Ichanga yapay Tayta Dios camacächiran faraón rumi shonguno contra ricacunanpaj. Chaynöpami Israelcuna aywacunanta mana munaranchu.

Éxodo 7:3

Ichanga nogami camacächishaj faraón rumi shonguno contra ricacunanpaj. Chaynöpami nogaga Egiptucho rurashaj fiyupa almiraypajcunata.

Isaías 6:10

Isaías, chay runacunapa yarpayninta ticrachiy mana tantiyajman. Rinrincunatapis llutarcuy mana wiyananpaj. Ñawintapis chaparcuy mana ricananpaj. Chaynöpami mana ricar mana wiyar mana tantiyangachu. Chaynöpami mana arpinticongachu. Chayno captenga nogapis manami allchacächishächu.»

Éxodo 14:4

Nogami camacächishaj faraón rumi shonguno contra ricacushpan guepayquita gatishushpayqui shamunanpaj. Chayno gatishuptiqui nogami suldäruncunata ushacächishaj. Chaynöpami musyachishaj munayniyoj cashäta. Chayrämi Egiptucunaga musyanga noga Tayta Dios cashäta.» Chaymi Israelcunaga Tayta Dios nishannölla cutiran.

1 Pedro 2:8

Mas juc partichöpis nin: «Tacacänanpaj rumi, tunichicoj rumimi caycan.» Paycunaga tacacan Tayta Jesucristupa alli willacuyninta mana wiyacushpanmi. Paycunapäga ñaupatanami Tayta Dios distinaran chayno cananpaj.

2 Corintios 2:16

Mana salbacojcunapäga willacushä caycan melanaypaj asyajnömi. Tayta Diospa willacuyninta chasquicojcunapämi ichanga willacushä caycan cuyayllapaj alli asyay chayajno. Chaura ¿piraj Tayta Diospa willacuyninta willacuyta camäpacunman?

Romanos 1:28

Tayta Dios munashanno cawayta mana munaptinmi payga cachaycusha llutan yarpaynincunacho cawacunanpaj, marca pengay goyänanpaj.

Salmos 105:25

Chaypis Tayta Diosga camacächiran acrashan runacunata Egipto runacuna chiquicarcärinanpaj, achäquita ashipänanpaj.

1 Reyes 22:22

Chaura chay espíritu niran: ‹Nogami aywashaj raypa llapan profëtancunapa shiminman llullacachinäpaj.› Chaura Tayta Diosga niran: ‹Allimi chayno llullacachiptiquega. Gam ayway chayno ruranayquipaj.›

Deuteronomio 2:36

Arnón mayu läduncho caycaj Aroer siudäpita gallaycur Galaad particama manami maygan siudächo tiyajcunapis ichipämaranchïchu. Tayta Diosninchi munayninwan yanapämaptinchïmi llapanta usharanchi.

Génesis 6:3

Chayno captinmi Tayta Diosga niran: «Runalla captinmi jämaynëga runacho manana imaycamapis canganachu. Chaymi runacunaga cawanga pachac ishcay chuncan (120) watayoj cananyajlla.»

Éxodo 8:32

Upucruy mana captinnaga faraón rumi shonguno contra ricacuran. Chaymi Israelcuna aywacunanta mana munarannachu.

Éxodo 10:1

Chaura Tayta Diosga Moisesta niran: «Cutiy faraón cajman. Nogami camacächishcä paypis autoridänincunapis rumi shonguno contra ricacunanpaj, chaynöpa almiraypajcunata ricachinäpaj.

Éxodo 10:27

Ichanga faraón rumi shonguno contra ricacunanpaj Tayta Dios yapay camacächiran. Chaymi Israelcuna aywananta mana munaranchu.

Éxodo 11:9

Chaypitana Tayta Diosga Moisesta niran: «Faraonga manami cäsushunquipächu. Chaymi cay Egiptuchöga almiraypajcunata masta rurashaj.»

Éxodo 11:10

Aaronwan Moisesga almiraypajcunata ruraran faraonpa ñaupancho. Chaypis Tayta Diosmi camacächiran faraón rumi shonguno contra ricacunanpaj. Chaymi Israelcuna Egiptupita aywacunanta faraón mana munaranchu.

Salmos 78:43

Manami yarparannachu Egiptucho caycaj Zoán particho fiyupa almiraypajcunata rurashanta.

Éxodo 3:19

Chayno niptiquipis Egiptupa raynenga aywamunayquita manami munangapächu. Ichanga nogarämi camacächishaj ‹aywacuy› nishunayquipaj.

Éxodo 8:11

Llapan säpucunami aywaconga wasiquipita, palasyuyquipita, Egiptucunapitapis. Chaura mayullachönami tiyanga.»

Éxodo 8:15

Chaypita llapanpis allina caycajta ricashpan faraonga yapay rumi shonguno contra ricacuran. Aaronwan Moisés nishantaga mana cäsurannachu. Tayta Dios willashannömi caran.

Éxodo 14:17

Nogami camacächishaj Egiptucuna rumi shonguno contra ricacunanpaj. Chaymi gamcuna aywashayquipa gatishunquipaj. Chaynöpami faraonta, llapan suldäruncunata carrëtancunatawan, muntädu suldäruncunatawan imanöpis rurashpä pï-maytapis noga musyachishaj munayniyoj cashäta.