Éxodo 34:7 - Tayta Diosninchi Isquirbichishan

⁷ Waranganpa (1,000) mirar aywajcunatapis cuyapämi. Juchancunapitapis perdunämi. Chaymannömi castigäpis mana wanacuypa jucha rurajcunataga taytanpita gallaycur, wamranta, willcanta, mas willcan cajta, mas willcan cajtapis.»

Éxodo 34:7 Referans Kwoze

Salmos 103:3

Paymi perdunaman llapan mana allita rurashäcunapita. Allchacächiman ima gueshyäcunapitapis.

Efesios 1:7

Wamran Jesucristo cruscho wañur yawarninta jichashanpitami juchanchïcunata Tayta Diosninchi perdunamashcanchi.

Jeremías 32:18

Waranganpa miraycamami gamga cuyacoj cashayquita musyachinqui. Castigashpayquinami ichanga llapan runacunata castiganqui taytancunapa juchancunapitapis. Tayta Dios gamga munayniyojmi canqui. Munayniyoj Tayta Diosmi jutiquipis.

1 Juan 1:9

Mana pacaypa «Juchayojmi cä» nishami ichanga Tayta Diosninchi perdunamäshun. May-jina juchasapa captinchïpis payga alli carmi, cuyapäcoj carmi perdunamanchi.

Daniel 9:9

Tayta Dios, gammi canqui cuyapäcoj, perdunacoj. Ichanga nogacuna gampa contrayquimi ricacurä.

Salmos 130:4

Gam ichanga imapitapis perdunacojmi canqui. Chaymi llapan rispitashunqui.

Job 10:14

Juchata ruranäpaj cashanta mana cashantapis ricapaycämarayqui, juchata ruraptëga castigamänayquipaj.

Éxodo 23:7

Mana rasunpa cajta dimandacamuptenga ama chasquinquichu. Mana juchayoj runapaj ama ninquichu ‹Juchayojmi cayga. Wañuchun› nishpayqui. Juchaynaj runata wañuchejtaga manami perdunashächu.

Nahúm 1:6

Pay fiyupa rabyasha caycashan öraga ¿piraj ichiraycanman? ¿Piraj awantanman rabyasha caycaptenga? Paypa rabyaynenga nina wapchacojnömi. Chaynöpis, paypa ñaupanchöga gagacunapis shillicäcunmi.

Daniel 9:4

Chaymi llapan juchäcunapita Tayta Diospa ñaupancho cunfisacur cayno mañacurä: Fiyupa munayniyoj, jatun Tayta Dios, imatapis aunishayquita gamga llapantami cumlinqui. Chaymi cuyacoj cashayquitapis musyachinqui mandamintuyqui nishanta cumlejcunata, cuyashojcunataga.

Hebreos 12:29

Man'chäga usharamashwanmi. Payga fiyupa rataycaj ninanömi.

Efesios 4:32

Chaypa ruquenga jucniqui-jucniquipis alli ricanacur caway. Tayta Diosninchi Jesucristu-raycu perdunashushayquinölla gamcunapis perdunanacuy.

Salmos 86:15

Tayta Dios, chaypis gamga canqui alli shongumi, cuyapäcojmi, pasinsacojmi, cuyacojmi, rasun cajta rurajmi.

Miqueas 7:18

«Gamnöga manami juc Dios canchu. Gamga perdunanquimi mana allita rurajtapis. Chaynöpis gonganquimi nogacuna wallcalla quëdaj acrashayqui runacuna juchata rurashäta. Imaycamapis manami rabyashallaga cacunquichu. Gamga nogacunata cuyamashayquita musyachimanquimi.

Nehemías 9:32

«Tayta Dios gamga canqui munayniyojmi, manchacunami. Parlacushayquitaga manami gonganquichu. Cuyacunquimi. Asiriapa raynincuna cashanpita canancamami castïgu nogacunaman, raynëcunaman, mandajnëcunaman, cüräcunaman, gampita willacojcunaman, unay caj awilöcunamanpis chayasha.

Nehemías 1:5

Mañacur nirä: «Janaj pachacho caycaj Tayta Dios gamga canqui fiyupa munayniyojmi. Gampa ñaupayquichöga pï-maypis mancharinmi. Parlacushayquitapis manami gonganquichu. Cuyashojcunatawan mandamintuyquita cumlejcunatapis allimi ricanqui.

Hechos 13:38

Sumaj musyay taytacuna, Jesusman yäracushaga llapan juchanchïpitami Tayta Dios perdunamanchi.

Hechos 5:31

Nircurmi Diosga derëchu caj-lädunman jamachisha, munayniyoj mandaj cananpaj, salbamajninchi cananpaj. Chaymi Israelcuna juchancunapita arpinticur mañacuptenga perdunanga.

Josué 24:19

Chayno niptin Josué niran: «Gamcunaga manami Tayta Diosta sirbiyta puydinquipächu. Payga santumi. Japallanta adurananchïtami munan. Payta mana wiyacur juchata ruraptiquega manami awantashunquipächu.

Deuteronomio 32:35

Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

Éxodo 23:21

Payta wiyacuy. Paypa contran imatapis ama ruraychu. Payga nogapa ruquë cashpanmi munaynëwan imatapis ruranga. Contran ruraptiquega manami perdunashunquipächu.

Apocalipsis 21:8

Juchasapacunami ichanga nina gochaman aywanga. Chayga caycan guepa caj wañuymi. Chaymanmi aywanga mana wiyacamajcuna, mana yäracamajcuna, chiquicojcuna, wañuchicojcuna, majayoj caycar jucwan cacojcuna, brüjucuna, ïdulucunata adurajcuna, llullacojcunapis.»

Apocalipsis 20:15

Libro de bïdacho jutincuna mana apuntaraj cajcunataga nina rataycaj gochamanmi gaycuriran.

Lucas 7:48

Nircur chay warmita niran: «Gamga juchayquicunapita perdunashanami caycanqui.»

Lucas 7:42

Imanöpa pägananpäpis ishcanpa imanpis manashi caranchu. Chayno captin ishcantapis ‹Jagä cashayquega cacuchunna› niranshi. «Canan mä nimay: ¿Maygan cajtaj chay guellayniyoj runata mas cuyanga?»

Mateo 12:31

«Chaymi cananga sumaj wiyamay. Runacuna juchata rurashanta y Tayta Diospa contran parlashantapis perdunta mañacuptenga Tayta Dios perdunangami. Espíritu Santupa munayninwan ruraycaptëpis mana aunej cajtami ichanga mana perdunangachu.

Miqueas 6:11

¿Imanöpataj perdunashaj suwa balansayojta, pishejlla pësacunayojtaga?

Isaías 45:21

Mä rimacuy. Imata yarpashayquitapis nimay. Jucniqui-jucniquipis tapunacur parlacuy: ¿Pitaj gallarinallanchöna niran cayno cananpäga? ¿Pitaj unayna willacachiran? ¿Manachu noga Tayta Dios chaycunataga willarä? Nogapita mas juc diosga manami canchu. Nogapita mas jucga manami canchu allita ruraj, imapitapis salbäga.

Salmos 136:15

Paymi faraonta suldäruncunatawan Puca Lamarcho shengachiran. Pay cuyacoj cashanga imaycamapis chaynöllami.

Salmos 136:10

Egipto runacunapa guechpa wamrancunata wañuchejta agradësicuy-llapa. Pay cuyacoj cashanga imaycamapis chaynöllami.

Mateo 6:12

Chiquimajcunata nogacuna perdunashäno jucha rurashäcunapita perdunaycallämay.

Génesis 19:16

Lot mana llojshiyta atipaptin anjilcunaga maquinpita janchacurcur jorguran. Janchacurcur jorguran Lotpa warminta wamrancunatawan. Paycunataga siudäpita carucama pusharan Tayta Dios cuyapaptinmi.

Éxodo 33:19

Chayno niptin Moisesta Tayta Dios niran: «Cuyapashä cajta cuyapämi. Perdunayta munashä cajtaga perdunämi. Chaymi ñaupayquipa päsar cuyapäcoj cashäta musyachishayqui. Chaynömi jutë ima cashantapis willashayqui.

Éxodo 34:9

Chaymi niran: «Tayta Dios, gampaj alli casha captëga nogacunata yan'gaycallämay ari. Cay runacunaga mana wiyacoj runacunami. Chaypis mana alli rurashäcunata, juchäcunata perdunaycamay. Nircur acrashayqui runacunana canäpaj chasquiycamay ari.»

Deuteronomio 7:9

Chauraga gamcuna sumaj yarpay. Tayta Diosninchïpita mas jucga manami Dios canchu. Payta cuyajcunata, mandamintunta cumlejcunataga waranga miray aywajcamapis aunishanta cumlengami.

Deuteronomio 7:10

Paypa contran jatarejcunatami ichanga fiyupa castigar juclla illgächin.

1 Reyes 8:30

Cay Templuman ricärir mañacuptë nogatapis acrashayqui Israelcunatapis wiyaycunqui. Mañacushuptiqui janaj syëlucho caycashayquipita wiyaycamunqui. Cuyapar ima mana allita rurashäpitapis perdunaycäramanqui ari.

2 Crónicas 30:9

Gamcuna Tayta Diosta yapay yarpashpayqui mañacuptiquega wauguiquicunata, wamrayquicunata prësu apaj juc-lä nasyun runacunapis cuyapashpan cachaycäramongami cay nasyunman cuticamunanpaj. Tayta Diosninchëga cuyapäcojmi, fiyupa allimi. Yäracuptinchëga manami wasguipämäshunchu.»

Jeremías 9:24

Ichanga pipis cushicuchun nogata rejsimashanpita, nishäta rurashanpita, Noga Dios cashäta musyashanpita. Cushicuchun cay pachacho pï-maytapis cuyashäta, allita rurashäta, rasun cajta rurashäta musyashanpita. Chayno caj runami ichanga nogata cushicachiman.» Tayta Diosmi chayno nisha.

1 Reyes 8:32

gamga wiyamunqui syëlupita-pacha. Imanöpis cashanpita arriglaycuy. Juchayoj cajtaga juchanpita castiganqui, mana allicunata rurashanpita. Juchaynajcunataga chapaycunqui ima mana allipitapis.

Salmos 25:11

Tayta Dios nogapa juchäga aypallami. Gam alli cashayquita parlananpaj perdunaycamay ari.

Salmos 99:8

Tayta Dios paycunataga mañacushuptiqui gam wiyarayquimi. Paycunata perdunaj Diosmi carayqui. Mana allita rurajcunatami ichanga castigarayqui.

Salmos 109:14

Taytan mana allita rurashanta Tayta Dios yarpaycuchun. Maman juchata rurashanpis ama imaypis gongacächunchu.

Jeremías 30:11

Nogaga gamwanmi caycä imapitapis salbanäpaj. Maychöpis jitarishächo caycashayqui nasyun runacunataga llapantami wañuchishaj. Gamcunatami ichanga mana wañuchishayquipächu. Chaypa ruquenga rurashayquimanno castigayllami castigashayqui. Jina castigänillataga manami cachaycushayquipächu.