Éxodo 34:10 - Tayta Diosninchi Isquirbichishan

¹⁰ Chaura Tayta Dios niran: «Mañacamashayquita aunëmi. Chaymi canan gamcunawan conträtuta rurashun. May nasyunchöpis ni may marcachöpis mana ricashan milagrucunatami gamcunapa ñaupayquicho rurashaj. Almiraypaj milagrucunata ricarmi waquin nasyun runacunapis musyanga gamcunata yanapashäta.

Éxodo 34:10 Referans Kwoze

Deuteronomio 10:21

Payllata alabanqui. Payllami Tayta Diosninchi. Paymi rurasha llapan ricashayqui milagrucunatapis.

Salmos 77:14

¡Tayta Dios, gammi fiyupa almiraypajcunata ruranqui! ¡Llapan nasyuntami musyachishcanqui munayniyoj cashayquita!

Isaías 64:3

Urämushpayqui fiyupa manchariypäcunatami rurarayqui. Gam urämuptiqui puntacunapis sicsicyaranmi.

Salmos 66:5

Tayta Dios rurashanta ricaj shamuy-llapa, Runapaj fiyupa allita rurashanta ricay-llapa:

Jeremías 32:21

Gamga fiyupa munayniyoj cashayquita musyachishpayquimi acrashayqui Israelcunata Egiptupita jorgamurayqui. Imaypis mana ricashan milagrucunatami ricachirayqui. Llapantami mancharachirayqui.

2 Samuel 7:23

Acrashayqui Israel nasyunnöga manami juc canchu. Paycunallatami cay pachachöga acrashcanqui. Tayta Dios, gammi salbashcanqui acrashayqui runacuna cananpaj. Nircorga munayniyoj cayman churashcanqui quiquincunapa maquinwan milagrucunata rurashpayqui. Egiptupita jorgamushayqui runacunapa ñaupanpita gammi jitarishcanqui waquin nasyun runacunataga diosnincunatawan.

Salmos 78:12

Tayta Diosga milagrucunata ruraran taytancuna ricaycaptinmi Egiptucho caycaj Zoán particho.

Salmos 66:3

Tayta Diospaj cantar cayno niy: «Rurashayquega llapanpis fiyupa allimi. Fiyupa munayniyoj captiquimi chiquishojcunapis mancharisha ñaupayquiman gongurpacamun.

Deuteronomio 32:30

¿Imanöpataj warangantin runacunata jucnaylla gaticachanman? ¿Imanöpataj chunca warangantin runacunata ishcajlla gaticachanman? Chayno captinpis Israelcunata chayno gaticachasha imapitapis chapaj Tayta Dios contrancunapa munayninman cachaycuptinnami.

Josué 6:20

Wagracunata mas jucnötana tucayta gallaycuptin Israelcunapis mana chawaypa gaparparan. Chaura siudäta curalaraycaj perga juchucäcuran. Jinan öra Israelcunapis yaycucaycärir siudäta charicarcäriran.

Éxodo 34:27

Moisesta Tayta Dios niran: «Noga willapashäcunata isquirbiy. Chay isquirbinayquipaj nishäno cumlinayquicunapämi conträtuta rurashcä llapayqui Israelcunawan.»

Salmos 145:6

Munayniyoj cashpayqui fiyupa manchariypajcunata rurashayquicunatami parlanga. Noganami willacushaj munayniyoj cashayquita.

Salmos 106:22

Paymi milagrucunata ruraran chay Cam nasyuncho. Chayno Puca Lamarchöpis fiyupa almiraypajcunata ruraran.

Salmos 76:12

Payga mandajcunatapis wañurachinmi. Munducho caycaj raycunatapis mancharachinmi.

Salmos 65:5

Nogacunata salbamaj Tayta Diosnë, mañacamushäta wiyamashpayqui fiyupa allicunata rurarmi yanapaycämanqui. Gammanmi yäracamun llapan nasyuncho tiyajcuna, may caru lamarpita mas carucho tiyajcunapis.

Salmos 147:20

Waquin nasyuncunataga manami chayno rurashachu. Waquin nasyun runacunaga Tayta Diospa laynincunata manami imaypis musyashachu. ¡Aleluya! ¡Tayta Diosga alabasha cachun!

Deuteronomio 4:13

Chaychömi Tayta Dioswan conträtuta rurarayqui. Gamcuna mana gongaypa cumlinayquipämi ishcay läja rumicunaman chunca mandamintucunata isquirbiran.

Salmos 68:35

Wasincho fiyupa manchanami Tayta Diosga. Acrashan Israelcunataga munayninwan yanapan. Callpayoj cananpäpis yanapan. ¡Alabasha cachun Tayta Diosga!

Éxodo 34:28

Moisesga Sinaí puntacho Tayta Dioswan caycaran chuscu chunca (40) junaj chuscu chunca (40) pagas imatapis mana micuypa mana upuypa. Chaychömi Moisesga läjacunaman isquirbiran Israel runacunawan Tayta Dios conträtu rurashanta. Chay isquirbishancunaga chunca mandamintucunami caycan.

Deuteronomio 9:19

Nogaga fiyupa manchacurä Tayta Dios rabyacuptin ushacächishunayquipaj cashanta yarparmi. Chaypis ruwacuptëmi mana ushacächishurayquichu, man'chäga cuyapäshurayquimi.

Salmos 72:18

Israelcuna rispitashan Tayta Dios alabasha caycullay. Gamllami ima-aycatapis almiraypajcunata ruranqui.

Salmos 136:4

Ima-aycatapis almiraypajcunata rurajta agradësicuy-llapa. Pay cuyacoj cashanga imaycamapis chaynöllami.

Miqueas 7:15

Nogacunatapis milagrucunata ricachimay. Egiptupita jorgamushpayqui ricachishayquino ricachimay.