Éxodo 33:7 - Tayta Diosninchi Isquirbichishan

⁷ Moisesga juc tolduta ichichiran Israelcuna tiyaycashanpita mas carullaman. Chaypa jutinta churaparan «Tincuna Toldu» nir. Pipis Tayta Diosta tapucuyta munaj cäga chay toldumanraj aywaj.

Éxodo 33:7 Referans Kwoze

Isaías 59:2

Ichanga gamcunapa juchayquimi Tayta Diospitaga pergano raquishurayqui. Gamcuna juchata rurashayquipitami Tayta Diosga mana ricärishunquinachu. Mañacuptiquipis mana wiyashunquinachu.

Proverbios 15:29

Fiyu runacunataga Tayta Dios manami wiyanchu. Alli runatami ichanga mañacushanta wiyan.

2 Samuel 21:1

David ray caycashan wichan fiyupa muchuy caran quimsa wata intëru. Chaymi Davidga Tayta Diosta tapucuran. Tayta Diosna niran: «Fiyupa muchuy cananpäga Saulmi, famillyancunami juchayoj. Paycunami Gabaón runacunata wañuchisha.»

Deuteronomio 4:29

Llapan shonguyquiwan Tayta Diosman yapay yäracuptiquimi ichanga pay perdunashunquipaj.

Oseas 9:12

Yurejllan wamrancunata uywaptinpis nogaga ushajpämi guechurishaj. ¡Wawallau caycho caycaj runacuna! Noga witicuriptë mä imanöshi canga.

Salmos 35:22

Tayta Dios, gamga musyanquimi imano cashantapis. Upällallaga ama cacuychu. Nogata ichanga ama gongaycamaychu.

Salmos 27:8

Shongömi shacyächiman «Tayta Diosman yäracuy» nir. Chaymi nogaga gamllaman yäracamö.

Salmos 10:1

Tayta Dios ¿imanirtaj carullacho cacunqui? ¿Imanirtaj pacacunqui llaquicuycuna cashan öra?

Hebreos 8:2

Chaychömi cananga quiquin Tayta Dios jatarachishan adurana wasicho noganchïpa cüranchi caycan. Chay wasiga manami runa rurashanchu, man'chäga Tayta Dios rurashanmi.

Éxodo 18:7

Chaura Moisesga taripaycur suyrunpa ñaupanman gongurpacuran. Nircur saludashpan mucharan. Imano cashantapis willapänacurcurnami toldunman yaycuran.

Éxodo 18:12

Nircur Jetroga Tayta Diospaj rupachina sacrifisyutawan waquin sacrifisyutapis rupachiran. Nircurna Aarón y Israel mayurcuna shuntacaran Moisespa suyrun cajman Tayta Diospa ñaupancho paycunawan iwal micunanpaj.

Éxodo 33:6

Chaura Horeb jircacho jorgushanpita-pacha mana jaticurannachu aläjancunata, alli röpancunatapis.

Éxodo 33:8

Moisés chay tolduman aywaptin Israelcunaga cada-ünun toldun puncucho-cama ichirpaycaj. Moisesta ricapaj chay tolduman yaycunanyaj.