Éxodo 3:7 - Tayta Diosninchi Isquirbichishan

⁷ Chaypis Tayta Dios sïguir niycaran: «Musyämi Egiptucho acrashä runacuna fiyupa llaquicur goyaycashanta. Wiyashcämi capatasnincuna ñacachiptin llaquicur mañacamashantapis.

Éxodo 3:7 Referans Kwoze

Salmos 145:19

Payta rispitajcuna imatapis mañacushantaga llapantami camacächin. Mañacuptin imapitapis salbanmi.

Salmos 106:44

Chayno captinpis llaquicuycajta ricar, gaparpaycajta wiyar

Salmos 34:6

Llaquicur gayacuptë Tayta Diosga wiyamashami. Llapan llaquicuycunapitami jorgamasha.

Nehemías 9:9

«Ricarayquimi Egiptucho unay caj famillyäcuna imano ñacashantapis. Wiyarayquimi Puca Lamar cantuncho fiyupa llaquicushpan mañacamushantapis.

Éxodo 22:23

Ñacachiptiqui paycuna llaquicushpan ruwacamashanta wiyashämi.

Isaías 63:9

Llapan ñacaycunapitami runacunataga salbaran. Paycunata salbananpäga manami anjilnintachu cachamuran. Chaypa ruquenga quiquin Tayta Diosmi cuyapäcoj cashpan paycunata salbaran. Paymi jatarcachishpan margacurcur shuntasha. Imaypis chaynömi yanapasha.

Salmos 34:4

Ruwacuptë Tayta Diosga wiyamashami. Chaynöpami salbamasha llapan manchacuycashäpitapis.

Éxodo 1:11

Chayno parlacarcärirmi Israelcunata ñacachir sasa aruycunacho aruchinanpaj achcaj capatascunata churaran. Chaynöpami faraonga aruchiran Pitón jutiyoj siudäta, Ramsés jutiyoj siudätapis. Chay siudäcunaga caran faraonpa ima-aycantapis churachinanpämi.

Génesis 29:32

Leaga gueshyaj ricacur gueshyacuran ollgu wamrata. Chaymi niran: «Tayta Diosmi ricamasha llaquisha caycajta. Cananga runäpis masmi cuyamanga» nir. Chayno nirmi wamranpa jutinta churaparan «Rubén» nir.

Salmos 22:24

Payga manami gongaycunchu pobricuna ñacashanta. Manacajmanpis manami churanchu pobricuna ñacaycajta. Manami pacacunpischu. Mañacuptenga yanapanmi.

1 Samuel 9:16

«Wara cayno örami juc runata Benjamín trïbupita cachamushaj. Paytami churanqui acrashä Israelcunapa raynin cananpaj. Paymi salbanga Filistea runacunapita. Filistea runacuna ñacachiptin mañacamashanta wiyashcänami. Acrashä runacunataga cuyapashcänami.»

Hebreos 4:15

Noganchïta dyablu juchata rurachiyta munamashanchïnöllami Tayta Jesustapis juchata rurachiyta munaran. Chaypis Tayta Jesusga manami juchaman tuniranchu. Taytanchi Jesusga noganchïno runa cayta päsasha carmi rejsiycämanchi; cuyapämanchi.

Salmos 142:3

Paytami willapä fiyupa llaquisha caycashätapis. Tayta Dios, gamga musyanquimi imano goyaycashätapis. Mana alliman chayanäpämi togllacunata churapämasha.

Génesis 18:21

Chaymi canan aywaycä quijacamar willamashanno rasunpa juchancuna cashanta musyanäpaj. Imano captinpis chayar-rämi musyashaj.»

Hechos 7:34

Nogaga ricashcämi acrashä Israel runacunata Egipto runacuna fiyupa ñacaycächishanta. Llaquicur mañacamashantapis wiyashcämi. Chaymi paycunata jorgamunäpaj urämushcä. Chaymi gamtana Egiptuman cachashayqui.›

Génesis 16:11

Gueshyaj caycashayqui wamrayqui ollgumi canga. Llaquicushayquita Tayta Dios wiyashanpitami jutinta churapanquipaj Ismael nir.

Génesis 21:17

Wamra wagashanta Dios wiyaran. Chaymi Diospa anjilnenga syëlupita gayacuran Agarta cayno nishpan: «¿Imanaycanquitaj Agar? Ama llaquicuychu. Wamrayqui wagaycashantami Dios wiyasha.

Génesis 31:12

Chayno niptëmi Diospa anjilnin nimaran: ‹Sumaj ricay. Llapan orgucuna china cajcunata jaroj cäga caycan shuyulla, murulla, shajshulla. Nogaga musyaycämi imano Labán ñacachishushayquitapis.

Génesis 31:42

Abrahamwan papänë Isaac rispitashan Dios mana yanapämaptenga capaschari gamga chayamushätano jinayllatapis gargaramanquiman caran. Ichanga Diosmi ricasha imano ñacashätapis, imano arushätapis. Chaynöpami ganyan chacaypis Diosga piñacusha-cashunqui.»

Éxodo 5:6

Nircur faraonga chay junajlla Egipto capatasnincunata, Israel capuralcunata niran:

Éxodo 5:10

Chaymi capatascunawan capuralcuna aywaycärir runacunata niran: «Faraonmi nimasha cananpitaga gamcunata ogshata manana ashichipämunäpaj.

Éxodo 33:13

Rasunpa cuyapämashpayquega canan tantiyachimay ari imata yarpashayquitapis. Tantiyachimaptiquimi musyashaj Israel runacunata imata tantiyachinäpaj cashantapis. Musyashayquinöpis cay runacunaga gam acrashayquimi caycan.»

Números 20:16

Chaura Tayta Diosta mañacushcä. Paynami amatar ñacar wagashäcunata wiyamasha. Chaymi anjilninta cachamusha llapanëta Egiptupita jorgamänanpaj. «Chaynöpami nasyunniquipa lindan Cades marcachöna caycäcuna.

2 Samuel 22:28

Umildicunataga salbanquimi. Alli-tucojcunatami ichanga manacajman churanqui.

2 Reyes 13:4

Jucpa munaynincho carmi ray Joacazga Tayta Diosta mañacuran. Chaura yanaparan. Tayta Diosga ricashana caran Israelcunata Siriapa raynin imano ñacachishantapis.

Salmos 35:22

Tayta Dios, gamga musyanquimi imano cashantapis. Upällallaga ama cacuychu. Nogata ichanga ama gongaycamaychu.

Éxodo 1:8

Chaypita mas guepataga juc runana yaycuran Egiptupa raynin cananpaj. Chay rayga mana musyarannachu pï José cashantapis. Chay raymi Egiptucunata niran:

2 Reyes 20:5

«Cutiycur acrashä marcapa mandajnin ray Ezequiasta ninqui: ‹Unay famillyayqui David sirbishan Tayta Diosga caynömi nin: Noga wiyashcämi mañacamashayquita. Ricashcämi wagashayquitapis. Chaymi allchacächishayqui. Cananpita quimsa junajtami aywanquipaj Templöman.

Salmos 9:14

Chaynöpami Jerusalenman yaycunacho willacushaj alabashunayquipaj. Salbamashayquipitapis cushicushämi.

Salmos 12:6

Tayta Diosga aunishancunata cumlinmi. ¡Tayta Dios aunishancunaga caycan ganchis cuti chulluchiptin ganra ushajpaj llojshishan gorinömi!