Éxodo 3:14 - Tayta Diosninchi Isquirbichishan

¹⁴ Niptin Diosga niran: «Nogaga quiquëmi caycä. Gampis Israelcunata ninqui ‹quiquëmi caycä nimajmi gamcunaman cachamasha› nir.»

Éxodo 3:14 Referans Kwoze

Hebreos 13:8

Jesucristoga imaypis chaynöllami caycan. Manami rucacanchu. Unay wichanpis, canan wichanpis, shamoj watacunapis cashannöllami caycan.

Juan 8:58

Jesusna niran: «Tantiyacuy-llapa. Abraham manaräpis yuriptin nogaga maynami caycarä.»

Apocalipsis 1:8

Unaypita-pacha cawaj, cananpis caycaj y shamunanpaj caycaj Tayta Diosmi nin: «Nogaga gallaycunanpita ushanancamami caycä» nir.

Salmos 90:2

Puntacunapis manaraj cashanpita-pacha, cay pacha manaraj cashanpita-pacha, unaypita-pacha imaycamapis gamllami canqui Tayta Diosga.

Isaías 44:6

Israelcunata salbaj ray munayniyoj Tayta Diosmi cayno nin: «Nogaga gallarinanpita-pacha imaycamapis caycämi. Nogapita mas juc diosga manami canchu.

Apocalipsis 1:4

Asia probinsyapa ganchis marcancunacho caycaj ermänucuna: Noga Juanmi isquirbiycämö. Unaypita-pacha cawaj, cananpis caycaj y shamunanpaj caycaj Tayta Dios cuyapaycushunqui alli cawanayquipaj. Paypa ñaupancho caycaj ganchis espiritucunapis cuyapaycushunqui alli cawanayquipaj.

Apocalipsis 1:17

Payta ricaycurmi paypa ñaupanman wañushano tunirä. Chaymi derëchu caj maquinwan yataycamar nimaran: «Ama manchacamaychu. Nogaga gallaycunanpita ushanancamami caycä.

Éxodo 6:3

Abrahamta, Isaacta, Jacobta yuriparcur noga musyachirä Munayniyoj Dios cashäta. Ichanga paycunata manami willarächu Tayta Dios jutë cashanta.

Apocalipsis 4:8

Chuscunpis sojta älayoj-camami caran. Intëru cuerpunchömi ñawincunapis caran. Chay anjil-nirajcunaga chacaypa junajpapis nircaycaran: «Santo, Santo, Santumi munayniyoj Tayta Diosga. Payga unaypita-pacha cawaj, cananpis caycaj y shamunanpaj caycajmi.»

2 Corintios 1:20

Jesucristuta cay pachaman cachamurmi Tayta Dios imata aunimashanchïtapis cumliran. Chaypitami cananga Tayta Diosta alabashpanchïpis «Amén, ¡chayno cachun!» ninchi.

Juan 8:28

Chaymi Jesús niran: «Noga Destinädu Runata janajman jogarimar-rämi musyanquipaj noga pï cashätapis. Chayrämi gamcunaga tantiyanquipaj quiquëpa munaylläpita imatapis mana rurashäta, chaypa ruquenga Tayta Dios nishannölla rimashäta.

Mateo 28:20

Gamcunata willapashä cajtaga wiyacunanpaj llapanta yachachinqui. Noganami gamcunata yan'gaycäshayquipaj cay pacha ushacänancamapis.»

Salmos 68:4

Tayta Diosta alabay-llapa. Imnucunawan payta alabay-llapa. Alabay-llapa pucutay janancho aywajta. Paypa jutenga Tayta Diosmi. Paypa ñaupanchöga cushicuy-llapa.

Mateo 18:20

Juc ishcaylla carpis nogapa jutëcho shuntacaptiquega gamcunawanmi caycäshäpaj.»

Job 11:7

«¿Tayta Dioslla musyashancunata gampis musyanquimanchuraj? ¿Yarpashancunatapis ushajpächuraj musyanquiman?

Juan 8:24

Chaymi nishcä ‹Gamcunaga juchallayquichömi wañunquipaj› nir. Noga pï cashämanpis mana riguerga juchallayquichömi wañunquipaj.»

Éxodo 3:13

Chaura Moisesga Diosta niran: «Ichanga noga chayar Israel-masëcunata ‹Unay caj awilunchïcunapa Diosninmi cachamasha› niptëga, paycuna tapumanga ‹¿Imataj jutin?› nir. Chauraga ¿ima nishätaj?»

Éxodo 6:2

Juc cutichöna Moisesta Tayta Dios niran: «Nogaga Tayta Diosmi cä.

Éxodo 23:21

Payta wiyacuy. Paypa contran imatapis ama ruraychu. Payga nogapa ruquë cashpanmi munaynëwan imatapis ruranga. Contran ruraptiquega manami perdunashunquipächu.

Éxodo 15:3

Tayta Diosga guërracho pillyay yachajmi. Paypaga jutinpis Tayta Diosmi.

Isaías 42:8

Nogaga cä Tayta Diosmi. Chaymi jutëpis caycan. Chaymi camacächishaj nogallata aduramänanpaj. Manami camacächishächu nogata alabamänanpa ruquin ïdulucunata alabanantapis.