Éxodo 23:7 - Tayta Diosninchi Isquirbichishan

⁷ Mana rasunpa cajta dimandacamuptenga ama chasquinquichu. Mana juchayoj runapaj ama ninquichu ‹Juchayojmi cayga. Wañuchun› nishpayqui. Juchaynaj runata wañuchejtaga manami perdunashächu.

Éxodo 23:7 Referans Kwoze

Efesios 4:25

Chayno caycaptenga amana llullapänacuynachu. Llapaninchïpis jucnayllanöna caycarga rasun cajllatana rimashun.

Deuteronomio 27:25

« ‹Juchaynaj runata wañuchinanpaj päguta chasquircur wañuchej cäga maldisyunasha cachun› nir. «Niptin llapan runacunana ‹¡Nishayquino cachun!› nenga.

Éxodo 34:7

Waranganpa (1,000) mirar aywajcunatapis cuyapämi. Juchancunapitapis perdunämi. Chaymannömi castigäpis mana wanacuypa jucha rurajcunataga taytanpita gallaycur, wamranta, willcanta, mas willcan cajta, mas willcan cajtapis.»

Éxodo 23:1

«Mana musyashayqui cajtaga ama ‹Rasunpami› ninquichu. Llutan rurajcunapa faburninpis ama jatarinquichu.

1 Tesalonicenses 5:22

Llutanta rimaptenga ama chasquipanquichu.

Levítico 19:11

«Ama suwacunquichu. Ama llullacunquichu. Ama engañacunquichu.

Romanos 1:18

Fiyu runacunaga mana allita rurashpanmi waquin runacuna Tayta Diosninchi imano cashantapis musyananta chapata ruran. Chayno rurarga syëlucho caycaj Tayta Diosninchïtami rabyachin. Chaypitami chay runacunataga castiganga.

Lucas 3:14

Chaynöllami suldärucunapis waquenga tapuran: «Nogacunaga ¿imatataj ruräman?» Chaura Juan niran: «Ama pitapis manacajpita manchachipaypa ni manacajta jitapaypa imantapis guechunquichu. Arushayquipita aycatapis pägashushallayquiwan cuntintacuy.»

Nahúm 1:3

Tayta Diosga fiyupa munayniyojmi. Chaymi jucha ruraj cajtaga castigänita mana cachaycongachu. Ichanga juclla manami rabyacunchu. Tayta Diosga aywan löcu tamya jananpami, gachwariycar aywaj wayra jananpami. Pucutayga caycan chaquin polbuta jatarachishanmi.

Isaías 33:15

Alliga cawanga alli cajllata ruraj cajmi, rasun cajllata parlaj cajmi, rïcuyänanpaj firsapita pipa imantapis mana guechoj cajmi, faburnin cananpaj pacayllapa pägaptinpis mana chasquej cajmi, wañuchinanpaj shimita goptinpis mana chasquej cajmi, mana allita ruraycajta mana ricananpaj witicoj cajmi.

Proverbios 17:15

Juchan musyacaycaptin mana castigajtapis, juchaynajta «juchayojmi» nejtapis ishcantami Tayta Diosga melanäcun.

Job 22:23

Tayta Diosman yapay yäracuptiqui, mana alli ruraycunata manana ruraptiqui,

Éxodo 20:13

«Ama wañuchicoj canquichu.

Génesis 18:23

Ñaupanman witiycushpan Abrahamga niran: «Juchayojcunataga ¿juchaynajcunatawan iwalchuraj usharinquiman?

Éxodo 20:16

«Ama manacajtaga pitapis jitapanquichu.

Levítico 19:16

Marcayquicho ama purinquichu runapa washanta rimar. Runa-masiquita wañuchinanpaj ama jitapanquichu. Noga Tayta Diosniquimi chayno në.

Deuteronomio 25:1

«Piwanpis rimanacorga ishcan aywanga autoridäman. Chaychörämi autoridäcuna juchaynaj cajta libri cacharir juchayoj cajta castiganga.

Salmos 94:21

Paycunaga alli runacunapa contranmi parlacun. Juchan mana caycaptinmi wañuchinanpaj aunin.

Salmos 119:29

Llullacunätaga ama munaycuychu. Chaypa ruquenga yanapaycamay yachachimashayquinölla.

Proverbios 11:21

Mana allita rurajcunaga simrimi castigacanga. Allita rurajcunami ichanga salbaconga.

Isaías 5:20

Ay imanöraj canqui mana alli cajta «alli» nejcuna, alli cajtana «mana alli» nejcuna, achicyajta «chacay» nejcuna, chacaytana «achicyaj» nejcuna; ashgaj cajta «mishquej» nejcuna, mishquej cajtana «ashgaj» nejcuna.