Éxodo 23:6 - Tayta Diosninchi Isquirbichishan

⁶ «Dimandacamuptenga pobritapis alli arriglanqui.

Éxodo 23:6 Referans Kwoze

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Jeremías 5:28

Cananga alli allita micucarcärirmi werayasha carcaycan. Mana allita ruraytaga manami jamanchu. Pïninpis mana caj wacchacunatapis manami alliga arriglanchu. Pobricunatapis manami yanapanchu.

Eclesiastés 5:8

Juc nasyuncho pobri fiyupa ñacaycajta ricar, mana alli goyay cajta ricar ama manchariychu, ama almiraychu. Chaynöga caycan mandajcunata mas jatun mandaj chapaptinmi. Mas mandajcunatapis mas mandaj cajcunarämi chapaycan.

Deuteronomio 27:19

« ‹Jäpa runacunata, wacchacunata, biyüdacunata mana alli ricaj cäga maldisyunasha cachun› nir. «Niptin llapan runacunana ‹¡Nishayquino cachun!› nenga.

Deuteronomio 16:19

Paycunaga pitapis mana jananpayllapa llapanta sumaj arriglachun. Rïcutapis pobritapis saynita mana chasquiyllapa arriglachun. Saynita chasquerga yachaj runacunapis sumaj arriglananpa ruquin chasquishan runapa faburninmi jatarenga. Saynita chasquerga alli runacuna willapashancunatapis manami chasquengapänachu.

Levítico 19:15

«Autoridä car derëchu canqui. Pobritapis juchanpitaga ama chapanquichu. Ni rïcucunatapis juchanpitaga ama chapanquichu. Autoridä carga alli arriglanqui.

Jeremías 7:6

Juc-lä runacunata, wacchacunata, ni biyüdacunatapis ama ñacachiychu. Cay partichöga ama wañuchiychu alli runacunata. Juc dioscunatapis ama aduraychu. Mana allilla goyarga quiquiquicunami disigrasyaman chayanquipaj.

Jeremías 6:28

Paycunaga llapanpis mana wiyacoj runacunami; willapista, washa rima runacunami. Runsino fyërrunömi carcaycan.

Job 31:13

«Warmi ollgu uywaynëcuna ruwacamashanta mana aunisha carga

2 Crónicas 19:7

Chaymi Tayta Diosta rispitanqui. Imatapis yarpachacurcur-raj ruranqui. Tayta Diosga rabyacunmi jucnillanpa faburnin captinchi. Mana allita rurajcunata, saynita chasquejcunataga manami awantanchu.»

1 Samuel 8:3

Wamrancunaga mananami papäninnönachu caran. Alli cananpa ruquenga caran yargaj. Pipis juchata rurariycur pacayllapa pägaptin chasquej. Imatapis alliga manami rurajnachu.

Proverbios 18:5

Autoridäcuna juchayojcunapa faburnin captenga manami allichu. Ima juchanpis mana caycaptin «juchayojmi» nir arriglaptenga manami allichu.

Proverbios 22:22

Pobri cashan-raycu, pobri runataga ama suwapanquichu. Pïninpis mana caj runatapis autoridäcunacho ama ichiycachächinquichu.

Proverbios 31:5

Machacurcorga laycuna niycashantapis gongaycunmanmi. Chayno gongaycorga ñacaycajcunata mananami alliga ricanganachu.

Isaías 5:23

Gamcunaga guellay-raycumi juchayojtapis «juchaynaj» ninqui. Juchaynajtana alli arriglanayquipa ruquin «juchayojmi» ninqui.