Éxodo 23:17 - Tayta Diosninchi Isquirbichishan

¹⁷ «Ollgu cajcunaga watacho quimsa cutimi noga Tayta Diosniquipa ñaupäman shamonga cada fista rurayllan.

Éxodo 23:17 Referans Kwoze

Deuteronomio 16:16

«Chay quimsa fistacunapämi cada watacho quimsa cuti llapan ollgu cajcuna maypitapis Tayta Dios acrashan pachaman shuntacanga. Chay fistacuna canga: Lebadüraynaj Tantata micuna fista, Semänacuna nishan fista, Ramäda fista. Chay fistacunamanga pipis jinayllaga ama aywangachu.

Éxodo 34:23

«Chay quimsa fistata ruranayquipäga watacho quimsa cuti llapan ollgu cajcuna nogata aduramaj shamonga. Nogami cä Israelcunapa Tayta Diosnin.

Lucas 2:42

Chunca ishcaynin (12) watayoj Jesús caycaptinpis custumrin cashanno Jerusalenman aywaran.

Salmos 84:7

Sercaynin-tupumi callpanpis yapacanga. Tayta Dios Sionchönami quiquiquita ricashunquipaj.

Deuteronomio 31:11

Tayta Dios acrashan pachacho llapan Israelcuna shuntacanga. Nircur llapan wiyananpaj cay laycunata liguipanqui.

Deuteronomio 12:5

Chaypa ruquenga Tayta Diosta aduranqui pay acrananpaj caj pachallacho. Chay pachatami llapan Israel trïbu runacuna chasquishancho acranga payta chaycho aduranayquipaj.

Éxodo 23:14

«Cada watacho quimsa cuti fistata ruranqui nogata rispitamashpayqui.

Salmos 42:2

Imaycamapis cawachicoj Tayta Diostami yacunaycajno ashiycä. ¿Imayraj cutishaj Tayta Diosta aduranäpaj?

Salmos 122:4

Chaymanmi shamun alabashunayquipaj acrashayqui trïbucunaga. Chayno alabashunayquipämi Israel runacunataga yachachirayqui.

Isaías 1:12

¿Imapänataj nogapa ñaupäman shamunquipis? ¿Pitaj nisha-cashunqui wasi puncöman uywacunata apamunayquipaj?

Salmos 42:3

Ichanga pagasta junajtapis weguillänami micuynëpis. Chayno caycaptë imay örapis asipämashpan «¿Maytaj Diosniqui?» nir tapurcaycäman.