Éxodo 22:4 - Tayta Diosninchi Isquirbichishan

⁴ «Cawaycajllata suwapa maquincho suwashan uywata taripaycorga duyñun shuntaconga. Ima uywata suwasha carpis suwashan uywatano ishcayta yapanga.

Éxodo 22:4 Referans Kwoze

Éxodo 22:9

«Pipis jucpa wäcanta, bürrunta, uyshanta, röpanta, man'chäga imatapis ogracajta duyñu-tucurcusha caycaptin juc runana ‹Nogapami› nir yurimushpanga ishcan shamonga ñaupäman. Taripacarga duyñu-tucoj caj päganga cutichishanpa jananman juc chaynötaraj.

Éxodo 22:7

«Pipis juc Israel runata guellayninta, aläjanta paytacuycushanta, suwa wasinpita suwapaycuptin, chay suwata taripaptin suwashanta cutichenga. Jananman päganga ishcay chaynötaraj.

Éxodo 22:1

«Pipis uyshata, cabrata, wäcata suwacurcur pishtacurcuptin, u ranticushana caycaptin taripacashpanga päganga juc wäcata suwacushanpita pichgata, juc uyshata u cabrata suwacushanpitana chuscuta.

Apocalipsis 18:6

Imanömi jucta ruraran chayno paytapis ruray. Rurashanpita masta cutichiy. Juccunata machächir ñacachishan bäsunman quiquintaga mas aypallata camaripay.

Éxodo 21:16

«Juc runata suwarcur ranticuptin u suwashan runata chararaycajta taripaptenga chay suwaj runa wañuchicächun.

Jeremías 16:18

Paycunaga mana sirbej aypalla ïduluncunata adurarmi partisyunta goycushä nasyunta ganrachisha. Chay partichöga intëruchömi mana munashäcunata rurasha. Chaymi paycunataga juchata rurashanpita fiyupa castigashaj.»

Proverbios 6:31

Mana jamurparpis suwacushanta tariparga suwacushanpita ganchis cutipa mastarämi pägachenga. Chayno, jananmanpis imata charashallantapis ushajpämi guechonga.

Isaías 40:2

Paycunataga alli shimillayquipa willapaycuy. Cananpitaga manana llaquisha goyänanpaj cashanta willaycuy. Paycunaga manami uywaynachu canga. Paycunataga juchancunapita castigashcänami. Paycunataga llapan juchanpita perdunashcänami.»

Éxodo 22:5

«Pipis uywancunata michishpan juc runapa chacranman, u übas wertanman uywancuna yaycuptin däñucushanpitaga quiquinpa cajta mas allinninta cutichenga.

1 Samuel 12:5

Chaura Samuel niran: «Cananga Tayta Diospis, acrashan raypis musyanmi ima juchäpis mana cashanta.» Runacunana «Au rasunpami» niran.

Levítico 6:5

manacajpita ‹rasunpami› nir jurashanpitapis. Duyñunta cutichishanpa jananmanpis cada chuncapita ishcay mastaraj päganga cutichina sacrifisyuta garamashan öra.