Éxodo 22:22 - Tayta Diosninchi Isquirbichishan

²² «Biyüdacunatawan wacchacunataga ama ñacachinquichu.

Éxodo 22:22 Referans Kwoze

Isaías 1:17

Allillatana rurayta yachacuy ari. Rasun cajllatana ruranayquipaj sumaj yarpachacuy ari. Ñacaycajcunata yanapay. Alli cajta rurashpayqui wacchacunata alli arriglay. Biyüdacunatapis yanapay.»

Deuteronomio 24:17

«Jäpa runa captinpis pobri captinpis llapan runacunata sumaj arriglanqui. Biyüdacunapa röpantapis ama rinda charicurcunquichu.

Isaías 1:23

Mandajniquicunapis Tayta Diosta manami wiyacunchu. Paycunaga suwacunapa amiställanmi. Paycunaga munarcaycan pacayllapa päguta chasquiytami. Munarcaycan imapitapis imallatapis päganantami. Wacchacunataga manami alli arriglanchu. Biyüdacuna dimandacuptinpis manami cäsunchu.

Santiago 1:27

Tayta Diosninchïman rasunpa yäracorga wacchacunata, biyüdacunatapis llaquicuycho caycashan-öra yanapächun. Jucha ruraj runacunanöga ama cachunchu.

Zacarías 7:10

Ama ñacachiychu biyüdacunata, wacchacunata, juc-lä nasyun runacunata, ni pobricunatapis. Jucniqui-jucniqui mana allita ruranacuytapis ama yarpaychu.»

Ezequiel 22:7

Chaycho tiyajcunaga manami rispitanchu papäninta ni mamantapis. Juc-lä runacunata fiyupami ñacachin. Biyüdacunatawan wacchacunataga imantapis guechun.

Isaías 10:2

Paycunaga pobricunata mana allimi rican. Ñacarcaycajtapis manami alliga arriglanchu. Biyüdacunapa ima-aycantapis guechun. Wacchacunata suwapan.

Deuteronomio 27:19

« ‹Jäpa runacunata, wacchacunata, biyüdacunata mana alli ricaj cäga maldisyunasha cachun› nir. «Niptin llapan runacunana ‹¡Nishayquino cachun!› nenga.

Deuteronomio 10:18

Wacchatapis, biyüdatapis payga cuyapanmi. Gamcunacho tiyaj jäpa runacunapaj micuytapis röpatapis camaripan.

Deuteronomio 24:18

Ama gongaychu gamcunapis Egipto nasyuncho uyway car ñacashayquita. Chayno caycajtami Tayta Dios jorgamushurayqui. Chaymi gamcunaga willapashäta cumlinqui.

Job 31:16

«Pobri pishipacajcunata yanapaytaga imaypis manami dëjashcächu. Manami dëjashcächu biyüdacuna yargaypita canantapis.

Proverbios 23:10

Unaypita-pacha jawiraj lindacunataga ama witichinquichu. Wacchacunapa chacranmanpis guechunayquipaj ama yaycunquichu.

Proverbios 23:11

Paycunata Washäga caycan fiyupa munayniyojmi. Pï ñacachiptinpis Paymi faburnin jatarir castiganga ñacachejtaga.

Jeremías 7:6

Juc-lä runacunata, wacchacunata, ni biyüdacunatapis ama ñacachiychu. Cay partichöga ama wañuchiychu alli runacunata. Juc dioscunatapis ama aduraychu. Mana allilla goyarga quiquiquicunami disigrasyaman chayanquipaj.

Jeremías 7:7

Llapantapis allillata rurashpayquimi ichanga unay awiluyquicunata imaycamapis tiyacunanpaj goycushä partillachöna tiyacunquipaj.

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Deuteronomio 15:9

Jagacunata perdunanan wata chayamunanpaj cashantana tantiyar ama yarpanquichu manana ristanayquipaj cashanta. Mana ristaptiquega pishipacaycho caycaj runa Tayta Diosman quijacuptin juchayojmi ricacunquipaj.

Job 34:28

Chay fiyu runacuna ñacachiptinmi pobricunaga Tayta Diosta mañacuran. Chaura Tayta Diosnami wiyaran.

Salmos 10:14

Gamga quiquiquimi ricashcanqui fiyupa mana allita rurashanta. ¡Ricasha carmi, castiganquipaj imano rurashanpitapis! Gammanmi yäracamun pïninpis mana cajcunaga. Gamllami wacchacunata yanapanqui.

Salmos 34:7

Tayta Diospa anjilninmi salban chapan Tayta Diosta rispitajcunataga.

Proverbios 22:23

Paycunapa faburnin Tayta Diosmi canga. Paycunata suwapajtaga Tayta Diosmi ima-aycantapis guechonga.

Mateo 23:14

«[¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga biyüdacunapa wasincunata guechuycanqui. Nircorga runacuna ‹alli› nishunallayquipämi may öra Tayta Diosta mañacoj-tucunqui. Chaypitami Tayta Diosga mas fiyupa castigashunquipaj.]