Éxodo 2:23 - Tayta Diosninchi Isquirbichishan

²³ Chaypita mas unaytanaga Egiptupa raynin wañuran. Israelcunaga jinalla Diosta mañacurcaycaran amatar ñacay aruycunacho cashpan. Chayno llaquicur mañacushancunata Dios wiyaran.

Éxodo 2:23 Referans Kwoze

Santiago 5:4

Piyunniquicunata manapis pägar engañar aruchishcanqui. Paycunami Tayta Diosninchïta wagar mañacurcaycan. Mañacushantaga Tayta Diosninchi wiyashanami.

Hechos 7:30

«Chuscu chunca (40) watana goyaycashancho Moisés aywaran chunyaj Sinaí punta chaquinman. Chaychömi Diospa anjilnin yuriparan shira rataycajcho.

Génesis 16:11

Gueshyaj caycashayqui wamrayqui ollgumi canga. Llaquicushayquita Tayta Dios wiyashanpitami jutinta churapanquipaj Ismael nir.

Isaías 19:20

Chayga señal cangapaj munayniyoj Tayta Diosta Egiptuchöpis rispitashan musyacänanpämi. Paycunaga fiyupa ñacachiptinmi yanapänanpaj Tayta Diosta mañaconga. Chaura paymi cachamongapaj juc salbajta imapitapis chapänanpaj, ñacaycajta jorgunanpaj.

Salmos 18:6

Fiyupa llaquicurmi Tayta Diosta mañacurä. Mañacurä yanapämänanpaj. Payga wiyamaran Templunpita. ¡Gaparayparaj mañacushäta wiyaran!

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»

Nehemías 9:9

«Ricarayquimi Egiptucho unay caj famillyäcuna imano ñacashantapis. Wiyarayquimi Puca Lamar cantuncho fiyupa llaquicushpan mañacamushantapis.

Deuteronomio 24:15

Arushanpitaga chay tardilla pägaycunqui chaywan micuyninta rantinanpaj. Mana pägaptiquega Tayta Diostami mañaconga castigashunayquipaj. Chaura gamcuna juchayojmi canquipaj.

Éxodo 4:19

Madiancho caycaptillan Moisesta Tayta Dios niran: «Cutiy Egiptuman. Gamta wañuchiyta munashojcunaga llapannami wañusha.»

Génesis 4:10

Niptin Tayta Dios niran: «¿Imanirtaj wauguiquita wañuchishcanqui? Wauguiquipa yawarnin mashtaraycajmi gayacaycäman gamta castiganäpaj.

Números 20:16

Chaura Tayta Diosta mañacushcä. Paynami amatar ñacar wagashäcunata wiyamasha. Chaymi anjilninta cachamusha llapanëta Egiptupita jorgamänanpaj. «Chaynöpami nasyunniquipa lindan Cades marcachöna caycäcuna.

Éxodo 7:7

Faraonwan parlashan öra Moisesga caycaran pusaj chunca (80) watayoj, Aaronna pusaj chunca quimsan (83) watayoj.

Isaías 5:7

Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Éxodo 1:14

Fiyupa ñacachej sinchi aruycunacho aruchir, mitutapis adöbitapis rurachir, chacracunatapis aruchir.

Éxodo 6:5

Israelcunata cananga wiyashcä amatar ñacar wagarcaycajtami. Egipto runacunami fiyupa aruchin. Chaymi cananga unay conträtu rurashäta cumlishäna.

Éxodo 6:9

Chayno Dios nishanta Moisesga Israel-masincunata willaran. Chaura runacunaga wiyaytapis mana munarannachu mas fiyupana ñacaycho cashpan.

1 Samuel 12:8

«Egiptuman Jacob llapan castancunawan aywacuptin chaycho miraj famillyayquicunata fiyupa ñacachiran. Chaymi paycuna Tayta Diosta ruwacuran. Tayta Diosnami cacharan Aarontawan Moisesta. Chaura paycunaga chay famillyanchïcunata Egiptupita jorgamuran. Nircurnami cay chacraman tiyachiran.

Job 35:9

«Imapis päsaptinrämi runacunaga yarpachacur gaparpan. Munayniyojcunapa maquinpita pillapis salbananpaj ruwacun.

Salmos 102:1

Tayta Dios, mañacamushäta wiyaycamuy. Quijacamushätapis wiyaycamuy ari.

Jueces 4:3

Jabinpaga caran isgun pachacmi (900) pillyananpaj fyërru carrëtancunapis. Israelcunataga ishcay chunca (20) watanami fiyupa ñacachiran. Chayrämi paycunaga fiyupa llaquicur Tayta Diosta mañacuran.

1 Samuel 9:16

«Wara cayno örami juc runata Benjamín trïbupita cachamushaj. Paytami churanqui acrashä Israelcunapa raynin cananpaj. Paymi salbanga Filistea runacunapita. Filistea runacuna ñacachiptin mañacamashanta wiyashcänami. Acrashä runacunataga cuyapashcänami.»

Salmos 102:2

Llaquicuycaptëga nogapita ama pacacuychu ari. Wiyaycamay ari. Mañacaycämuptëga juclla yanapaycamay ari.