Éxodo 15:9 - Tayta Diosninchi Isquirbichishan

⁹ Chiquimajcunaga caynömi yarparan: ‹Gatishaj taripanäcama. Llapan apaycashancunatapis guechurcurmi raquipänacushaj. Sablëwanmi ushajpaj wañuchishaj› nir.

Éxodo 15:9 Referans Kwoze

Jueces 5:30

‹Pillyar binsishpan imatapis guechushancunatami raquipänacuycanga. Suldärucunaga jucta-camachari ishcayta-camachari uywayninpaj warmita raquipänacuycan. Sisarapäga canga achca culur tëlacuna. Burdasha juc ishcay cuyayllapaj pañuylucunami binsej wallgacunanpaj canga.›

Éxodo 14:5

Israelcuna gueshpiycashanta musyaycur faraonga autoridänincunawan pësacuran Israelcunata cachaycushanpita. Chaymi ninacuran: «¿Imatataj ruraycushcanchi? ¿Ima jinanpataj Israelcuna aywacunanpäga cachaycushcanchi? Cananga ¿pitaj arupämäshun?» nir.

Lucas 11:22

Paypita mas callpayoj runa shamurmi ichanga garutinta guechurir llapan ima-aycantapis apaconga. Nircur runacunata raquiparenga.

Isaías 53:12

Chaypitami paytaga Tayta Dios mas alliman churanga. Chaychöga munayniyojcunawan iwalmi alli cajta chasquengapaj. Chaynöga chasquengapaj wañushanpitami, juchayojcunano ñacashanpitami. Rasunpa payga aypalla runacunapa juchantami aparan. Juchayojcunapäpis ruwacur mañacusha.

Habacuc 3:14

Mandajnincunaga löcu tamyanömi cawalluncunawan muntädu shamuran. Paycunaga fiyupa rabyashami shamuran nogacunata wacpa caypa machiramänanpaj. Nogacunaga manami ima ruraytapis camäpacurächu. Gammi ichanga quiquinpa lëchancunawan wañurachishcanqui.

Génesis 49:27

«Benjamín, gamga canqui atojnömi. Imatapis charircur tuta tutallami micunqui. Tardipana llapan puchöpacushayquitapis aypurinqui.»

Isaías 36:20

Asiria raypa maquinpitaga manami maygan nasyunpa diosnincunapis salbashachu. Chayno caycaptenga ¿imanirtaj yarpanqui Jerusalenta Tayta Dios salbananpaj cashanta?»

1 Reyes 20:10

Ben-adadnami Acabta yapay willachiran: «¡Samaria siudäta ichiraycajta ichicllatapis cachaptëga dioscuna fiyupa castigamächun!» nir.

1 Reyes 19:2

Chaura Jezabelga cachata cacharan Eliasman: «Wara cayno öra gamta mana wañuchiptëga Baal castigamächun. Baalpa willacojnincunata wañuchishayquinömi gamtapis wañuchishayqui» nir.

1 Samuel 30:8

Tayta Diosta tapucuran: «¿Suwacunata allipächu gatishaj? ¿Gatir taripashächu?» nir. Chaura Tayta Dios niran: «Ayway guepanta. Taripaycur prësu apashancunatapis cutichimunquipämi» nir.

2 Samuel 22:38

«Chiquimajcunatapis gaticachashcä, illgächishcä. Llapanta ushaycur-rämi cutimushcäpis.

Proverbios 16:19

Alli-tucoj rïcucunawan goturänanpitaga mas alli caycan manacajman mana churaypa pobricunawan goturaymi.

Jeremías 46:17

Chayno ninacur gaparpan: ‹Egiptupa mandajnin faraonga ricayllanmi. Manami imata ruraytapis camäpacunchu› nir.