Éxodo 11:5 - Tayta Diosninchi Isquirbichishan

⁵ Chaymi llapan Egiptucunapa guechpa caj wamran wañonga. Faraonpa guechpa caj wamranpita gallaycur asta maraycho agapacoj warmipa guechpa caj wamranpis wañonga. Llapan uywacunapa rimir caj wawanpis wañonga.

Éxodo 11:5 Referans Kwoze

Salmos 78:51

¡Egipto runacunapataga guechpa ollgu wamrancunatapis jinanchömi wañurachiran!

Mateo 24:41

Ishcay warmi maraycho iwal agaycaptin jucajtami pushaconga; jucajta cachayconga.

Salmos 136:10

Egipto runacunapa guechpa wamrancunata wañuchejta agradësicuy-llapa. Pay cuyacoj cashanga imaycamapis chaynöllami.

Salmos 135:8

Tayta Diosmi wañuchiran, Egipto runacunapa guechpa wamrancunata, uywancunapa rimir caj wawancunatapis.

Salmos 105:36

Egipto runacunapa guechpa wamrancunatapis Tayta Dios wañuchiran.

Éxodo 13:15

Faraón fiyupa chucru shongu ricacur mana munaranchu llojshicamunäcunata. Chaymi Tayta Diosga Egipto runacunapa guechpa ollgu wamrancunata, uywancunapa rimir caj orgu wawantapis wañuchiran. Chaypitami uywäcunapa rimir caj orgu wawantaga Tayta Diospaj goycöcuna. Chayno guechpa ollgu wamräcunapa ruquinpis Tayta Diospaj ofrendata goycöcuna› nir.

Éxodo 12:29

Nishan junäga pullan pagasmi Tayta Dios wañuchiran Egiptucunapa guechpa ollgu wamrancunata. Faraonpa guechpa ollgu wamranpita asta carsilcho caycajpa guechpa ollgu wamrantapis wañuchiran. Llapan uywacunapa rimir caj orgu wawancunatapis wañuchiran.

Éxodo 12:12

Chay chacayga Egipto nasyun intërupami noga purishäpaj. Llapan Egiptucunapa guechpa wamrancunatami wañuchishaj. Chaynömi uywancunapatapis rimir caj wawantaga wañuchishaj. Egiptupa diosnincunata castigashäpaj. Noga Tayta Diosmi chayno në.

Éxodo 4:23

Chaymi gamtaga mayna nishcäna aduramaj aywananpaj wamräta cacharinayquipaj. Aywacunanta mana munaptiquega guechpa wamrayquitami wañuchishaj.› »

Hebreos 11:28

Tayta Diosman yäracurmi Moisesga Pascua fistata rurar yawarwan puncupa marcunta llushichiran. Israel runacuna chayno rurananpaj niran wañuchicoj anjil yawarta ricaycur guechpa cajtaga pitapis mana wañuchinanpämi.

Lamentaciones 5:13

Mas callpayoj caj runacunatami churasha mulinucho agaj rumita tangananpaj. Mösucunatanami yantata ashtachisha apaytapis mana puydishancama.

Isaías 47:2

Maraycho tunaywanna machcata agay. Shucutaraycashayqui bëluyquitapis jorguriyna. Mayucunata päsanayquipaj falinniquita chegllayquicama jogariy. Chaynöpa chancayquicunapis alayri ricacanga.

Jueces 16:21

Chaura Filistea runacunaga jinan öra prësu charircur ñawintapis jorguran. Gaza siudäman prësu aparan. Chaychönami watarächiran runsi cadinawan. Carsilcho mulinu tangaycho aruchiran.