Éxodo 10:2 - Tayta Diosninchi Isquirbichishan

² Chaynöpami gamcunapis wamrayquicunata willcayquicunata willapanquipaj Egiptucunata imanöpis rurashäta, almiraypajcunata rurashäta. Chaynöpami gamcuna musyanquipaj rasunpa noga Tayta Dios cashäta.»

Éxodo 10:2 Referans Kwoze

Joel 1:3

Cayno cashantaga wamrayquicunata willapanqui. Wamrayquicunana wamrancunata willapanga. Paycunana willapanga mas guepata yurejcunata.

Deuteronomio 4:9

Chaymi gamcunaga ama gonganquichu llapan yachachishäcunatawan ricashayquicunata. Cawashayquicamaga waran-waran wamrayquicunata willcayquicunata willapanqui.

Éxodo 13:14

«Wara warantin wamrayquicuna ‹¿Imapätaj cayno ruranchi?› nir tapushuptiqui gamcunaga ninqui ‹Egiptucho uyway caycajtami Tayta Dios fiyupa munayninwan jorgamaran.

Salmos 44:1

Tayta Dios, quiquëcunami wiyarä. Papänëcunapis willapämaran paycuna caycashan wichan rurashayquicunata, päsaj watacunacho rurashayquita.

Éxodo 7:17

Cananmi ichanga musyanqui pï Tayta Dios cashantapis. Tayta Dios nimashannöllami cay aptaraycashä tucruwan mayuta wiruptë yawarman yacu ticracurengapaj.

Efesios 6:4

Mama-taytacunapis wamrayquicunata ama jagayächinquimanchu. Chaypa ruquenga alli shimillayquipa tantiyachinqui Jesucristo munashanno cawananpaj.

Ezequiel 20:28

Goycunäpaj aunishä partiman chayachirä. Chayman chayaycorga altunnin puytush lömacunata, cupösu yöracunata ricärerga jinan öra apaj adurar garayninta goycunanpaj. Chayman imatapis garaj nogata fiyupa rabyachimashpanmi. Insinsucunawan saumachej; bïnutapis tacshipaj.

Ezequiel 20:26

Camacächirä ofrendancunatano guechpa wamrancunata ïduluncunapaj rupachinanpaj. Chaynöga camacächirä fiyupa mancharachinäpaj, chaynöpana noga Tayta Diosnin cashäta musyananpaj.›

Salmos 71:18

Ama cachaycamaychu ari auquinna captëpis soguna captëpis. Nogaga mastarämi willacunä caycan munayniyoj cashayquita canan caycaj runacunata, paycunapa wamrantapis.

Salmos 58:11

Chayrämi llapanpis nenga: «¡Tayta Diosta wiyacuymi alliga! ¡Cay pachacho canmi Dios llapanta jusgananpaj!» nir.

Éxodo 7:5

Israelcunata chayno jorguptërämi Egipto runacunaga musyanga noga Tayta Dios cashäta.»

2 Samuel 7:22

«¡Tayta Dios, gamga fiyupa munayniyojmi canqui! Gamnöga manami pipis canchu. Gampita mas juc diosga manami canchu. Manami wiyashcäcunapischu juc dioscuna cashantaga.

Éxodo 8:6

Chaura Aaronga tucrunta jogariran. Nircur macyararan intëru Egipto yacucunaman. Chaura säpucunaga intëru nasyunman juntajpaj yuricuriran.

Éxodo 14:4

Nogami camacächishaj faraón rumi shonguno contra ricacushpan guepayquita gatishushpayqui shamunanpaj. Chayno gatishuptiqui nogami suldäruncunata ushacächishaj. Chaynöpami musyachishaj munayniyoj cashäta. Chayrämi Egiptucunaga musyanga noga Tayta Dios cashäta.» Chaymi Israelcunaga Tayta Dios nishannölla cutiran.

Éxodo 14:18

Egiptucunaga noga Tayta Dios cashäta musyanga faraonwan aywajcunata imanöpis ruraptërämi.»

Salmos 44:2

Quiquiquimi mana rispitashojcunatapis jitarirayqui. Jäpa runacunata illgächirayqui. Chaymannami awilöcunata tiyachirayqui.

Salmos 78:3

Wiyashanchïta, musyashanchïta unay caj awilunchïcunami willapämaranchi.

Isaías 38:19

Cawajcunami ichanga alabashunqui canan noga alabaycashäno. Papänincunanami wamrancunata willapan nishayquita cumlej cashayquita.