Esdras 9:13 - Tayta Diosninchi Isquirbichishan

¹³ «Nogacunataga manami castigamashcanquichu juchata rurashämannöga. Chaypa ruquenga wallcajllapis cayman cutimunäpämi camacächishcanqui.

Esdras 9:13 Referans Kwoze

Salmos 103:10

Manami castigamanchïchu juchata rurashanchïmannöga, mana allita rurashanchïmannöpis.

Lamentaciones 3:22

Tayta Dios cuyacoj cashanga manami imaypis ushacanchu. Cuyapäcoj cayninpis manami ushacanchu.

Job 11:6

Payga tantiyachishunquimanmi imano yachay cashantapis. Chay yachaycuna noganchïpäga mana tantiyaypämi. Chayrämi musyanquiman jucha rurashayquiman-tupu Tayta Dios mana castigashushayquita.

Gálatas 3:4

¿Tucuy allicunata chasquishayquipis manacajllapänachu canga? Manachi manacajllapäga canmannachu.

Habacuc 3:2

Tayta Dios, intërupa rejsisha cashayquitami musyashcä. Tayta Dios, imata imano rurashayquitapis wiyarmi fiyupa almirä. Unaycuna rurashayquino ruray ari canan nogacuna caycashä wichanpis. Chaynöpanami nogacunapis rurashayquita musyashaj. Rabyashpayquipis cuyapäcoj cashayquita yarpaycuy ari.

Nehemías 9:32

«Tayta Dios gamga canqui munayniyojmi, manchacunami. Parlacushayquitaga manami gonganquichu. Cuyacunquimi. Asiriapa raynincuna cashanpita canancamami castïgu nogacunaman, raynëcunaman, mandajnëcunaman, cüräcunaman, gampita willacojcunaman, unay caj awilöcunamanpis chayasha.

Nehemías 13:18

Canan rurarcaycashayquinömi awiluyquicunapis ruraran. Chaypitami noganchïtaga castigamashcanchi; cay siudätapis juchuchisha. Chayno caycaptin ¿imanirtaj säbadu jamay junajta mana rispitar Tayta Diosta masraj rabyaycächinqui Israelcunapaj yapay rabyacurcunanpäga?»