Esdras 8:21 - Tayta Diosninchi Isquirbichishan

²¹ Ahava mayu cantuncho carcaycashächo ayunanäcunapaj nirä. Nirä Tayta Diosta rispitar mañacunäcunapaj Jerusalenman cutimuptëcuna nogacunata, famillyäcunata allilla chayachimänanpaj yan'gämänanpaj, cösäcunatapis allilla chayachinäpaj yanapämänanpaj.

Esdras 8:21 Referans Kwoze

2 Crónicas 20:3

Chaymi Josafatga fiyupa manchacur Tayta Diosta tapucuran. Llapan Judá runacuna ayunananpaj willachiran.

Joel 1:14

Llapan runacunata gayachir willay ayunananpaj. Tayta Diospa Templunman shuntay mayurcunata, chay nasyuncho cajtaga llapan runacunatapis llapayqui Tayta Diosta mañacunayquipaj.

Isaías 30:21

Alli ruraycashayquipita wac-läman u cay-läman tunejnöpis llutanman chayajno captiqui, guepayquipitami gayacamushunquipaj. Chaymi nishunquipaj «Caypami näniga. Cay alli nänipa aywayga» nir.

1 Samuel 7:6

Chaura llapan Israelcuna Mizpaman shuntacaran. Chaychönami yacuta chagarcärir jicharan «Tayta Diospaj ofrenda» nir. Chay junäga ayunaran. «Juchatami rurashcanchi» nir llaquicuran. Chay junajmi Samuelta Israelcuna churaran mandaj jueznin cananpaj.

Jonás 3:5

Nínive siudächo tiyajcunaga Dios willacachishanta rasunpa riguiran. Chaymi parlacuran ayunananpaj. Llaquicushpan gachga röpacunatapis jaticuran wamracunapis rucu runacunapis.

Levítico 16:29

«Willapashä laycunataga gamcuna imaycamapis cumlinqui. Ganchis caj quilla chunca junajnincho gamcuna ayunanqui. Chay junäga quiquiquicunapis jäpacunapis marcayquicho goyäga ama arongachu.

Levítico 23:29

Chay junaj mana ayunaj cäga pï carpis marcayquipita gargushami canga.

Hechos 2:39

Espíritu Santutaga cachamonga gamcunaman, wamrayquicunaman, juc-lä runacunamanpis. Acrashancunamanga pï-maymanpis cachamunanpämi Tayta Dios aunisha.»

Isaías 42:16

Gapracuna aywashanpaga chacaytapis achicyajmanmi ticrarachishaj. Jatun ragracunatapis pampamanna ticrarachishaj. Paycunataga pushashäpaj mana rejsishan nänicunapami, quichqui nänicunapami. Chaycunataga rasunpami rurashaj.

Salmos 5:8

Tayta Dios, allillapa pushamay ari alli shongu cashayquimanno. Man'chäga chiquimajcunami mana allita ruramanga. Munashayquino cawanäpaj yanapaycamay ari.

Esdras 8:15

Noga Esdrasmi runacunata shuntarä Ahavaman aywaj mayu cantunman. Chaycho quimsa junaj llapanë goyarä. Chaycho cüracunata, llapan runacunata yupaptë cüracunata yanapaj Leví trïbu runacunaga ni jucnayllapis manami caranchu.

Jeremías 10:23

Tayta Dios, runaga distïnun imano cashantapis manami musyanchu. Runaga manami musyanchu imaycama ni imano cawananpaj cashantapis.

Isaías 58:5

¿Gamcunaga yarpanqui llaquicur-raj ayunashayqui nogapaj alli cashantachu, shogush umpucajnöpis uysucusha purishayqui nogapaj alli cashantachu, uchpamanpis gachga röpayqui jatisha wegucunayquitaraj munashätachu? ¿Chayno rurashayquitachi gamcunaga ‹Tayta Dios munashanno ayunay junajmi› ninqui?

Isaías 58:3

Chaypis nircaycäman: ‹Mana ricaycämaptiquega ¿imapätaj ayunashäcunapis? ¿Imapätaj cuerpöcunatapis ñacachishaj gam mana cuentata apacuycaptiquega?› Nishpayquipis gamcunaga ayunay junaj nigusyullatami arurcaycanqui. Piyunniquicunatapis amatar aruchishpayqui ñacaycächinqui.

Isaías 49:10

Chauraga yargaypis ni yacunaypis manami canganachu. Intipis, ni acaypis manami ñacachengapächu. Chaynöga canga paycunata noga cuyaptëmi, pusharaptëmi. Chuya yacu pashtajcunamanmi pushashaj.

Proverbios 3:6

Imata ruraycashayquichöpis Tayta Diosllaman yäracuy. Chauraga paymi alli caminupa pusharäshunquipaj.

Jueces 20:26

Chaura yapay Bet-elcho wagaran Israelcunapis suldärucunapis. Goyarpoj ayunaran. Rupachina sacrifisyucunata y alli goyaypita sacrifisyucunatapis rupachiran.

Levítico 16:31

Chay junäga gamcunapaj säbadu jamay junajmi canga. Chaymi ayunar ima aruytapis ama ruranquichu. Chay nishäcunaga imaycamapis laymi gamcunapaj canga.

Isaías 35:8

Chunyaj chaqui jirca cashan chaupinpana näni caycangapaj. Chay nänipa jutinmi canga «Rispitädu näni». Juchanpita manaraj limyu cäga manami chaypa aywangapächu. Mana tantiyaj upacunaga manami chaypa aywangachu.

Salmos 8:2

tacsha wamracunami, chuchuycaj wamracunami alabashunqui. Chayno alabashunqui contrayqui jatarejcunata, chiquishojcunata upällachinanpaj illgächinanpämi.

Esdras 8:31

Ahava mayu cantunpita Jerusalenman aywacurä wataman gallarej quilla chunca ishcay (12) junajnincho. Aywaptëcuna Tayta Diosnëmi chapämaran chiquimajcunapita, suwacunapitapis.

Números 14:31

‹Chiquimajcunapa munayninchöchari canga› nishayqui wamrayquicunatami ichanga aunishä nasyunman chayachishaj. Paycunami ichanga manacajman churashayqui nasyuncho cushisha goyangapaj.

Números 14:3

Tayta Diosga ¿imapäraj cay partiman pushamashcanchi? ¿Pushamashcanchi guërracho wañunanchïpächu, warminchïcunapis wamranchïcunapis chiquimajninchïcunapa munaynincho prësu cananpächu? ¡Masbin Egiptuman cuticushun!»

Jonás 3:7

Papilta rurarcur mashtachiran intëru siudäpa. Chay papilcho cayno niycaran: «Pipis ama ima micuytapis micuychu. Uywayquicunatapis ama garaychu. Ni yacutapis ama upuchiychu.

2 Crónicas 20:4

Chaura Judá runacunaga llapanmi shuntacaran Tayta Diosta mañacunanpaj. Judächo caj siudäcunapitaga intërupitami runacuna shuntacaran.

Nehemías 9:1

Chay ganchis quillalla ishcay chunca chuscu (24) junajnincho Israelcuna yapay shuntacaran ayunananpaj. Gachga röpacunata jaticuran. Umancunamanpis allpata wiñacuran.

Ester 4:16

«Gamga cay Susa siudächo caycaj Israel runacunata shuntay. Nircur chay runacunawan quimsa junaj y quimsa pagas ayunay yarpaycashäno cananpaj. Nogapis uywaynëcunawan ayunashaj. Nircur laycho nishanno mana captinpis ray cajman aywashaj. Wañuchimaptenga jina wañuchishachari cashaj.»

Salmos 5:9

Fiyu runacunaga manami imaypis rasun cajtaga rimanchu. Shongunchöpis mana alli yarpaycunallami. Shiminpis sepultüra quicharishanömi caycan. Alli-tucullarmi parlan.

Salmos 137:1

Babilonia mayucuna cantuncho jamarpar, wagaj canchi Sionta yarpärir.

Jeremías 42:3

Tayta Diosniquita mañacuycuy ari maygan nänipa aywanapäpis musyachimänapaj; chayno imata ruranapäpis tantiyachimänapaj.»

Daniel 9:3

Chaura juchäcunapita ayunashpä, gachga röpacunata jaticushpä, uchpaman jamacushpä Tayta Diosta mañacurä.