Esdras 3:11 - Tayta Diosninchi Isquirbichishan

¹¹ Tayta Diosta waquin alabaptin waquenga chasquiran «Tayta Diosta agradësicuy. Payga amatar allimi. Israelcunataga imaycamapis cuyanmi» nir. Llapan runacunapis cushicuypita gaparparan. Tayta Diosta sinchipa alabaran Templuta yapay aruyta gallaycärishanpita.

Esdras 3:11 Referans Kwoze

1 Crónicas 16:34

«Tayta Diosninchïta agradësicuy amatar alli cashanpita. Payga imaycamapis chaynöllami cuyamanchi.

Salmos 106:1

¡Aleluya! ¡Tayta Diosga alabasha cachun! Tayta Diosta agradësicuy-llapa amatar alli cashanpita. Pay cuyacoj cashanga imaycamapis chaynöllami.

Salmos 107:1

Tayta Diosta agradësicuy-llapa amatar alli cashanpita. Pay cuyacoj caynenga imaycamapis chaynöllami.

Salmos 103:17

Tayta Diosmi ichanga imaycamapis cuyan payta wiyacojcunataga. Alli caynenga ayca miraycamapis chaynöllami.

Jeremías 33:11

cushisha fistata rurarcaycajta, majachacashpan fistata rurarcaycajtapis. Templumanpis agradësicamashpan ofrendacunata apamongapämi. Chaynöpis wiyanquipämi «Munayniyoj Tayta Diosta agradësicuy pay alli cashanpita, cuyacoj caynenga imaypis mana ushacaj cashanpita nejta. Rimashäno rasunpami nogaga cay nasyunpa surtinta rucachishaj unayno cananpaj. Noga Tayta Diosmi chayno në.»

Salmos 135:3

Tayta Diosta alabay-llapa pay alli cashanpita. Alabansacunawan payta alabay cuyapäcoj cashanpita.

Salmos 118:1

Tayta Diosta agradësicuy-llapa fiyupa alli cashanpita. Pay cuyacoj cashanga imaycamapis chaynöllami.

2 Crónicas 7:3

Israelcunaga nina chayajta ricar, Tayta Diospa munaynin Templuman chayajta ricar gongurpacuran urcunpis pampaman töpanancama. Nircorga Tayta Diosta rispitar adurashpan yaparir-yaparir niran: «Tayta Diosga fiyupa allimi; imaycamapis chaynöllami cuyapäcun.»

Isaías 12:6

Sioncho tiyajcuna, cushicuypita gaparpay, cantay. Chayno ruranqui Israelpa Santo Tayta Diosnin gamcunacho fiyupa munayninwan captinmi.»

Nehemías 12:24

Chay mandajcunaga caran: Hasabías, Serebías, Josué, Binuy, Cadmiel. Paycunawan carcaycaran cantaj-masincunapis turnuncho Tayta Diosta alabar agradësicunanpaj. Chayno cananpämi Tayta Diosta sirbej ray David niran.

Isaías 44:23

¡Tayta Dios imanöpis rurashanpitaga cushicuywan gaparay ari syëlu! ¡Pacha rurincho caycajcunapis bïbar gaparpay! ¡Jircacunapis llapan munticunapis fiyupa cushicushpayqui gaparpay! ¡Cushicur gaparpay Jacobpita mirar aywaj Israelcunata salbashpan Tayta Dios fiyupa munayniyoj cashanta musyachishanpita!

Éxodo 15:21

Caynömi María cantaran: «Tayta Diosta alabar cantay munayniyoj cayninwan binsishanpita. Payga cawallucunatami, muntädu aywajcunatami lamarman garpurisha.»

Lucas 1:50

Pay munashanno cawajcunata Diosninchëga imaycamapis cuyapangami.

Zacarías 9:9

«¡Fiyupa cushicuy Sión lömacho caycaj siudä! ¡Cushicuypita cantay Jerusalén siudä! Gamcunamanga allillata ruraj, llapanta binsej, umildi rayniquimi aywaycämun bürrullan muntasha. Cargacuna bürrupa wawan muntashami aywaycämun.

Isaías 6:3

Paycunami gayaraypa ninacuycaran: «Munayniyoj Tayta Diosga Santo, Santo, Santumi. Paypa munayninmi intëru pachacho juntasha caycan.»

Salmos 47:1

Llapayqui runacuna, cushicushpayqui macshupäcuy. Tayta Diosta alabay.

1 Crónicas 16:41

Paycunawan caycänanpaj churaran Hemanta, Jedutunta. Paycunatawan iwal alabananpaj jutinpa acrashan caj runacunatapis cacharan. Paycunata niran: «Tayta Diosta agradësicunqui. Payga imaycamapis chaynöllami cuyamanchi.»

Nehemías 12:40

Nircorga ishcan röpa cantajcuna Tayta Diospa Templunchöga shuyni-cama camacaran maychömi cantananpaj caj parti caran chayman. Nogapis shuyni caycarä pullan caj yan'gämaj mandajcunawan

Salmos 47:5

Tayta Diosga cushicushpanmi janajman wichasha. Trompëtacunata tucaycaptinmi tiyananman yaycusha.

Josué 6:5

Tucaycashanpita guërrapäna tucayta gallaycuptin llapan callpayquipa gaparpanqui. Chaura jinan örami siudäpa pergancuna juchucäconga. Juchuptin jinan öra siudäman yaycucaycärinqui.»

Josué 6:16

Ganchis caj tumaycho cüracuna guërrapäno wagrata tucarcuptin Josuëga runacunata niran: «¡Gaparpay! ¡Cay siudätaga Tayta Dios maquinchïmannami churasha!

Josué 6:10

Pillyajpaj cajcunataga Josué nishana caran: «Upällalla aywanqui. Llapan callpayquiwan gaparpänayquipaj nishä öraraj gaparpanquipäga.»

2 Crónicas 5:13

Chay öraga llapan iwal-lla trompëtancunata tucaran. Tayta Diosta alabar, agradësicur iwal cantaran. Trompëtancunata, latilluncunata, waquin tucanacunata tucar cantaran «¡Alabay Tayta Diosta. Payga amatar allimi. Imaycamapis cuyacojmi!» nir. Chay örami Tayta Diospa Templun ruricho pucutay juntacurcuran.

Salmos 100:5

Tayta Diosga fiyupa allimi. Payga imaycamapis cuyacojmi. Imaypis payga allillatami ruranga.

Salmos 131:1

Tayta Dios, nogaga manami alli-tucöchu. Manami pitapis manacajman churächu. Manami munächu ima-aycatapis aypallata ni ima allicunatapis mana aypänäpaj cajtaga.

Zacarías 4:7

Jatuncaray jircano car munayniyoj captinpis Zorobabelpa ñaupanchöga pampanöllami caycan. Templuta aruyta ushaycuptin runacunaga almirar «¡Imano cuyayllapäshi! ¡Imano cuyayllapäshi!» nengami› nir.»

Hageo 2:3

Ñaupata Templö imano cuyayllapaj cashantapis ricajcuna ¿maygallanga cawaycanrächuraj? Cananga ¿imanötataj ricaycanqui? ¿Manachu pasaypa manacajnölla caycan?