Esdras 10:5 - Tayta Diosninchi Isquirbichishan

⁵ Chaura ichircur Esdrasga cüracunapa mandajninta, cüracunata yanapaj Leví runacunapa mandajninta, llapan Israelcunatawan jurachiran aunishanta cumlinanpaj. Chaura paycunapis aunir juraran.

Esdras 10:5 Referans Kwoze

Nehemías 13:25

Chay runacunawan rimanacur paycunata «maldisyun chayashunqui» nirä. Waquintaga chay runacunata magarä. Ajchancunata achur-usharä. Firsapita jurachir nirä: «Warmi wamrayquicunata ama majachaychu juc-lä nasyun runacunawanga. Gamcunapis ni wamrayquicunapis paycunapa warmi wamrancunawanga ama majachacächunchu.

Nehemías 5:12

Chaura paycuna niran: «Gam nimashayquinömi llapantapis cumlishaj. Canan örami llapanninta cutiycachishaj. Mananami jagä canganachu.» Chayno niptin cüracunata gayachirä. Nircur paycunapa ñaupancho jurachirä quiquincuna aunishanno cumlinanpaj.

Mateo 26:63

Chaura Jesús mana imatapis rimacuranchu. Mas mandaj cüraga niran: «Llapanpaj munayniyoj Tayta Dios ricaycämashami gamta tapö: ¿Gamchu Tayta Dios cachamushan Cristo canqui? ¿Tayta Diospa wamranchu canqui?»

Proverbios 27:9

Cuyayllapaj perfümiwan pichucuriptenga shongupis cushicurinmi. Amïgun allita willapaptenga shongunpis achicyärinmi.

Proverbios 15:23

Tapucushanta alli cuticherga cushicunmi. Camacashan öra alli willapashanpis mas allimi.

Proverbios 9:9

Yachaj runaga yachachiptiqui masmi yachaj ricaconga. Alli runacunata yachachiptiqui masmi yachacongapaj.

Proverbios 1:5

Yachajcunapis, yarpaysapacunapis cay rimaycunata wiyarga masmi yachacun.

Nehemías 10:29

Famillyancunawan, mandajnincunawan shuntacarcur juraran Moisés isquirbishan laycunata, mandamintucunata cumlinanpaj. Moisestaga Tayta Diosmi willaparan laycunata yachachinanpaj.

Esdras 10:3

Canan nogacunaga Tayta Diospa laynincho niycashannömi juc-lä nasyunpita caj warmëcunata wamrantinta gargurishaj. Gam nimashayquinömi, Tayta Diospa mandamintuncunata cumlejcuna nimashannömi llapanta rurashäcuna.