Efesios 6:1 - Tayta Diosninchi Isquirbichishan

¹ Wamracuna, Jesucristuman yäracuycarnaga mamayqui-taytayquita rispitar wiyacuy. Chayno wiyacunayquega camacanmi.

Efesios 6:1 Referans Kwoze

Proverbios 23:22

Taytayquita wiyacunqui. Mamayqui chacwanyaptin rispitanqui.

Proverbios 6:20

Ïju, taytayqui willapäshushayquicunata sumaj wiyacuy. Mamayqui taytayqui yachachishushayquicunata ama gongaychu.

Proverbios 1:8

Ïju, taytayqui willapäshushayquita sumaj wiyacuy. Mamayqui tantiyachishushayquitaga ama gongaychu.

Deuteronomio 21:18

«Pipapis juc wamran capas canman mana wiyacoj, munaysapa, papänin maman willapashantapis mana cäsoj, piñacur astiptinpis mana wanacoj.

Levítico 19:3

«Jucniqui-jucniquipis mamayqui taytayquita rispitanqui. «Säbadu jamay junajchöpis rispitamar jamanqui. Noga Tayta Diosniquimi chayno në.

1 Timoteo 5:4

Famillyayoj biyüdata ichanga wawancuna, willcancuna yanapächun. Ama gongachunchu cuyar imano uywashantapis. Mamanta, chachanta cuyar yanapaptinmi Tayta Diosninchi cushicun.

Romanos 12:2

Waquin runacuna shongun munashanta rurar cawashannöga amana cawaynachu. Chaypa ruquenga llutan yarpaycunata y jucha ruraycunata cachaycur yarpachacuy Tayta Diosninchi munashanno cawanayquipaj. Chaynöpami tantiyanquipaj Tayta Diosninchi munashanno cawayga mas alli caway cashanta.

Proverbios 30:17

Maman-taytanta mana alli ricajtaga ñawincunatapis ancacuna jorgucurinman, cundurcunapis micucurcunman.

Romanos 7:12

Ichanga ama yarpäshunchu laycuna mana alli cashanta. Laycunaga Tayta Diosninchi nisha captinmi alli caycan.

Lucas 2:51

Chaypitaga Jesusta pushacurcur Nazaretman cuticuran. Chaychöga maman-taytan mandashancunata rurashpan tiyaran. Imano cashantapis mamanga shongullancho yarparaj.

Job 33:27

Chayrämi runa nenga: ‹Juchatami rurashcä, mana allicunatami rurashcä. Chaypis Tayta Diosga manami castigamashachu.

1 Pedro 2:13

Taytanchi Jesucristuta pipis manacajman mana churananpaj mayur autoridäcunata, Romapa mandajninta wiyacuy. Paycunapa maquinchömi caycanchïpis.

Oseas 14:9

Yachaj cajcunaga, yarpaysapa cajcunaga cay willacuyta tantiyachun. Tayta Diospa caminunga derëchumi. Alli runacunaga chaypami purin. Juchasapacunami ichanga chay caminucho tacacan.

Proverbios 30:11

Waquenga canmi taytanta ñacachej, mamantapis mana rispitaj.

Génesis 28:7

Ricaran papänin maman nishanta wiyacur Jacob Padan-aramman aywacushantapis.

Salmos 19:8

Tayta Diospa laynincunaga manami llutanchu. Shongunchïtapis cushicachinmi. Tayta Dios yachachimashanchëga sumaj allimi. Yachachimanchi alli cawayta tarinapämi.

Ester 2:20

Mardoqueo nishannölla Esterga mana willacuranchu may marca cashanta, ni ima famillya cashantapis. Mardoqueo yachachishannöllami imatapis niran. Wamra car wiyacushannölla wiyacuran.

1 Corintios 15:58

Chayno caycaptenga, cuyashä ermänucuna, mana uticaypa Tayta Jesucristuman yäracuy y mana yamacaypa paypa alli willacuyninta willacuy. Gamcuna musyashayquinöpis Tayta Jesucristuta sirbishanchëga manami manacajllapächu caycan.

Romanos 16:2

Marcanchöga ermänucunata sumajmi yanapasha. Nogatapis willacur puriptë yanapämashami. Jesucristuman yäracoj-masinchi caycaptenga chayamuptin payta chasquicunqui-llapa. Imata nistashancunatapis llapanta camaripaycullanqui.

Salmos 119:75

Tayta Dios, nogaga musyämi llapanpita alli jusgaj cashayquita. Quiquë imatapis rurashäpitami ñacachimanquipis.

Génesis 37:13

Chaymi Israelga wamran Josëta niran: «Wauguiquicunaga Shequemchömi uyshanchïcunata ricaycan. Aywariycuy. Ricaycamuy imano caycashantapis.» Chayno niptin José niran: «Au papä, aywashaj» nir.

Jeremías 35:14

Recabpa wamran Jonadabpita mirajcunaga canancamami yarparaycan awilun willapar bïnuta mana upunanpaj nishanta. Chaymi cananyaj bïnuta mana upunchu unay caj awilun willapashanta wiyacushpan. Nogapis gamcunata yaparir-yaparirmi willapashcä. Chaypis gamcunaga manami wiyacamashcanquichu.

Nehemías 9:13

«Sinaí puntamanmi urämurayqui. Paycunataga syëlupitami willapämurayqui. Munashayquino goyänanpaj tantiyachirayqui. Alli cajta yachachirayqui. Allillata rurananpaj laycunatapis, mandamintucunatapis willaparayqui.

1 Samuel 17:20

Warannin tuta chacalla Davidga aywacuran uyshata ricaycänanpaj jucta ashiycur taytan Isaí apachishancunata apacurcur. Chayaptin pillyaman llojshinanpäna ollgurcaycaran.

Salmos 119:128

Chaymi nogaga willapämashayquino goyä. Llutan ruraycunataga llapantami chiquë.

Rut 3:5

Niptin Rut niran: «Nimashayquinömi rurashaj.»

Jeremías 35:8

Nogacunaga wiyacurcaycä unay awilö Jonadab nimashancunatami. Chaymi bïnutaga imaypis mana upöcunachu quiquëcunapis, warmëcunapis, ni wamräcunapis.

Jeremías 35:18

Recabpita mirajcunatapis Jeremiasga niran: «Israelcunapa munayniyoj Tayta Diosninmi nin: ‹Unay awiluyqui Jonadab nishanta gamcunaga yachacushcanquimi. Imata nishushayquitapis wiyacushcanquimi. Llapantami nishushayquitaga cumlishcanqui.

Génesis 48:12

Israelpa gongurnincuna chaupincho caycajta wamrancunata José witichiran. Nircur quiquenga umpuran urcunpis pampaman töpanancama.

Génesis 50:12

Jacobpa wamrancunaga llapantapis cumliran papänin caway shiminpa nishanno.